ਭਾਰਤੀ ਸਟੇਟ ਬੈਂਕ ਨੇ ਆਪਣੀਆਂ ਕੁੱਝ ਸ਼ਾਖਾਵਾਂ ਨੂੰ ਲੈ ਕੇ ਵੱਡਾ ਬਦਲਾਅ ਕੀਤਾ ਹੈ। ਇਸ ਬਦਲਾਅ ਦੀ ਜਾਣਕਾਰੀ ਰੱਖਣਾ ਤੁਹਾਡੇ ਲਈ ਜਰੂਰੀ ਹੈ। ਕਿਉਂਕਿ ਇਹ ਜਾਣਕਾਰੀ ਨਾ ਹੋਣ ਉੱਤੇ ਤੁਸੀਂ ਆਨਲਾਈਨ ਪੈਸੇ ਟਰਾਂਸਫਰ ਨਹੀਂ ਕਰ ਸਕੋਗੇ। ਇਸਦੇ ਇਲਾਵਾ ਤੁਹਾਨੂੰ ਇਸ ਬ੍ਰਾਂਚ ਨਾਲ ਜੁੜੀ ਠੀਕ ਜਾਣਕਾਰੀ ਵੀ ਨਹੀਂ ਮਿਲ ਸਕੇਗੀ।
ਐਸਬੀਆਈ ਨੇ ਦੇਸ਼ ਭਰ ਵਿੱਚ ਆਪਣੀਆਂ 1200 ਤੋਂ ਜ਼ਿਆਦਾ ਸ਼ਾਖਾਵਾਂ ਦੇ ਬ੍ਰਾਂਚ ਕੋਡ ਅਤੇ IFSC ਕੋਡ ਸਮੇਤ ਕਈ ਚੀਜਾਂ ਬਦਲ ਦਿੱਤੀਆਂ ਹਨ। ਇੱਥੇ ਤੱਕ ਕਿ ਇਨ੍ਹਾਂ ਸ਼ਾਖਾਵਾਂ ਦਾ ਨਾਮ ਵੀ ਬਦਲ ਦਿੱਤਾ ਗਿਆ ਹੈ। ਬੈਂਕ ਗ੍ਰਾਹਕ ਦੇ ਤੌਰ ਉੱਤੇ ਤੁਹਾਨੂੰ ਬੈਂਕ ਬ੍ਰਾਂਚ ਦੀ ਜਾਣਕਾਰੀ ਕਈ ਜਗ੍ਹਾ ਦੇਣੀ ਹੁੰਦੀ ਹੈ।
ਇਸ ਵਿੱਚ ਸਭ ਤੋਂ ਅਹਿਮ ਹੁੰਦਾ ਹੈ IFSC ਕੋਡ। ਇਸਦੇ ਬਿਨਾਂ ਤੁਸੀਂ ਕਿਸੇ ਵੀ ਥਾਂ ਤੋਂ ਫੰਡ ਟਰਾਂਸਫਰ ਨਹੀਂ ਕਰ ਸਕੋਗੇ। ਭਾਰਤੀ ਸਟੇਟ ਬੈਂਕ ਨੇ 1200 ਤੋਂ ਜ਼ਿਆਦਾ ਬ੍ਰਾਂਚਾਂ ਵਿੱਚ ਕੀਤੇ ਗਏ ਇਸ ਬਦਲਾਅ ਦੀ ਜਾਣਕਾਰੀ ਦਿੱਤੀ ਹੈ। ਐਸਬੀਆਈ ਨੇ ਇੱਕ ਪੂਰੀ ਲਿਸਟ ਜਾਰੀ ਕੀਤੀ ਹੈ।
ਜਿਸ ਵਿੱਚ ਤੁਹਾਨੂੰ ਸਰਕਲ ਦੇ ਮੁਤਾਬਕ ਪੁਰਾਣੀ ਬ੍ਰਾਂਚ ਅਤੇ ਉਸਦੀ ਜਗ੍ਹਾ ਨਵੀਂ ਬ੍ਰਾਂਚ ਦੀ ਜਾਣਕਾਰੀ ਦਿੱਤੀ ਗਈ ਹੈ। ਐਸਬੀਆਈ ਦੀ ਲਿਸਟ ਦੇ ਮੁਤਾਬਕ ਉਸਨੇ ਕਈ ਪੁਰਾਣੀਆਂ ਬ੍ਰਾਂਚ ਨੂੰ ਨਵੀਆਂ ਸ਼ਾਖਾਵਾਂ ਵਿੱਚ ਜੋੜ ਦਿੱਤਾ ਹੈ। ਇਸ ਵਿੱਚ ਜਿਆਦਾਤਰ ਉਨ੍ਹਾਂ ਬੈਂਕਾਂ ਦੀ ਸ਼ਾਖਾ ਹੈ, ਜਿਨ੍ਹਾਂ ਦਾ ਐਸਬੀਆਈ ਦੇ ਨਾਲ ਮਰਜਰ ਹੋਇਆ ਹੈ।