21 ਮਹੀਨਿਆਂ ਮਗਰੋਂ ਪਤਨੀ ਅਤੇ ਮਾਂ ਨੂੰ ਮਿਲਿਆ ਜਾਧਵ

ਇਕ ਦੂਜੇ ਨੂੰ ਛੂਹ ਨਾ ਸਕੇ, ਵਿਚਾਲੇ ਸੀ ਸ਼ੀਸ਼ੇ ਦੀ ਕੰਧ

ਇਕ ਦੂਜੇ ਨੂੰ ਛੂਹ ਨਾ ਸਕੇ, ਵਿਚਾਲੇ ਸੀ ਸ਼ੀਸ਼ੇ ਦੀ ਕੰਧ

ਇਕ ਦੂਜੇ ਨੂੰ ਛੂਹ ਨਾ ਸਕੇ, ਵਿਚਾਲੇ ਸੀ ਸ਼ੀਸ਼ੇ ਦੀ ਕੰਧ
ਇਸਲਾਮਾਬਾਦ, 25 ਦਸੰਬਰ : ਪਾਕਿਸਤਾਨ ਦੀ ਜੇਲ ਵਿਚ ਬੰਦ ਭਾਰਤੀ ਕੈਦੀ ਕੁਲਭੂਸ਼ਣ ਜਾਧਵ ਨੇ ਅੱਜ ਇਥੇ ਵਿਦੇਸ਼ ਮੰਤਰਾਲੇ ਵਿਚ ਅਪਣੀ ਮਾਂ ਅਤੇ ਪਤਨੀ ਨਾਲ ਮੁਲਾਕਾਤ ਕੀਤੀ। ਟੀਵੀ 'ਤੇ ਵਿਖਾਏ ਜਾ ਰਹੇ ਫ਼ੁਟੇਜ ਵਿਚ ਜਾਧਵ ਦਾ ਪਰਵਾਰ, ਭਾਰਤ ਦੇ ਰਾਜਦੂਤ ਜੇਪੀ ਸਿੰਘ ਅਤੇ ਪਾਕਿਸਤਾਨੀ ਮਹਿਲਾ ਅਧਿਕਾਰੀ ਸਮੇਤ ਵਿਦੇਸ਼ ਮੰਤਰਾਲੇ ਦੀ ਇਮਾਰਤ ਵਿਚ ਦਾਖ਼ਲ ਹੁੰਦਾ ਦਿਸ ਰਿਹਾ ਸੀ। ਫ਼ੁਟੇਜ ਵਿਚ ਸਾਰੇ ਦਫ਼ਤਰ ਅੰਦਰ ਜਾਂਦੇ ਅਤੇ ਉਨ੍ਹਾਂ ਦੇ ਪਿੱਛੇ ਦਰਵਾਜ਼ਾ ਬੰਦ ਹੁੰਦਾ ਦਿਸ ਰਿਹਾ ਸੀ। ਪਾਕਿਸਤਾਨੀ ਅਧਿਕਾਰੀਆਂ ਨੇ ਦਸਿਆ ਕਿ ਮੁਲਾਕਾਤ ਦੁਪਹਿਰ ਕਰੀਬ 1.35 ਵਜੇ ਹੋਈ। ਇਹ ਮੁਲਾਕਾਤ ਵਿਦੇਸ਼ ਮੰਤਰਾਲੇ ਦੇ ਆਗਾ ਸ਼ਾਹੀ ਬਲਾਕ ਵਿਚ ਹੋਈ। ਕਰੀਬ 21 ਮਹੀਨੇ ਮਗਰੋਂ ਜਾਧਵ ਅਪਣੇ ਪਰਵਾਰ ਨੂੰ ਮਿਲਿਆ ਹੈ ਪਰ ਇਸ ਦੌਰਾਨ ਵੀ ਪਰਵਾਰ ਦੇ ਜੀਅ  ਇਕ ਦੂਜੇ ਨੂੰ ਛੂਹ ਨਾ ਸਕੇ ਕਿਉਂÎਕਿ ਵਿਚਾਲੇ ਸ਼ੀਸ਼ੇ ਦੀ ਕੰਧ ਸੀ। ਇੰਟਰਕਾਮ ਜ਼ਰੀਏ ਹੀ ਗੱਲਬਾਤ ਹੋਈ। ਜਾਸੂਸੀ ਦੇ ਮਾਮਲੇ ਵਿਚ ਦੋਸ਼ੀ ਠਹਿਰਾਏ ਗਏ ਜਾਧਵ ਨੂੰ ਪਿਛਲੇ ਸਾਲ ਤਿੰਨ ਮਾਰਚ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ।