File Photo
ਇਟ ਦਾ ਜਵਾਬ ਪੱਥਰ ਨਾਲ ਦੇਣਾ, ਇਹ ਡਾਇਲਾਗ ਇਕ ਸੁਣਾਇਆ ਸਾਨੂੰ,
ਇਕ ਸਾਬਕਾ ਸੈਨਿਕ ਹੋਣ ਦੇ ਨਾਤੇ, ਵੇਖ ਜੋਸ਼ ਖ਼ੂਨ ਵਿਚ ਆਇਆ ਸਾਨੂੰ,
ਉਹ ਕਈ ਘਰਾਂ ਦੇ ਦੀਪ ਬੁਝਾ ਗਏ, ਭਾਜੀ ਨਵੀਂ ਚੀਨ ਏ ਪਾ ਗਿਆ ਸਾਨੂੰ,
ਗੁਆਂਢੀ ਇਰਾਦੇ ਜੇ ਨੇਕ ਨਹੀਂ ਰਖਦਾ, ਕਿਉਂ ਸ਼ਾਂਤੀ ਪਾਠ ਪੜ੍ਹਾਇਆ ਸਾਨੂੰ,
ਦੁਸ਼ਮਣ ਤਾਂ ਬਸ ਦੁਸ਼ਮਣ ਹੀ ਹੁੰਦਾ, ਵਰਤੀ ਢਿੱਲ ਨੇ ਹੈ ਮਰਵਾਇਆ ਸਾਨੂੰ,
ਇਹ ਕਮਜ਼ੋਰੀ ਸਾਡੀ ਮਹਿੰਗੀ ਪੈਂਦੀ, ਨੇਪਾਲ ਵੀ ਰੋਹਬ ਵਿਖਾ ਗਿਆ ਸਾਨੂੰ,
ਜਿਨ੍ਹਾਂ ਵਫ਼ਾਦਾਰੀ ਦਾ ਲੇਬਲ ਲਗਾਇਆ, ਉਹ ਕਿਉਂ ਨਾ ਕੋਈ ਜੋਸ਼ ਵਿਖਾ ਰਿਹਾ ਏ,
ਉਹ ਨਾਗਪੁਰ ਤੋਂ ਨਾਲ ਲੈ ਕੇ ਫ਼ੌਜਾਂ, ਚੀਨ ਦੀ ਭਾਜੀ ਨੂੰ ਮੋੜ ਕੇ ਆ ਰਿਹਾ ਏ।
-ਮਨਜੀਤ ਸਿੰਘ ਘੁੰਮਣ, ਸੰਪਰਕ : 97810-86688