ਸਵੈਟਰ: ਸਿਤਾਰਿਆਂ ਵਾਲਾ ਸਵੈਟਰ ਮਾਸੀ ਘਲਿਆ, ਪਾ ਕੇ ਮੈਂ ਦੋਸਤਾਂ ਦੇ ਸੰਗ ਖੇਡਣ ਚਲਿਆ...
ਦੋਸਤ ਮੇਰੇ ਦੇਖ ਦੇਖ ਕੇ ਹੋਣ ਹੈਰਾਨ, ਕਹਿੰਦੇ ਕਿੰਨੀ ਤੈਨੂੰ ਫਬਦੀ ਇਹ ਹੈ ਯਾਰ।
Sweater: Aunty sent me a sweater with stars, wearing it I went to play with my friends...
ਸਿਤਾਰਿਆਂ ਵਾਲਾ ਸਵੈਟਰ ਮਾਸੀ ਘਲਿਆ,
ਪਾ ਕੇ ਮੈਂ ਦੋਸਤਾਂ ਦੇ ਸੰਗ ਖੇਡਣ ਚਲਿਆ ।
ਦੋਸਤ ਮੇਰੇ ਦੇਖ ਦੇਖ ਕੇ ਹੋਣ ਹੈਰਾਨ,
ਕਹਿੰਦੇ ਕਿੰਨੀ ਤੈਨੂੰ ਫਬਦੀ ਇਹ ਹੈ ਯਾਰ।
ਮਾਸੀ ਮੇਰੀ ਨੇ ਉੱਤੇ ਪਾਈ ਬੁਣਤੀ ਬੜੀ ਕਮਾਲ,
ਨਾਮ ਲਿਖਿਆ ਮੇਰਾ ਵਿਚ ਬੁਣਤੀ ਦੇ ਜਾਲ।
ਮੈਨੂੰ ਲਗਦੇਂ ਇਹ ਸਵੈਟਰ ਬੜਾ ਪਿਆਰਾ,
ਜੀਅ ਕਰਦਾ ਨਾ ਲਾਹਾਂ ਸਿਆਲ ਮੈਂ ਸਾਰਾ।
ਬਲਜੀਤ ਹੁਰੀਂ ਕਹਿੰਦੇ ਅਸੀਂ ਵੀ ਮੰਗਵਾਉਣਾ,
ਜਦ ਸਾਡੀ ਮਾਸੀ ਨੇ ਸਾਡੇ ਕੋਲ ਹੈ ਆਉਣਾ।
- ਬਲਜੀਤ ਸਿੰਘ ਅਕਲੀਆ, ਮੋਬਾ : 9872121002