ਨਵੀਂ ਦਿੱਲੀ: ਬਾਜ਼ਾਰ 'ਚ ਕਸ਼ਮੀਰੀ ਸੇਬ 'ਰੈੱਡ ਡਿਲੀਸ਼ੀਅਸ' ਦੀ ਵਿਕਰੀ ਸ਼ੁਰੂ ਹੋ ਚੁੱਕੀ ਹੈ। ਇਸ ਸਾਲ ਗਾਹਕਾਂ ਨੂੰ ਇਹ ਸੇਬ 15-20 ਫੀਸਦੀ ਸਸਤਾ ਮਿਲੇਗਾ। ਇਸ ਦੀ ਵਜ੍ਹਾ ਕਸ਼ਮੀਰ 'ਚ ਇਨ੍ਹਾਂ ਸੇਬਾਂ ਦਾ ਚੰਗਾ ਉਤਪਾਦਨ ਹੈ, ਜਿਸ ਨਾਲ ਬਾਜ਼ਾਰ 'ਚ ਸਪਲਾਈ ਕਾਫੀ ਵਧੀ ਹੈ। ਪਿਛਲੇ ਸਾਲ ਇਸ ਸੇਬ ਦੀ ਕੀਮਤ 850-900 ਰੁਪਏ ਪੇਟੀ ਸੀ ਪਰ ਇਸ ਸਾਲ ਕੀਮਤ 700-750 ਰੁਪਏ ਪੇਟੀ ਹੈ। ਇਸ ਦਾ ਫਾਇਦਾ ਗਾਹਕਾਂ ਨੂੰ ਮਿਲੇਗਾ। ਹਾਲਾਂਕਿ ਸੇਬ ਦੀ ਕੀਮਤ ਘੱਟ ਰਹਿਣ ਨਾਲ ਕਸ਼ਮੀਰ ਦੇ ਉਤਪਾਦਕਾਂ ਨੂੰ ਨੁਕਸਾਨ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।