ਮੁੰਬਈ, 30 ਦਸੰਬਰ: ਮੁੰਬਈ ਦੇ ਇਕ ਪੱਬ ਵਿਚ 14 ਜਣਿਆਂ ਦੀ ਜਾਨ ਲੈਣ ਵਾਲੀ ਭਿਆਨਕ ਅੱਗ ਦੀ ਘਟਨਾ ਤੋਂ ਇਕ ਦਿਨ ਬਾਅਦ ਅੱਜ ਪੱਬ ਦੇ ਦੋ ਸਹਿ-ਮਾਲਕਾਂ ਵਿਰੁਧ ਲੁੱਕਆਊਟ ਨੋਟਿਸ ਜਾਰੀ ਕੀਤਾ। ਦੂਜੇ ਪਾਸੇ ਬ੍ਰਹਿਨਮੁੰਬਈ ਮਹਾਂਨਗਰਪਾਲਿਕਾ (ਬੀ.ਐਮ.ਸੀ.) ਨੇ ਅੱਜ ਵੱਡੀ ਕਾਰਵਾਈ ਕਰਦਿਆਂ ਘੱਟ ਤੋਂ ਘੱਟ 100 ਰੇਸਤਰਾਂ ਅਤੇ ਪੱਬ ਦੇ ਨਾਜਾਇਜ਼ ਢਾਂਚਿਆਂ ਨੂੰ ਡੇਗ ਦਿਤਾ।ਨਵੇਂ ਸਾਲ 'ਤੇ ਲੋਕਾਂ ਦੀ ਭੀੜ ਦੀ ਸੰਭਾਵਨਾ ਨੂੰ ਵੇਖਦਿਆਂ ਅਧਿਕਾਰੀਆਂ ਨੂੰ ਇਹ ਯਕੀਨੀ ਕਰਨ ਦਾ ਹੁਕਮ ਦਿਤਾ ਹੈ ਕਿ ਰੇਸਤਰਾਂ ਅਤੇ ਬਾਰ ਵਿਚ ਸੁਰੱਖਿਆ ਨਿਯਮਾਂ ਦਾ ਪਾਲਣ ਹੋਵੇ। ਨਾਜਾਇਜ਼ ਉਸਾਰੀਆਂ ਨੂੰ ਢਾਹੁਣ ਦਾ ਕੰਮ ਵੀ ਸ਼ੁਰੂ ਕਰਨ ਦੇ ਨਾਲ ਬੀ.ਐਮ.ਸੀ. ਨੇ ਹੋਟਲਾਂ ਨੂੰ ਫਟਕਾਰ ਵੀ ਲਗਾਈ ਹੈ।