ਆਦਿ ਗ੍ਰੰਥ ਦੀ ਅੰਗਰੇਜ਼ੀ ਵਿਚ ਅਨੁਵਾਦਿਤ ਪੁਸਤਕ ਬ੍ਰਿਟੇਨ ’ਚ ਰਲੀਜ਼

ਲੰਡਨ, 24 ਜੂਨ : ਸਿੱਖਾਂ ਦੇ ਪਵਿੱਤਰ ਗ੍ਰੰਥ ‘ਆਦਿ ਗ੍ਰੰਥ’ ਨੂੰ ਪਹਿਲੀ ਵਾਰ ਅੰਗਰੇਜ਼ੀ ਵਿਚ ਅਨੁਵਾਦ ਕਰ ਕੇ ਬ੍ਰਿਟੇਨ ’ਚ ਰਿਲੀਜ਼ ਕੀਤਾ ਗਿਆ ਹੈ। ਅਨੁਵਾਦ ਕੀਤੀ ਇਹ ਪੁਸਤਕ ਦੁਰਲਭ ਭਾਰਤੀ ਗ੍ਰੰਥਾਂ ਤੇ ਪੇਂਡੂ ਲਿਪੀਆਂ ਦੀ ਇਕ ਲੜੀ ਦਾ ਹਿੱਸਾ ਹੈ। ਦੁਰਲਭ ਪੁਸਤਕਾਂ ਦੇ ਸਟੋਰ ਪੀਟਰ ਹੈਰਿੰਗਟਨ ’ਚ ਸੀਨੀਅਰ ਪੁਸਤਕ ਮਾਹਰ ਗਿਲੇਨ ਮਿਸ਼ੇਲ ਨੇ ਕਿਹਾ ਕਿ ਅਸੀਂ ਪਿਛਲੇ 20 ਸਾਲਾਂ ਵਿਚ ਭਾਰਤੀ ਉਪ ਮਹਾਂਦੀਪ ਵਿਚ ਦਿਲਚਸਪੀ ਨੂੰ ਦੇਖਿਆ ਅਤੇ 19ਵੀਂ ਤੇ 20ਵੀਂ ਸਦੀ ਦੇ ਸ਼ੁਰੂਆਤੀ ਦੌਰ ਵਿਚ ਬ੍ਰਿਟੇਨ ਅਤੇ ਹੋਰ ਖੇਤਰਾਂ ’ਚ ਸੰਗ੍ਰਹਿਕਾਂ ਨੂੰ ਆਕਰਸ਼ਿਤ ਕਰਨ ਦਾ ਕੰਮ ਜਾਰੀ ਹੈ।     (ਪੀਟੀਆਈ)