ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਨੌਤ ਆਪਣੇ ਵਿਵਾਦਾਂ ਨੂੰ ਲੈ ਕੇ ਇਸ ਸਮੇਂ ਸੁਰਖੀਆਂ ਵਿੱਚ ਬਣੀ ਹੋਈ ਹੈ। ਹਾਲ ਹੀ ਵਿੱਚ ਇੱਕ ਨਵੀਂ ਗੱਲ ਸਾਹਮਣੇ ਆਈ ਹੈ। ਕੰਗਨਾ ਦਾ ਫਿਲਮ ਸਿਮਰਨ ਦੇ ਡਾਇਰੈਕਟਰ ਹੰਸਲ ਮਹਿਤਾ ਦੇ ਨਾਲ ਵੀ ਵਿਵਾਦ ਹੋਇਆ ਸੀ। ਇਸ ਵਿਵਾਦ ਦੇ ਕਾਰਨ ਮਹਿਤਾ ਨੇ ਫਿਲਮ ਨੂੰ ਵਿੱਚ ਹੀ ਛੱਡ ਦਿੱਤੀ ਸੀ। ਖਬਰ ਹੈ ਕਿ ਕੰਗਨਾ ਨੇ ਹੰਸਲ ਨੂੰ ਸਪਾਈਨਲੈੱਸ ਡਾਇਰੈਕਟਰ ਵੀ ਕਹਿ ਦਿੱਤਾ ਸੀ। ਉਝ ਫਿਲਮ ਦੀ ਕਹਾਣੀ ਦੇ ਕਰੈਡਿਟ ਨੂੰ ਲੈ ਕੇ ਅਪੂਰਵ ਅਸਰਾਨੀ ਦੇ ਨਾਲ ਕੰਗਨਾ ਦਾ ਵਿਵਾਦ ਸਾਹਮਣੇ ਆ ਚੁੱਕਿਆ ਹੈ।
ਖਬਰਾਂ ਅਨੁਸਾਰ 21 ਅਗਸਤ 2016 ਤੱਕ ਫਿਲਮ ਦੇ ਡਾਇਰੈਕਟਰ ਹੰਸਲ ਮਹਿਤਾ ਅਪੂਰਵ ਅਸਰਾਨੀ ਦੇ ਇਸ ਡਰਾਫਟ ਤੋਂ ਕਾਫੀ ਖੁਸ਼ ਸੀ। ਅਸਰਾਨੀ ਦੇ ਅਨੁਸਾਰ ਕੰਗਨਾ ਨੇ ਕੇਵਲ ਸਕ੍ਰਿਪਟ ਦੇ ਲਈ ਕੁਝ ਸੁਝਾਅ ਦਿੱਤੇ ਸਨ ਜੋ ਕਾਫੀ ਚੰਗੇ ਸਨ ਅਤੇ ਉਨ੍ਹਾਂ ਨੂੰ ਸਕ੍ਰਿਪਟ ਵਿੱਚ ਜੋੜ ਦਿੱਤਾ ਗਿਆ ਸੀ।