ਯੇਰੂਸ਼ਲਮ- ਸੋਸ਼ਲ ਮੀਡੀਆ ਸਾਈਟਸ ਦੀਆਂ ਕੁਝ ਆਧੁਨਿਕ ਤਕਨੀਕਾਂ ਸਹੂਲਤ ਦੀ ਬਜਾਏ ਕਈ ਵਾਰ ਔਕੜ ਪੈਦਾ ਕਰ ਦਿੰਦੀਆਂ ਹਨ। ਅਜਿਹਾ ਹੀ ਹੋਇਆ ਫਿਲੀਸਤੀਨ ਦੇ ਇਕ ਸ਼ਖਸ ਨਾਲ। ਉਸ ਨੇ ਫੇਸਬੁੱਕ ਉੱਤੇ ਅਰਬੀ ਭਾਸ਼ਾ ਵਿਚ ਇਕ ਪੋਸਟ ਕੀਤੀ ਤਾਂ ਉਸ ਨੂੰ ਜੇਲ ਜਾਣਾ ਪਿਆ।
ਇਸ ਸ਼ਖਸ ਨੇ ਇਕ ਉਸਾਰੀ ਵਾਲੇ ਸਥਾਨ ਉੱਤੇ ਖੜ੍ਹੇ ਬੁਲਡੋਜ਼ਰ ਨਾਲ ਆਪਣੀ ਤਸਵੀਰ ਖਿੱਚੀ ਅਤੇ ਫੇਸਬੁੱਕ ਉੱਤੇ ਪੋਸਟ ਕਰ ਦਿੱਤੀ। ਤਸਵੀਰ ਦੇ ਨਾਲ ਉਸ ਨੇ ਅਰਬੀ ਵਿਚ ‘ਗੁੱਡ ਮਾਰਨਿੰਗ’ ਲਿਖਿਆ। ਫੇਸਬੁੱਕ ਨੇ ਹਿਬਰੂ ਭਾਸ਼ਾ ਵਿਚ ਉਸ ਦਾ ਅਨੁਵਾਦ ਕੀਤਾ, ‘ਉਨ੍ਹਾਂ ਉੱਤੇ ਹਮਲਾ ਕਰੋ’ ਅਤੇ ਅੰਗਰੇਜ਼ੀ ਵਿਚ ਅਨੁਵਾਦ ਕੀਤਾ: ‘ਉਨ੍ਹਾਂ ਦਾ ਨੁਕਸਾਨ ਕਰੋ’।