ਜਲੰਧਰ/ਭੋਗਪੁਰ/ਕਰਤਾਰਪੁਰ, 10 ਨਵੰਬਰ (ਸਤਨਾਮ ਸਿੰਘ ਸਿੱਧੂ, ਕੁਲਵੀਰ ਸਿੰਘ ਕਾਹਲੋਂ, ਸੰਜੀਵ ਕੁਮਾਰ) : ਅੱਜ ਦੁਪਹਿਰ ਕਰੀਬ 3 ਵਜੇ ਭੋਗਪੁਰ ਆਦਮਪੁਰ ਰੋਡ 'ਤੇ ਪਿੰਡ ਮਾਣਕਰਾਏ ਨੇੜੇ ਪੈਂਦੇ ਭੱਠੇ ਕੋਲੋਂ 7 ਹਥਿਆਰਬੰਦ ਨਕਾਬਪੋਸ਼ ਲੁਟੇਰੇ ਨਾਲ ਲੈਸ ਨੋਜਵਾਨਾਂ ਨੇ ਐਚ.ਡੀ.ਐਫ.ਸੀ. ਬੈਕ ਦੀ ਕੈਸ਼ ਵੈਨ ਵਿਚੋਂ 1 ਕਰੋੜ 14 ਲੱਖ 50 ਹਜ਼ਾਰ ਲੁੱਟ ਕੇ ਫਰਾਰ ਹੋ ਗਏ, ਦਿਨ-ਦਿਹਾੜੇ ਵਾਪਰੀ ਇਸ ਘਟਨਾ ਨਾਲ ਇਲਾਕੇ ਅਤੇ ਆਸ-ਪਾਸ ਦੇ ਪਿੰਡਾਂ ਵਿਚ ਦਹਿਸ਼ਤ ਦਾ ਮਾਹੌਲ ਬਣ ਗਿਆ। ਪੰਜਾਬ ਪੁਲਿਸ ਦੇ ਡੀ.ਆਈ.ਜੀ ਜਸਕਰਨ ਸਿੰਘ, ਐਸ.ਪੀ. ਡੀ ਬਲਕਾਰ ਸਿੰਘ ਅਤੇ ਹੋਰ ਪੁਲਿਸ ਅਧਿਕਾਰੀਆਂ ਨੇ ਮੌਕੇ 'ਤੇ ਪਹੁੰਚ ਕੇ ਪੜਤਾਲ ਸ਼ੁਰੂ ਕਰ ਦਿਤੀ ਹੈ। ਜਾਣਕਾਰੀ ਅਨੁਸਾਰ ਕੈਸ਼ ਵੈਨ ਜੋ ਕੇ ਜਲੰਧਰ ਤੋਂ ਕੈਸ਼ ਪਾਉਂਦੀ ਹੋਈ ਐਚ.ਡੀ.ਐਫ.ਸੀ ਦੀ ਬਰਾਂਚ ਡੀਗਰੀਆਂ ਵਿਖੇ ਕੈਸ਼ ਪਾਉਣ ਲਈ ਜਾ ਰਹੀ ਸੀ, ਜਿਸ ਨੂੰ ਰਸਤੇ ਵਿਚ ਭੱਠੇ ਲਾਗੇ ਇਕ ਇੰਡੀਕਾ ਕਾਰ ਅਤੇ ਮੋਟਰਸਾਈਕਲ 'ਤੇ ਆਏ ਨਕਾਬਪੋਸ਼ ਲੁਟੇਰਿਆਂ ਨੇ ਹਥਿਆਰਾਂ ਦੀ ਨੋਕ 'ਤੇ ਲੁੱਟ ਕੇ ਫਰਾਰ ਹੋ ਗਏ।