ਸਾਡੇ ਸਿੱਖ ਨੇਤਾ

ਜਿੰਨੇ ਸਾਡੇ ਨੇ ਸਿੱਖ ਨੇਤਾ, ਸਿੱਖੋ ਜੇ ਕਿਤੇ ਗ਼ੱਦਾਰ ਨਾ ਹੁੰਦੇ,

ਲਾਲਚ ਵਿਚ ਆ ਕੇ ਇਨ੍ਹਾਂ, ਵੇਚੇ ਸਾਡੇ ਅਧਿਕਾਰ ਨਾ ਹੁੰਦੇ,

ਨਿੱਜ ਨਾ ਇਨ੍ਹਾਂ ਤੇ ਭਾਰੂ ਹੁੰਦਾ, ਵਿਕਾਉ ਬਣੇ ਕਿਰਦਾਰ ਨਾ ਹੁੰਦੇ,

ਕਿਸ ਨੇ ਖ਼ਾਲਿਸਤਾਨ ਸੀ ਮੰਗਣਾ, ਨਿਹੱਥੇ ਸਿੱਖ ਮਾਰ ਨਾ ਹੁੰਦੇ,

ਮੌਤ ਦੇ ਮੂੰਹ ਕਿਸ ਜਾਣਾ ਸੀ, ਚੁੱਕੇ ਕਿਸੇ ਹਥਿਆਰ ਨਾ ਹੁੰਦੇ,

ਬੇਬਸ ਕਦੇ ਵੀ ਕੌਮ ਨਾ ਹੁੰਦੀ, ਜੇ ਬੇਅਣਖੇ ਜਥੇਦਾਰ ਨਾ ਹੁੰਦੇ,

ਨਜ਼ਰਾਂ ਵਿਚ ਕਦੇ ਨਾ ਡਿਗਦੇ, ਦੋਗਲੇ ਕਿਤੇ ਵਿਚਾਰ ਨਾ ਹੁੰਦੇ,

ਗ਼ੱਦਾਰਾਂ ਨੂੰ ਕਿਸ ਨੇ ਪੁਛਣਾ ਸੀ, ਪੰਥ ਦੇ ਸਿੱਖ ਵਫ਼ਾਦਾਰ ਨਾ ਹੁੰਦੇ,

ਭੇਤੀਆਂ ਤੋਂ ਬਿਨ ਰਾਵਣ  ਲੰਕਾ, ਕੋਈ ਸੂਰਮਾ ਢਾਹ ਨਹੀਂ ਸਕਦਾ,

ਭਬੀਸ਼ਣ ਜੇ ਨਾ ਅਪਣੇ ਬਣਦੇ, ਕੌਮ ਨੂੰ ਕੋਈ ਹਰਾ ਨਹੀਂ ਸਕਦਾ।

-ਮਨਜੀਤ ਸਿੰਘ ਘੁੰਮਣ, ਸੰਪਰਕ : 97810-86688