ਚੀਫ਼ ਖ਼ਾਲਸਾ ਦੀਵਾਨ 'ਚ ਅਜੇ ਵੀ ਬੋਲਦੀ ਹੈ ਚੱਢਾ ਦੀ ਤੂਤੀ

ਅੰਮ੍ਰਿਤਸਰ,  ਚੀਫ਼ ਖ਼ਾਲਸਾ ਦੀਵਾਨ 'ਚ ਅਜੇ ਵੀ ਚਰਨਜੀਤ ਸਿੰਘ ਚੱਢਾ ਦੀ ਤੂਤੀ ਬੋਲਦੀ ਨਜ਼ਰ ਆਉਂਦੀ ਹੈ। ਚਰਨਜੀਤ ਸਿੰਘ ਚੱਢਾ ਜਿਸ ਨੂੰ ਅਕਾਲ ਤਖ਼ਤ ਵਲੋਂ ਧਾਰਮਕ ਸਜ਼ਾ ਲਗਾਈ ਸੀ ਤੇ ਚੀਫ਼ ਖ਼ਾਲਸਾ ਦੀਵਾਨ ਨੇ ਪ੍ਰਧਾਨਗੀ ਤੋਂ ਅਸਤੀਫ਼ਾ ਲੈ ਲਿਆ ਸੀ ਪਰ ਚੀਫ਼ ਖ਼ਾਲਸਾ ਦੀਵਾਨ ਦੇ ਪ੍ਰਧਾਨ ਤੇ ਸਮੂਹ ਮੈਂਬਰ ਸ਼ਾਇਦ ਚੱਢਾ ਨੂੰ ਹੀ ਪ੍ਰਧਾਨਗੀ ਦੀ ਪਹਿਲੀ ਪਸੰਦ ਸਮਝਦੇ ਹਨ ਜਿਸ ਦਾ ਨਤੀਜਾ ਅੱਜ ਵੇਖਣ ਨੂੰ ਮਿਲਿਆ ਕਿ ਚੀਫ਼ ਖਾਲਸਾ ਦੀਵਾਨ ਦੀ ਵੈੱਬਸਾਈਟ ਤੇ ਪ੍ਰਧਾਨਗੀ ਵਜੋਂ ਮੈਸੇਜ ਤੇ ਫ਼ੋਟੋ ਚੱਢਾ ਵਲੋਂ ਦਿਤਾ ਗਿਆ

ਤੇ ਸਥਾਨਕ ਕਮੇਟੀ ਦੇ ਪ੍ਰਧਾਨਗੀ ਵਜੋਂ ਵੈੱਬਸਾਈਟ ਵਿਚ ਸੱਭ ਤੋਂ ਉਪਰ ਨਾਂ ਵੀ ਚਰਨਜੀਤ ਸਿੰਘ ਚੱਢਾ ਦਾ ਹੈ ਜਿਸ ਤੋਂ ਜ਼ਾਹਰ ਹੋ ਰਿਹਾ ਹੈ ਕਿ ਚਰਨਜੀਤ ਸਿੰਘ ਚੱਢਾ ਦੀ ਤੂਤੀ ਅਜੇ ਵੀ ਬੋਲ ਰਹੀ ਹੈ ਤੇ ਫ਼ਰਵਰੀ 2019 ਦੀਆਂ ਚੋਣਾਂ ਕੁੱਝ ਖ਼ਾਸ ਮੈਂਬਰਾਂ ਵਲੋਂ ਚੱਢਾ ਨੂੰ ਮੁੜ ਪ੍ਰਧਾਨਗੀ ਤੇ ਕਾਬਜ਼ ਕਰਨ ਲਈ ਯਤਨ ਕੀਤੇ ਜਾ ਰਹੇ ਹਨ। 

ਜ਼ਿਕਰਯੋਗ ਹੈ ਕਿ ਵੈੱਬਸਾਈਟ ਦੀ ਸ਼ੁਰੂਆਤ 'ਤੇ ਜ਼ਰੂਰ ਡਾ. ਸੰਤੋਖ ਸਿੰਘ ਦੀ ਪ੍ਰਧਾਨਗੀ ਫ਼ੋਟੋ ਵਿਖਾਈ ਦੇ ਰਹੀ ਹੈ ਪਰ ਸੰਸਥਾ ਵਲੋਂ ਪ੍ਰਧਾਨਗੀ ਡੈਸਕ ਦਾ ਸੰਦੇਸ਼ 'ਚ ਉਹ ਅਜੇ ਵੀ ਚਰਨਜੀਤ ਸਿੰਘ ਚੱਢਾ ਵਲੋਂ ਹੀ ਦਿਤਾ ਜਾ ਰਿਹਾ ਹੈ।