ਦੁਨੀਆ ਦਾ ਪਹਿਲਾ ਆਟੋ ਸ਼ੋਅ ‘ਪੈਰਿਸ ਮੋਟਰ ਸ਼ੋਅ’ 1898 'ਚ ਹੋਇਆ ਸੀ। ਅੱਜ ਇਹ ਦੁਨੀਆ ਦਾ ਸਭ ਤੋਂ ਵੱਡਾ ਆਟੋ ਇਵੈਂਟ ਬਣ ਗਿਆ ਹੈ। ਸ਼ੋਅ ਦੇ 113 ਸਾਲ ਦੇ ਸਫਰ 'ਚ ਕਈ ਟਰੈਂਡਸੈਟਿੰਗ ਕਾਰਾਂ ਲਾਂਚ ਹੋਈਆਂ। ਹੁਣ ਇਸ ਸ਼ੋਅ 'ਚ ਟਾਟਾ ਮੋਟਰਜ਼ ਨੇ ਕੰਸੈਪਟ ਕਾਰ ਈ - ਵਿਜਨ ਨੂੰ ਸ਼ੋਅਕੇਸ ਕੀਤਾ ਹੈ। ਇਲੈਕਟਰਿਕ ਕਾਰ ਰੇਂਜ 'ਚ ਪੇਸ਼ ਕੀਤੀ ਗਈ ਇਹ ਕਾਰ 7 ਸੈਕਿੰਡ 'ਚ ਹੀ 100 ਕਿਮੀ ਸਪੀਡ ਫੜ ਸਕਦੀ ਹੈ।
ਜੈਗੂਆਰ, ਮਰਸਿਡੀਜ਼, ਮੈਕਲਾਰੇਨ, ਐਸਟਨ ਮਾਰਟਿਨ, ਫਰਾਰੀ, ਔਡੀ, ਫਾਕਸਵੈਗਨ, ਬੈਂਟਲੇ, ਟਾਟਾ, ਲੈਂਬਰਗਿਨੀ, ਟੋਯੋਟਾ ਅਤੇ ਰੇਨੋ ਵਰਗੀ ਕੰਪਨੀਆਂ ਸ਼ੋਅ 'ਚ ਸ਼ਿਰਕਤ ਕਰ ਰਹੀਆਂ ਹਨ। ਇਸ ਵਾਰ 100 ਤੋਂ ਜ਼ਿਆਦਾ ਕਾਰਾਂ ਦਾ ਪ੍ਰੀਮਿਅਰ ਹੋਵੇਗਾ। ਇਹ ਸ਼ੋਅ ਦਾ 88ਵਾਂ ਸੰਸਕਰਣ ਹੈ। ਪਿਛਲੇ ਸਾਲ 6.9 ਲੱਖ ਸੈਲਾਨੀ ਪੁੱਜੇ ਸਨ।