IELTS
ਤੇਰਾ ਮੁਲਕ ਨਹੀਂ ਤੈਨੂੰ ਸੰਭਾਲ ਸਕਦਾ,
ਆਈਲੈਟਸ ਤੂੰ ਹੁਣ ਲੈ ਕਰ ਬੀਬਾ,
ਚੋਖੀ ਮਿਹਨਤ ਕਰ ਸੱਤ ਬੈਂਡ ਲੈ ਲਵੀਂ,
ਫਿਰ ਮਿਲਣਾ ਏ ਚੰਗਾ ਕੋਈ ਵਰ ਬੀਬਾ,
ਕੰਮ ਫਿਰ ਵੀ ਰਾਸ ਨਹੀਂ ਆਉਣ ਲੱਗਾ,
ਆਖ ਬਾਪੂ ਨੂੰ ਵੀਹ ਲੱਖ ਦੇਹ ਭਰ ਬੀਬਾ,
ਪੰਜਾਬ ਛੱਡ ਕੇ ਗੋਰਿਆਂ ਦੀ ਕਰ ਚਾਕਰੀ,
ਅਪਣੀਆਂ ਸਰਕਾਰਾਂ ਦੀ ਜ਼ਮੀਰ ਗਈ ਮਰ ਬੀਬਾ,
ਇਥੇ ਲੋਕ ਵੀ ਬੜੇ ਬੇਸਮਝ ਹੋਏ,
ਧੀਆਂ-ਪੁਤਰਾਂ ਨੂੰ ਵਿਦੇਸ਼ਾਂ ਵਿਚ ਰੋਲਦੇ ਨੇ,
ਇਸ ਦੇਸ਼ ਦੇ ਮਾੜੇ ਸਿਸਟਮ ਦੇ ਵਿਰੁਧ,
'ਅਟਵਾਲ' ਪਤਾ ਲਗਦਾ ਨਹੀਂ, ਕਿਉਂ ਨਾ ਬੋਲਦੇ ਨੇ।
-ਕਰਨੈਲ ਅਟਵਾਲ, ਸੰਪਰਕ:75082-75052