ਚੀਫ਼ ਖ਼ਾਲਸਾ ਦੀਵਾਨ ਚੋਣ

chief

ਇਕ ਉਮੀਦਵਾਰ ਨੇ ਅਪਣੀ ਜ਼ਮੀਨ ਦੀਵਾਨ ਨੂੰ ਸੋਨੇ ਦੇ ਭਾਅ ਵੇਚੀ ਤੇ ਵਿਦਿਆਰਥਣਾਂ ਨੂੰ ਨਰਕ ਵਿਖਾ ਦਿਤਾ

ਇਕ ਉਮੀਦਵਾਰ ਨੇ ਅਪਣੀ ਜ਼ਮੀਨ ਦੀਵਾਨ ਨੂੰ ਸੋਨੇ ਦੇ ਭਾਅ ਵੇਚੀ ਤੇ ਵਿਦਿਆਰਥਣਾਂ ਨੂੰ ਨਰਕ ਵਿਖਾ ਦਿਤਾ
ਤਰਨਤਾਰਨ, 16 ਮਾਰਚ (ਚਰਨਜੀਤ ਸਿੰਘ): ਚੀਫ਼ ਖ਼ਾਲਸਾ ਦੀਵਾਨ ਦੀ 25 ਮਾਰਚ ਨੂੰ ਹੋਣ ਜਾ ਰਹੀ ਚੋਣ ਤੋਂ ਪਹਿਲਾਂ ਜੋ ਸੱਚ ਸਾਹਮਣੇ ਆ ਰਿਹਾ ਹੈ, ਉਸ ਨੇ ਹਰ ਸ਼ਰਧਾਵਾਨ ਸਿੱਖ ਨੂੰ ਇਹ ਸੋਚਣ ਤੇ ਮਜਬੂਰ ਕਰ ਦਿਤਾ ਹੈ ਕਿ ਇਸ ਸੰਸਥਾ ਦੀ ਹਾਲਤ ਵੀ ਬਾਕੀ ਸੰਸਥਾਵਾਂ ਤੋਂ ਵਖਰੀ ਨਹੀਂ ਹੈ।  ਦੀਵਾਨ ਦੇ ਮੈਂਬਰਾਂ ਵਿਚ ਕਦੇ ਗੁਰਸਿੱਖੀ ਜੀਵਨ ਜਾਚ ਜੋ ਦੀਵਾਨ ਦੇ ਮੈਂਬਰਾਂ ਹੋਣ ਦੀ ਪਹਿਲੀ ਸ਼ਰਤ ਹੈ, ਉਹ ਮਨਫ਼ੀ ਹੋ ਜਾਂਦੀ ਹੈ ਤੇ ਕਦੇ ਇਹ ਮੈਂਬਰ ਦੀਵਾਨ ਨੂੰ ਇਕ ਕਲਬ ਦੀ ਤਰਜ ਤੇ ਚਲਾਉਂਦੇ ਨਜ਼ਰ ਆਉਂਦੇ ਹਨ ਜਿਥੋਂ ਇਹ ਲੋਕ ਲਾਭ ਲੈ ਸਕਣ। ਜਾਣਕਾਰੀ ਮੁਤਾਬਕ ਦੀਵਾਨ ਦੇ ਅਹੁਦੇਦਾਰ ਦੀ ਚੋਣ ਲੜ ਰਹੇ ਇਕ ਸੱਜਣ ਨੇ ਅਪਣੀ ਨਕਾਰਾ ਜ਼ਮੀਨ ਜੋ ਕੋਡੀਆਂ ਦੇ ਭਾਅ ਲਈ ਸੀ, ਨੂੰ ਸੋਨੇ ਦੇ ਭਾਅ ਤੇ ਦੀਵਾਨ ਨੂੰ ਮੜ ਦੇ ਦਿਤੀ ਜੋ ਸਿੱਧੇ ਤੌਰ 'ਤੇ ਦੀਵਾਨ ਦੇ ਹੀ ਵਿਧਾਨ ਦੀ ਉਲੰਘਣਾ ਹੈ।