ਮੇਰਠ : ਦੇਸ਼ ਦੀ ਸੁਰੱਖਿਆ ਵਿੱਚ ਤਾਇਨਾਤ ਰਹਿਣ ਵਾਲੇ ਜਵਾਨ ਵੀ ਅੱਜਕੱਲ੍ਹ ਭੂ-ਮਾਫ਼ੀਆ ਅਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਵਿਚਕਾਰ ਮਿਲੀਭੁਗਤ ਦੇ ਸ਼ਿਕਾਰ ਬਣ ਰਹੇ ਹਨ। ਮਾਮਲਾ ਮੇਰਠ ਦਾ ਹੈ। ਇਲਜ਼ਾਮ ਹੈ ਕਿ ਇੱਥੇ ਇੱਕ ਬੀਐਸਐਫ ਦੇ ਸੂਬੇਦਾਰ ਦੀ ਜ਼ਮੀਨ 'ਤੇ ਕੁੱਝ ਲੋਕਾਂ ਨੇ ਸਰਕਾਰੀ ਤੰਤਰ ਨਾਲ ਕਥਿਤ ਤੌਰ 'ਤੇ ਮਿਲੀਭੁਗਤ ਕਰਕੇ ਕਬਜ਼ਾ ਕਰ ਲਿਆ ਹੈ।
ਹੁਣ ਪੀੜਿਤ ਅਫਸਰਾਂ ਦੇ ਦਫ਼ਤਰਾਂ ਦੇ ਚੱਕਰ ਲਗਾ ਰਿਹਾ ਹੈ। ਸਰਹੱਦ 'ਤੇ ਦੇਸ਼ ਦੇ ਦੁਸ਼ਮਣਾਂ ਖਿ਼ਲਾਫ਼ ਸੀਨਾ ਤਾਣ ਕੇ ਖੜ੍ਹਨ ਵਾਲਾ ਫ਼ੌਜੀ ਇਸ ਮਾਮਲੇ ਵਿਚ ਲਾਚਾਰ ਨਜ਼ਰ ਆ ਰਿਹਾ ਹੈ। ਇਹੀ ਨਹੀਂ ਫ਼ੌਜੀ ਨੇ ਇਨਸਾਫ਼ ਨਾ ਮਿਲਣ 'ਤੇ ਆਤਮਹੱਤਿਆ ਕਰਨ ਤੱਕ ਦੀ ਚਿਤਾਵਨੀ ਦਿੱਤੀ ਹੈ। ਫ਼ੌਜੀ ਜਗਵੀਰ ਸਿੰਘ ਬਾਰਡਰ ਸਕਿਓਰਟੀ ਫੋਰਸ (BSF) ਵਿੱਚ ਨਾਇਬ ਸੂਬੇਦਾਰ ਦੇ ਅਹੁਦੇ 'ਤੇ ਤਾਇਨਾਤ ਹੈ।
ਕੀ ਕਹਿੰਦੇ ਹਨ ਪੁਲਿਸ ਅਧਿਕਾਰੀ
ਅਪਰ ਨਗਰ ਮੈਜਿਸਟ੍ਰੇਟ ਅਮਿਤਾਭ ਭਾਰਦਵਾਜ ਨੇ ਦੱਸਿਆ ਕਿ ਪੀੜਿਤ ਫੌਜੀ ਦੀ ਸ਼ਿਕਾਇਤ ਲੈ ਲਈ ਗਈ ਹੈ ਅਤੇ ਐਸਡੀਐਮ ਸਰਦਨਾ ਨੂੰ ਭੇਜ ਦਿੱਤੀ ਗਈ ਹੈ, ਕਾਨੂੰਨ ਮੁਤਾਬਕ ਜੋ ਵੀ ਕਾੱਰਵਾਈ ਹੋਵੇਗੀ ਕੀਤੀ ਜਾਵੇਗੀ। ਇਲਜ਼ਾਮ ਤਾਂ ਕੋਈ ਲਗਾ ਸਕਦਾ ਹੈ। ਜਾਂਚ - ਪੜਤਾਲ ਦੇ ਬਾਅਦ ਹੀ ਠੀਕ ਮਾਮਲਾ ਸਾਹਮਣੇ ਆਵੇਗਾ।