ਪੰਜਾਬੀ ਦੇ ਸੈਂਸੇਸ਼ਨਲ ਸਿੰਗਰ ਦਿਲਜੀਤ ਦੋਸਾਂਝ ਨੌਜਵਾਨ ਦਿਲਾਂ ਦੀ ਧੜਕਣ ਬਣੇ ਹੋਏ ਹਨ । ਪੰਜਾਬੀ ਫਿਲਮ ਇੰਡਸਟਰੀ ਦੇ ਵਿਚ ਧਮਾਲ ਪਾਉਣ ਤੋਂ ਬਾਅਦ ਦਿਲਜੀਤ ਨੇ ਬਾਲੀਵੁੱਡ ਵਿਚ ਉੜਤਾ ਪੰਜਾਬ ਨਾਲ ਐਂਟਰੀ ਮਾਰੀ। ਜਿਸ ਨਾਲ ਪਾਲੀਵੁੱਡ ਬਾਲੀਵੁੱਡ ਦੇ ਲੋਕ ਵੀ ਦਿਲਜੀਤ ਦੇ ਫੈਨ ਲਿਸਟ ਵਿਚ ਆਉਂਦੇ ਹਨ ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਦਿਲਜੀਤ ਆਪ ਇੰਟਰਨੈਸ਼ਨਲ ਸਿੰਗਰ ਕੈਲੀ ਜੇਨਰ ਦੇ ਬਹੁਤ ਵੱਡੇ ਫੈਨ ਹਨ।
ਸੋਸ਼ਲ ਮੀਡੀਆ ਤੇ ਅਕਸਰ ਹੀ ਦਿਲਜੀਤ ਨੂੰ ਕੇਲੀ ਜੇਨਰ ਦੀਆਂ ਗੱਲਾਂ ਕਰਦੇ ਹੋਏ ਅਤੇ ਉਹਨਾਂ ਦੇ ਸੁਪਨਿਆਂ ਵਿਚ ਖੋਏ ਹੋਏ ਦੇਖਿਆ ਜਾਂਦਾ ਹੈ। ਇੰਨਾ ਹੀ ਨਹੀਂ ਦਿਲਜੀਤ ਦੁਸਾਂਝ ਕਈ ਵਾਰ ਕੇਲੀ ਜੇਨਰ ਦੀ ਸੋਸ਼ਲ ਐਕਟੀਵਿਟੀਜ਼ ਤੇ ਕਮੈਂਟ ਵੀ ਕਰਦੇ ਰਹਿੰਦੇ ਹਨ ,ਅਤੇ ਬੜੀ ਹੀ ਬੇਸਬਰੀ ਨਾਲ ਕੇਲੀ ਦੇ ਜੁਵਾਬ ਦਾ ਵੀ ਉਡੀਕ ਕਰਦੇ ਹਨ।
ਤੁਹਾਨੂੰ ਦੱਸਦੇਈਏ ਕਿ ਇਹਨੀਂ ਦਿਨੀ ਮਿਸਟਰ ਸਿੰਘ ਆਪਣੀ ਆਉਣ ਵਾਲੀ ਫਿਲਮ "ਸੂਰਮਾ" ਦੀ ਸ਼ੂਟਿੰਗ ਕਰ ਰਹੇ ਹਨ ਜੋ ਕਿ ਹਾਕੀ ਖਿਡਾਰੀ ਸੰਦੀਪ ਸਿੰਘ ਦੀ ਜ਼ਿੰਦਗੀ ਤੇ ਅਧਾਰਿਤ ਫਿਲਮ ਹੈ। ਫਿਲਮ ਦੇ ਸੈੱਟ ਤੇ ਗੱਲਬਾਤ ਕਰਦਿਆਂ ਦਿਲਜੀਤ ਨੂੰ ਕੈਲੀ ਬਾਰੇ ਪੁੱਛਿਆ ਗਿਆ ਤਾਂ ਮੌਕੇ ਉਹਨਾਂ ਨੇ ਸ਼ਰਮਾਉਂਦੇ ਹੋਏ ਜਵਾਬ ਦਿੱਤਾ ਕਿ ਮੈਨੂੰ ਕੇਲੀ ਇੱਕ ਪੰਜਾਬਣ ਮੁਟਿਆਰ ਜਿਹੀ ਜਾਪਦੀ ਹੈ ਭਾਵੇਂ ਉਹਨੇ ਹਲੇ ਤੱਕ ਮੈਨੂੰ ਮੇਰੇ ਕੁਮੈਂਟਾਂ ਦਾ ਜਵਾਬ ਨਹੀਂ ਦਿੱਤਾ ਪਰ ਮੈਨੂੰ ਉਮੀਦ ਹੈ ਕਿ ਇੱਕ ਦਿਨ ਉਹ ਮੈਨੂੰ ਜਵਾਬ ਜਰੂਰ ਦੇਵੇਗੀ।
ਦਿਲਜੀਤ ਨੇ ਆਪਣੇ ਘਟਾਏ ਹੋਏ ਵਜ਼ਨ ਬਾਰੇ ਦੱਸਦਿਆਂ ਕਿਹਾ ਕਿ ਸੰਦੀਪ ਇੱਕ ਟਾਈਮ 'ਤੇ ਇੱਕ ਪੈਰ 'ਤੇ ਵੀ ਖੇਡਿਆ ਹੋਇਆ ਹੈ ਇਸ ਲਈ ਉਸ ਕਿਰਦਾਰ ਨੂੰ ਬੇਹਤਰੀਨ ਬਣਾਉਣ ਦੇ ਲਈ ਮੈਨੂੰ ਆਪਣਾ ਵਜ਼ਨ ਘਟਾਉਣਾ ਪਿਆ,ਅਤੇ ਮੈਂ ਇਸ ਦੇ ਲਈ ਬਹੁਤ ਖੁਸ਼ ਹਾਂ। ਖ਼ਾਸਕਰਕੇ ਦਿਲਜੀਤ ਆਪਣੇ ਸਿਕਸ ਪੈਕਸ ਤੋਂ ਬਹੁਤ ਖੁਸ਼ ਹਨ।
ਹੁਣ ਸੰਦੀਪ ਸਿੰਘ ਦਾ ਕਿਰਦਾਰ ਨਿਭਾਅ ਰਿਹਾ ਹਾਂ ਸੰਦੀਪ ਇੱਕ ਸੂਰਮਾਂ ਹੈ ਉਸਨੇ ਜਿਸ ਤਰ੍ਹਾਂ ਕਦੀ ਮਿਹਨਤ ਕੀਤੀ ਹੈ ਆਪਣੀ ਪਹਿਚਾਣ ਬਣਾਈ ਹੈ ਮੈਂ ਉਸ ਨੂੰ ਸੈਲਿਊਟ ਕਰਦਾ ਹਾਂ ਅਤੇ ਉਸ ਦਾ ਕਿਰਦਾਰ ਨਿਭਾਅ ਕੇ ਖੁਦ ਨੂੰ ਬੜਾ ਮਾਣ ਭਰਿਆ ਮਹਿਸੂਸ ਕਰ ਰਿਹਾ ਹਾਂ। ਜਿਵੇਂ ਸੰਦੀਪ ਦਾ ਜਜ਼ਬਾ ਹਾਕੀ ਖੇਡਣਾ ਹੈ ਮੇਰਾ ਸਿੰਗਿੰਗ ਕਰਨਾ ਹੈ। ਮੈਂ ਆਉਣ ਵਾਲੇ ਸਮੇਂ ਵਿਚ ਇੱਕ ਅਦਾਕਾਰ ਹੋਵਾਂ ਨਾ ਹੋਵਾਂ ਪਰ ਹਮੇਸ਼ਾ ਇੱਕ ਗਾਇਕ ਜ਼ਰੂਰ ਰਹਾਂਗਾ।