ਸ਼ਿਲਪਾ ਸ਼ਿੰਦੇ ਅਤੇ ਵਿਕਾਸ ਗੁਪਤਾ ਦੀ ਤਕਰਾਰ ਨੂੰ ਤਾਂ ਸਭ ਲੋਕ ਜਾਣਦੇ ਹਨ ਪਰ ਜੇਕਰ ਤੁਹਾਨੂੰ ਪਤਾ ਚਲੇ ਕਿ ਇਨ੍ਹਾਂ ਦਾ ਬਿੱਗ ਬੌਸ ਹਾਊਸ ਵਿੱਚ ਵਿਆਹ ਹੋ ਰਿਹਾ ਹੈ, ਤਾਂ ਜ਼ਰੂਰ ਤੁਸੀਂ ਹੈਰਾਨ ਰਹਿ ਜਾਵੋਗੇ ਪਰ ਸ਼ੋਅ ਦੀ ਐਕਸ ਕੰਟੈਸਟੈਂਟ ਬੰਦਗੀ ਕਾਲਰਾ ਤਾਂ ਅਜਿਹੀ ਖੁਆਇਸ਼ ਰੱਖਦੀ ਹੈ।
ਬਿੱਗ ਬੌਸ ਦੇ ਇੱਕ ਅਨਸੀਨ ਵੀਡੀਓ ਵਿੱਚ ਉਹ ਅਜਿਹੀ ਪਲੈਨਿੰਗ ਕਰਦੀ ਨਜ਼ਰ ਆਈ। ਉਸਦੇ ਇਸ ਪਲੈਨ ਵਿੱਚ ਸ਼ਿਲਪਾ ਦੇ ਭਰਾ ਆਸ਼ੁਤੋਸ਼ ਅਤੇ ਹਿਨਾ ਦੇ ਬੁਆਏਫ੍ਰੈਂਡ ਰਾਕੀ ਵੀ ਸ਼ਾਮਿਲ ਹਨ। ਬੰਦਗੀ ਕੰਟੈਸਟੈਂਟ ਦੇ ਪਰਿਵਾਰ ਵਾਲਿਆਂ ਦੇ ਨਾਲ ਇਸ ਹਫਤੇ ਗੁਆਂਢੀ ਹਾਊਸ ਪਹੁੰਚੀ ਹੈ। ਜਿੱਥੇ ਉਹ ਸ਼ਿਲਪਾ ਅਤੇ ਵਿਕਾਸ ਦੇ ਵਿਆਹ ਦੀ ਪਲੈਨਿੰਗ ਕਰਦੀ ਦਿਖਾਈ ਦਿੱਤੀ।
ਬੰਦਗੀ ਕਹਿੰਦੀ ਹੈ, ਸੋਚੋ ਜੇਕਰ ਬਿੱਗ ਬੌਸ ਬੋਲੇ ਕਿ ਸਾਰੀਆਂ ਮੰਮੀਆਂ ਆਪਣੇ ਬੱਚਿਆਂ ਦੇ ਨਾਲ ਤਾਂ ਹੀ ਮਿਲ ਪਾਉਣਗੀਆਂ। ਜਦੋਂ ਸ਼ਿਲਪਾ ਅਤੇ ਵਿਕਾਸ ਟਾਸਕ ਵਿੱਚ ਵਿਆਹ ਕਰਨਗੇ ,ਅਜਿਹਾ ਹੁੰਦਾ ਹੈ ਤਾਂ ਕਿੰਨਾ ਮਜ਼ੇਦਾਰ ਹੋਵੇਗਾ।
ਸ਼ਿਲਪਾ ਦੇ ਭਰਾ ਹੱਸਦੇ ਹਨ ਕਿ ਇਹ ਦੋਵੇਂ ਇਸ ਨੂੰ ਕਰਨ ਲਈ ਆਸਾਨੀ ਨਾਲ ਮੰਨ ਜਾਣਗੇ ਤਾਂ ਰਾਕੀ ਨੇ ਕਿਹਾਜੇਕਰ ਨਹੀਂ ਵੀ ਮੰਨੇ ਤਾਂ ਮੈਂ ਉਨ੍ਹਾਂ ਨੂੰ ਮਾਰਾਂਗਾ ਤਾਂ ਸ਼ਿਲਪਾ ਦੇ ਭਰਾ ਕਹਿੰਦੇ ਹਨ ਕਿ ਨਹੀਂ-ਨਹੀਂ ਸ਼ਿਲਪਾ ਥੋੜਾ ਫੁਟੇਜ਼ ਖਾਏਗੀ ਹੀ। ਜਿਸ ‘ਤੇ ਰਾਕੀ ਸ਼ਿਲਪਾ ਦੀ ਮਿਮਿਕ੍ਰੀ ਕਰਦੇ ਹੋਏ ਦਿਖਦੇ ਹਨ ਕਿ ਨਹੀਂ ਨਹੀਂ ਵਿਕਾਸ ਜੀ ਅਜਿਹਾ ਕਿਸ ਤਰ੍ਹਾਂ ਹੋਵੇਗਾ… ਹੁਣ ਤਾਂ ਕੇਵਲ 2 ਹਫਤੇ ਬਚੇ ਹਨ ।ਤੁਸੀਂ ਜਲਦੀ ਵੀ ਨਿਕਲ ਸਕਦੇ ਹੋ।
ਦੱਸ ਦੇਈਏ ਕਿ 13ਵੇਂ ਹਫਤੇ ਵਿੱਚ ਆਖਿਰਕਾਰ ਸ਼ਿਲਪਾ ਕੈਪਟੈਂਸੀ ਟਾਸਕ ਜਿੱਤ ਹੀ ਗਈ ਹੈ ਅਤੇ ਹੁਣ ਉਹ ਘਰ ਦੀ ਨਵੀਂ ਕੈਪਟਨ ਹੋਵੇਗੀ। ਰਿਐਲਿਟੀ ਸ਼ੋਅ ‘ਬਿੱਗ ਬੌਸ’ ਸੀਜ਼ਨ 11 ਦੇ ਫਿਨਾਲੇ ਵਿੱਚ ਹੁਣ ਦੋ ਹਫਤੇ ਤੋਂ ਜ਼ਿਆਦਾ ਦਾ ਸਮਾਂ ਬਾਕੀ ਹੈ। ਕੱਲ ਸ਼ੋਅ ਦੇ ਦੌਰਾਨ ਪਹਿਲਾ ਮੌਕਾ ਸੀ ਜਦੋਂ ਬਿੱਗ ਬੌਸ ਖੁਦ ਇਮੋਸ਼ਨਲ ਹੋ ਗਏ।