ਜੇਕਰ ਹਵਾਰੇ ਵਰਗੇ ਜੇਲ੍ਹੀਂ ਤਾੜੇ ਨਾ ਹੁੰਦੇ: ਧਰਮ ਦੇ ਨਾਂ ’ਤੇ ਥਾਂ-ਥਾਂ ਇਦਾਂ ਪਾੜੇ ਨਾ ਹੁੰਦੇ...

ਧਰਮ ਦੇ ਨਾਂ ’ਤੇ ਥਾਂ-ਥਾਂ ਇਦਾਂ ਪਾੜੇ ਨਾ ਹੁੰਦੇ।
ਗੁਰੂ ਗ੍ਰੰਥ ਸਾਹਿਬ ਦੇ ਅੰਗ ਗਲੀਆਂ ਵਿਚ ਖਿਲਾਰੇ ਨਾ ਹੁੰਦੇ।
ਜੇ ਹਾਕਮ ਕੋਸ਼ਿਸ਼ ਕਰਦੇ ਹਾਲਾਤ ਏਨੇ ਵੀ ਮਾੜੇ ਨਾ ਹੁੰਦੇ।
ਜੇ ਮੌਕਾ ਮਿਲਦਾ ਸੱਚ ਨੂੰ ਝੂਠ ਨੇ ਚੰਨ ਫਿਰ ਚਾੜ੍ਹੇ ਨਾ ਹੁੰਦੇ।
ਖ਼ੁਸ਼ਹਾਲ ਸੂਬੇ ਦੇ ਅੰਦਰ ਏਦਾਂ ਪਏ ਉਜਾੜੇ ਨਾ ਹੁੰਦੇੇ।
ਨਾ ਪਖੰਡਵਾਦ ਏਨਾ ਵਧਣਾ ਸੀ, ਥਾਂ ਥਾਂ ਡੇਰੇ ਜੇਕਰ ਉਸਾਰੇ ਨਾ ਹੁੰਦੇ।
ਕੁਲੀਆਂ ਨੂੰ ਅੱਗਾਂ ਲਾਉਣ ਵਾਲੇ, ਮਹਿਲਾਂ ਵਿਚ ਅਸੀਂ ਵਾੜੇ ਨਾ ਹੁੰਦੇ।
ਵੈਰੀ ਨੇ ਕਿੱਥੋਂ ਖੰਘਣਾ ਸੀ, ਜੇਕਰ ਹਵਾਰੇ ਵਰਗੇ ਜੇਲ੍ਹੀਂ ਤਾੜੇ ਨਾ ਹੁੰਦੇ।
- ਅਮਨਦੀਪ ਕੌਰ, ਹਾਕਮ ਸਿੰਘ ਵਾਲਾ ਬਠਿੰਡਾ
ਮੋਬਾਈਲ : 9877654596