ਤਕਨੀਕ ਦੇ ਇਸ ਯੁੱਗ 'ਚ ਨਾ ਹੁਣ ਕੁਝ ਹੈਕ ਹੋਵੇਗਾ ਤੇ ਨਾ ਹੀ ਕੋਈ ਕਿਸੇ ਤਰ੍ਹਾਂ ਦਾ ਪਾਸਵਰਡ ਤੋੜ ਸਕੇਗਾ। ਇਸ ਗੱਲ ਦਾ ਦਾਅਵਾ ਪੰਜਾਬ ਸੂਬੇ ਦੇ ਪਿੰਡ ਰਾਮੇਆਣਾ ਦੇ ਸੁਖਵਿੰਦਰ ਨੇ ਕੀਤਾ ਹੈ। ਹਜ਼ਾਰਾਂ ਨਵੀਆਂ ਤਕਨੀਕਾਂ ਹਰ ਰੋਜ਼ ਤਰਾਸ਼ੀਆਂ ਜਾਂਦੀਆਂ ਹਨ।
ਇਸੇ ਤਰ੍ਹਾਂ ਇਕ ਨਵੀਂ ਤਕਨੀਕ ਪੰਜਾਬ ਦੇ ਪਿੰਡ ਰਾਮੇਆਣਾ ਦੇ ਨੌਜਵਾਨ ਨੇ ਤਿਆਰ ਕੀਤੀ ਹੈ। ਜਿਸ ਦੀ ਇਲਾਕੇ 'ਚ ਖੂਬ ਚਰਚਾ ਹੋ ਰਹੀ ਹੈ।
ਤੁਹਾਨੂੰ ਦੱਸ ਦਈਏ ਕਿ ਬਾਰਵੀਂ ਪਾਸ ਸੁਖਵਿੰਦਰ ਨੇ ਇਕ ਐਸਾ ਪ੍ਰੋਜੈਕਟ ਤਿਆਰ ਕੀਤਾ ਹੈ ਜਿਸ ਦੇ ਪਾਸਵਰਡ ਨੂੰ ਨਾ ਤਾਂ ਕੋਈ ਹੈਕ ਕਰ ਸਕਦਾ ਹੈ ਤੇ ਨਾ ਹੀ ਇਸ ਪਾਸਵਰਡ ਨੂੰ ਕੋਈ ਤੋੜ ਸਕਦਾ ਹੈ। ਸੁਖਵਿੰਦਰ ਵੱਲੋਂ ਤਿਆਰ ਕੀਤੀ ਗਈ ਇਸ ਤਕਨੀਕ 'ਚ ਹਜ਼ਾਰ ਤਰ੍ਹਾਂ ਦੇ ਪਾਸਵਰਡ ਲੱਗਦੇ ਹਨ।