ਮੋਹਾਲੀ: ਧਾਰਮਿਕ ਕੰਮਾਂ ਲਈ ਬਣਾਏ ਗਏ ਵਟਸਐਪ ਗਰੁੱਪ ਹਿੰਦੂਤਵ ਵਿੱਚ ਇੱਕ ਸਵਾਮੀ ਨੇ ਅਸ਼ਲੀਲ ਵੀਡੀਓ ਅਪਲੋਡ ਕਰਕੇ ਸੈਂਕੜੇ ਲੋਕਾਂ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਈ ਹੈ। ਵੀਡੀਓ ਅਪਲੋਡ ਹੋਣ ਦੇ ਬਾਅਦ ਗਰੁੱਪ ਮੈਂਬਰਾਂ ਨੇ ਇਸਨੂੰ ਅਪਲੋਡ ਕਰਨ ਵਾਲੇ ਇੱਕ ਸੰਗਠਨ ਦੇ ਧਰਮ ਗੁਰੂ ਖਰੜ ਨਿਵਾਸੀ ਸਵਾਮੀ ਓਂਕਾਰ ਸਰਸਵਤੀ ਦਾ ਜੰਮ ਕੇ ਵਿਰੋਧ ਕੀਤਾ।
ਸਵਾਮੀ ਨੇ ਨਹੀਂ ਮੰਗੀ ਮੁਆਫੀ
ਜਦੋਂ ਸਵਾਮੀ ਨੂੰ ਗਰੁੱਪ ਦੇ ਮੈਂਬਰਾਂ ਤੋਂ ਮੁਆਫੀ ਮੰਗਣ ਲਈ ਕਿਹਾ ਗਿਆ ਤਾਂ ਉਸਨੇ ਮੁਆਫੀ ਮੰਗਣ ਤੋਂ ਇਨਕਾਰ ਕਰ ਦਿੱਤਾ। ਜਿਸ ਗਰੁੱਪ ਵਿੱਚ ਇਹ ਵੀਡੀਓ ਅਪਲੋਡ ਕੀਤੀ ਗਈ, ਉਸ ਵਿੱਚ ਰਾਜਭਰ ਦੇ ਧਾਰਮਿਕ ਲੋਕ, ਸੰਸਥਾਵਾਂ ਦੇ ਨੇਤਾ ਅਤੇ ਕਈ ਔਰਤਾਂ ਵੀ ਮੌਜੂਦ ਹਨ।
ਗਰੁੱਪ ਦੇ ਐਡਮਿਨ ਪਵਨ ਕੁਮਾਰ ਨੇ ਕਿਹਾ ਕਿ ਉਹ ਪੰਜਾਬ ਹਿੰਦੂ ਸੰਗਠਨ ਦੇ ਜਨਰਲ ਸਕੱਤਰ ਹਨ। ਜਦ ਕਿ ਵੀਡੀਓ ਅਪਲੋਡ ਕਰਨ ਵਾਲੇ ਉਨ੍ਹਾਂ ਦੇ ਹੀ ਸੰਗਠਨ ਦੇ ਧਰਮ ਗੁਰੂ ਹਨ। ਜੇਕਰ ਉਨ੍ਹਾਂ ‘ਤੋਂ ਗਲਤੀ ਹੋ ਗਈ ਹੈ ਤਾਂ ਇਸ ਵਿੱਚ ਕੀ ਕੀਤਾ ਜਾ ਸਕਦਾ ਹੈ।
ਉਨ੍ਹਾਂ ਨੂੰ ਮੁਆਫੀ ਮੰਗ ਲੈਣੀ ਚਾਹੀਦੀ ਸੀ ਪਰ ਸਵਾਮੀ ਨੇ ਅਜਿਹਾ ਨਹੀਂ ਕੀਤਾ। ਜਿਸ ਕਾਰਨ ਉਨ੍ਹਾਂ ਨੂੰ ਵੱਟਸਐਪ ਗਰੁੱਪ ‘ਚੋਂ ਰੀਮੂਵ ਕਰ ਦਿੱਤਾ ਗਿਆ ਹੈ।