ਗੜ੍ਹਦੀਵਾਲਾ, 19 ਫ਼ਰਵਰੀ (ਹਰਪਾਲ ਸਿੰਘ): ਪੰਜਾਬ ਦੀ ਸੱਤਾ 'ਚੋਂ ਬਾਹਰ ਹੋਏ ਬਾਦਲ ਪਰਵਾਰ ਵਲੋਂ ਪੱਥਕ ਮਸਲਿਆਂ ਦਾ ਰਾਗ ਅਲਾਪਣਾ ਸਿਰਫ਼ ਇਕ ਡਰਾਮਾ ਹੈ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਅਕਾਲੀ ਦਲ ਅਮ੍ਰਿੰਤਸਰ ਦੇ ਹਲਕਾ ਪ੍ਰਧਾਨ ਟਾਡਾ ਜਥੇਦਾਰ ਕੁਲਦੀਪ ਸਿੰਘ ਮਸੀਤਪਲ ਕੋਟ ਨੇ ਕੀਤਾ। ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਪੰਜਾਬ ਵਿਚ ਕਰੀਬ 15 ਸਾਲ ਰਾਜ਼ ਦਾ ਸੁੱਖ ਭੋਗ ਕੇ ਚਲੀ ਗਈ ਹੈ। ਇਨ੍ਹਾਂ ਦੇ ਸਮੇਂ ਦੌਰਾਨ ਕੇਂਦਰ ਵਿਚ ਇਨ੍ਹਾਂ ਦੀਆਂ ਭਾਈਵਾਲ ਸਰਕਾਰਾਂ ਹੀ ਸਨ ਪਰ ਅਫ਼ਸੋਸ ਕਿ ਇਨ੍ਹਾਂ ਲੀਡਰਾਂ ਨੂੰ ਜਦ ਲੋਕ ਸੱਤਾ ਤੋਂ ਬਾਹਰ ਕਰ ਦਿੰਦੇ ਹਨ ਤੇ ਦੂਜੀ ਪਾਰਟੀ ਸੱਤਾ ਵਿਚ ਆ ਜਾਂਦੀ ਹੈ ਤਾਂ ਇਹ ਪੰਥ ਦਾ ਰਾਗ ਅਲਾਪਣ ਲੱਗ ਪੈਂਦੇ ਹਨ। ਇਨ੍ਹਾਂ ਨੂੰ ਅਦਾਲਤ ਵਲੋਂ ਦਿਤੀਆਂ ਸਜ਼ਾਵਾਂ ਪੂਰੀਆਂ ਕਰ ਚੁੱਕੇ ਸਿੱਖ ਨੌਜਵਾਨਾਂ ਦੀ ਯਾਦ ਆਉਣ ਲੱਗ ਪੈਂਦੀ ਹੈ ਮਤਲਬ ਕੀ ਪੰਥ ਦੇ ਸਾਰੇ ਮਸਲੇ ਯਾਦ ਆ ਜਾਦੇ ਹਨ।