ਮੁੰਬਈ: ਸ਼ਾਹਿਦ ਕਪੂਰ ਅਤੇ ਅਮ੍ਰਿਤਾ ਰਾਵ ਸਟਾਰ ਫਿਲਮ 'ਵਿਵਾਹ' ਨੂੰ 11 ਸਾਲ ਤੋਂ ਜ਼ਿਆਦਾ ਸਮਾਂ ਗੁਜ਼ਰ ਚੁੱਕਿਆ ਹੈ। ਫਿਲਮ ਉਸ ਦੌਰ ਦੀ ਹਿਟ ਫਿਲਮਾਂ 'ਚੋਂ ਇਕ ਸੀ। ਜਿਸ 'ਚ ਨਾ ਸਿਰਫ ਪਿਆਰ ਭਰੀ ਕਹਾਣੀ ਸੀ ਸਗੋਂ ਪਰਿਵਾਰਿਕ ਡਰਾਮਾ ਵੀ ਸੀ। ਇਸ 'ਚ ਇਕ ਕਰੈਕਟਰ 'ਛੋਟੀ' ਸੀ ਜਿਸਨੂੰ ਅਮ੍ਰਿਤਾ ਪ੍ਰਕਾਸ਼ ਨੇ ਨਿਭਾਇਆ ਸੀ ਜਿਸਨੂੰ ਆਡੀਅਨਸ ਦਾ ਖੂਬ ਪਿਆਰ ਮਿਲਿਆ ਸੀ। ਹੁਣ ਉਹੀ ਛੁਟਕੀ ਵੱਡੀ ਹੋ ਕੇ ਬਹੁਤ ਗਲੈਮਰਸ ਦਿਖਣ ਲੱਗ ਗਈ ਹੈ।
2001 'ਚ ਉਨ੍ਹਾਂ ਨੇ ਬਤੌਰ ਚਾਈਲਡ ਆਰਟਿਸਟ ਡੈਬਿਊ ਫਿਲਮ 'ਤੁਮ ਬਿਨ' ਕੀਤੀ। ਇਸ 'ਚ ਉਹ ਮਿਨੀ ਨਾਂ ਦੇ ਕਰੈਕਟਰ ਨਾਲ ਬਹੁਤ ਮਸ਼ਹੂਰ ਹੋਈ। ਇੱਥੇ ਤੱਕ ਕਿ ਉਨ੍ਹਾਂ ਨੂੰ ਬੈਸਟ ਚਾਈਲਡ ਆਰਟਿਸਟ ਦੇ ਤੌਰ 'ਤੇ ਕਈ ਅਵਾਰਡ ਨੋਮੀਨੇਸ਼ਨ ਵੀ ਮਿਲੇ। ਬਾਅਦ 'ਚ ਉਹ 2006 'ਚ ਸੂਰਜ ਬੜਜਾਤਿਆ ਦੀ ਫਿਲਮ 'ਵਿਵਾਹ' 'ਚ ਦਿਖੀ। ਇਸ ਤੋਂ ਉਨ੍ਹਾਂ ਨੂੰ 'ਛੋਟੀ' ਦੇ ਕੈਰੇਕਟਰ ਨਾਲ ਕਾਫ਼ੀ ਲਾਇਮਲਾਇਟ ਮਿਲੀ।
ਫਿਲਮ ਦੇ ਬਾਅਦ ਫਿਰ ਉਨ੍ਹਾਂ ਨੇ ਐਕਟਿੰਗ ਤੋਂ ਬ੍ਰੇਕ ਲੈ ਲਿਆ। ਇਸਦੇ ਬਾਅਦ ਉਹ ਆਪਣੀ ਪੜਾਈ ਪੂਰੀ ਕਰਨ 'ਚ ਲੱਗ ਗਈ। ਮੁੰਬਈ 'ਚ ਰਹਿੰਦੇ ਹੋਏ ਅਮ੍ਰਿਤਾ ਨੇ ਮੁੰਬਈ ਯੂਨੀਵਰਸਿਟੀ ਤੋਂ ਕਾਮਰਸ ਅਤੇ ਬਿਜ਼ਨਸ ਐਡਮਿਨਿਸਟਰੇਸ਼ਨ 'ਚ ਮਾਸਟਰ ਡਿਗਰੀ ਪੂਰੀ ਕੀਤੀ ਹੈ। ਦੱਸ ਦਈਏ ਕਿ ਅਮ੍ਰਿੰਤਾ ਸੋਸ਼ਲ ਮੀਡੀਆ ਉੱਤੇ ਕਾਫ਼ੀ ਐਕਟਿਵ ਹਨ ਉਹ ਅਕਸਰ ਇੰਸਟਾਗਰਾਮ ਉੱਤੇ ਆਪਣੇ ਸਟਾਈਲਿਸ਼ ਫੋਟੋ ਪੋਸਟ ਕਰਦੀ ਰਹਿੰਦੀ ਹੈ।