ਨਵੀਂ ਦਿੱਲੀ : ਬੁੱਧਵਾਰ ਨੂੰ ਇਕ ਵਿਅਕਤੀ ਨੂੰ ਅਗਵਾ ਕਰਕੇ ਲੁੱਟਣ ਦੇ ਦੋਸ਼ 'ਚ ਉਬੇਰ ਡਰਾਈਵਰ ਤੇ ਡੀਯੂ ਦੇ ਇਕ ਵਿਦਿਆਰਥੀ ਸਣੇ ਤਿੰਨ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਹ ਘਟਨਾ 20 ਜਨਵਰੀ ਨੂੰ ਵਾਪਰੀ ਸੀ। ਪੁਲਸ ਨੇ ਇਸ ਸਬੰਧ 'ਚ ਮੁਲਜ਼ਮਾਂ ਤੋਂ ਇਕ ਚਾਕੂ, ਟੈਕਸੀ, 2 ਮੋਟਰਸਾਈਕਲ ਤੇ ਪੀੜਤ ਦਾ ਮੋਬਾਇਲ ਫੋਨ, ਲੈਪਟਾਪ ਤੇ ਨਗਦੀ ਜ਼ਬਤ ਕੀਤੀ ਹੈ।
ਪੁਲਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਕਿ ਉਹ ਇਸ ਤਰ੍ਹਾਂ ਦੇ ਹੋਰ ਕਿੰਨੇ ਮਾਮਲਿਆਂ 'ਚ ਸ਼ਾਮਲ ਹਨ।ਉਬੇਰ ਦੇ ਇਕ ਬੁਲਾਰੇ ਨੇ ਕਿਹਾ ਕਿ ਘਟਨਾ ਦਾ ਪਤਾ ਲੱਗਣ 'ਤੇ ਤੁਰੰਤ ਉਸ ਨੂੰ ਹਟਾ ਦਿੱਤਾ ਗਿਆ ਸੀ ਤੇ ਉਬੇਰ ਇਸ ਮਾਮਲੇ 'ਚ ਹਰ ਤਰ੍ਹਾਂ ਨਾਲ ਪੁਲਸ ਦੀ ਮਦਦ ਕਰਨ ਲਈ ਤਿਆਰ ਹੈ।