ਬਾਲੀਵੁਡ ਦੇ ਮੰਨੇ ਪ੍ਰਮੰਨੇ ਡਾਇਰੈਕਟਰ ਪ੍ਰੋਡਿਊਸਰ ਕਰਨ ਜੌਹਰ ਹਮੇਸ਼ਾ ਆਪਣੀ ਫਿਲਮਾਂ ਅਤੇ ਬਿਆਨਾਂ ਨੂੰ ਲੈ ਕੇ ਪਾਪੂਲਰ ਰਹਿੰਦੇ ਹਨ। ਆਮ ਤੌਰ ਤੇ ਕਰਨ ਜੌਹਰ ਆਪਣੀ ਨਿਜੀ...
ਬਾਲੀਵੁਡ ਦੇ ਮੰਨੇ ਪ੍ਰਮੰਨੇ ਡਾਇਰੈਕਟਰ ਪ੍ਰੋਡਿਊਸਰ ਕਰਨ ਜੌਹਰ ਹਮੇਸ਼ਾ ਆਪਣੀ ਫਿਲਮਾਂ ਅਤੇ ਬਿਆਨਾਂ ਨੂੰ ਲੈ ਕੇ ਪਾਪੂਲਰ ਰਹਿੰਦੇ ਹਨ। ਆਮ ਤੌਰ ਤੇ ਕਰਨ ਜੌਹਰ ਆਪਣੀ ਨਿਜੀ ਜਿੰਦਗੀ ਨੂੰ ਲੈ ਕੇ ਹਮੇਸ਼ਾ ਘੱਟ ਹੀ ਗੱਲਬਾਤ ਕਰਦੇ ਹਨ ਪਰ ਹਾਲ ਹੀ ਵਿਚ ਵੋਗ ਮੈਗਜੀਨ ਦੀ ਫੈਸ਼ਨ ਡਾਇਰੈਕਟਰ ਅਨੀਤਾ ਸ਼ਰਾਫ ਅਦਜਾਨਿਆ ਦੇ ਚੈੱਟ ਸ਼ੋਅ ‘ਫੀਟ ਅਪ ਵਿਦ ਦ ਸਟਾਰਜ਼’ ਵਿਚ ਕਰਨ ਜੌਹਰ ਨੇ ਆਪਣੇ ਅਜਿਹੇ ਰਾਜ ਖੋਲ ਦਿੱਤੇ, ਜਿਸ ਨੂੰ ਸੁਣ ਕੇ ਤੁਸੀਂ ਵੀ ਹੈਰਾਨ ਰਹਿ ਜਾਓਗੇ।
ਕਰਨ ਜੌਹਰ ਨੇ ਕਿਹਾ ਕੇ ਉਹ ਕਿਸ ਕੁੜੀ ਨਾਲ ਵਿਆਹ ਕਰਨਾ ਚਾਉਂਦੇ ਹਨ ਤਾਂ ਅਨੀਤਾ ਨੇ ਉਨ੍ਹਾਂ ਤੋਂ ਉਸ ਅਦਾਕਾਰਾ ਦਾ ਨਾਮ ਲੈਣ ਨੂੰ ਕਿਹਾ ਕਿ ਜਿਸ ਨਾਲ ਉਹ ਵਿਆਹ ਕਰਨਾ ਚਾਹੁੰਦੇ ਹਨ ਤਾਂ ਕਰਨ ਜੌਹਰ ਨੇ ਬਿਨ੍ਹਾਂ ਦੇਰ ਕੀਤੇ ਝੱਟ ਨਾਲ ਬਾਲੀਵੁਡ ਅਦਾਕਾਰਾ ਕਰੀਨਾ ਕਪੂਰ ਦਾ ਨਾਮ ਲਿਆ, ਜਿਸ ਨਾਲ ਉਹ ਵਿਆਹ ਕਰਨਾ ਚਾਹੁੰਦੇ ਸਨ ਹਾਲਾਂਕਿ ਕਰਨ ਜੌਹਰ ਅਤੇ ਕਰੀਨਾ ਕਪੂਰ ਵਧੀਆ ਦੋਸਤ ਹਨ। ਅਜਿਹੇ ਵਿਚ ਉਨ੍ਹਾਂ ਦੇ ਇਸ ਸਟੇਟਮੈਂਟ ਨੂੰ ਕਰੀਨਾ ਕਪੂਰ ਕਿਸ ਤਰ੍ਹਾਂ ਹੈਂਡਲ ਕਰਦੀ ਹੈ ਇਹ ਦੇਖਣਾ ਬਹੁਤ ਦਿਲਚਸਪ ਹੋਵੇਗਾ।
ਖੈਰ ਕਰਨ ਜੌਹਰ ਨੇ ਆਪਣੇ ਯੌਨ ਜੀਵਣ ਦੇ ਬਾਰੇ ਗੱਲ ਕਰਦੇ ਹੋਏ ਕਦੇ ਗੁਰੇਜ ਨਹੀਂ ਕੀਤਾ। ਤੁਹਾਨੂੰ ਦੱਸ ਦੇਈਏ ਕਿ ਕਰਨ ਜੌਹਰ ਨੇ ਵਿਆਹ ਨਹੀਂ ਕੀਤਾ ਹੈ ਪਰ ਉਹ ਦੋ ਬੱਚਿਆਂ ਦੇ ਪਿਤਾ ਹਨ। ਉਨ੍ਹਾਂ ਦੇ ਬੇਟੇ ਦਾ ਨਾਮ ਯਸ਼ ਹੈ ਅਤੇ ਬੇਟੀ ਦਾ ਨਾਮ ਰੂਹੀ ਹੈ। ਕਰਨ ਜੌਹਰ ਨੇ ਆਪਣੇ ਪਿਤਾ ਦਾ ਜੌਹਰ ਦੇ ਨਾਮ ਤੇ ਹੀ ਬੇਟੇ ਦਾ ਨਾਮ ਰੱਖਿਆ ਹੈ।
ਕਰਨ ਜੌਹਰ ਨੇ ਅਪਣੀ ਕਿਤਾਬ ਵਿਚ ਵੀ ਦੱਸਿਆ ਕਿ ਉਹ ਪਿਤਾ ਬਣਨ ਦੀ ਚਾਹਤ ਰੱਖਦੇ ਸਨ ਚਾਹੇ ਉਹ ਗੋਦ ਲੈ ਕੇ ਪੂਰੀ ਹੋਵੇ। ਵਰਕ ਫ੍ਰੰਟ ਦੀ ਗੱਲ ਕਰੀਏ ਤਾਂ ਫਿਲਹਾਲ ਕਰਨ ਜੌਹਰ ਆਪਣੇ 'ਟਾਕ ਸ਼ੋਅ ਕਾਫੀ ਵਿੱਦ ਕਰਨ' ਦੇ ਅਪਕਮਿੰਗ ਸੀਜ ਦੀ ਸ਼ੂਟਿੰਗ ਵਿਚ ਬਿਜੀ ਹਨ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਆਪਣੇ ਅਗਲੇ ਪ੍ਰੋਜੈਕਟ ‘ਤਖ਼ਤ’ ਦਾ ਵੀ ਦਰਸ਼ਕਾਂ ਨਾਲ ਜਿਕਰ ਕੀਤਾ। ਕਰਨ ਜੌਹਰ ਇਸ ਫਿਲਮ ਦਾ ਨਿਰਦੇਸ਼ਨ ਕਰਨਗੇ, ਫਿਲਮ ਵਿਚ ਰਣਵੀਰ ਸਿੰਘ, ਵਿੱਕੀ ਕੌਸ਼ਲ , ਅਨਿਲ ਕਪੂਰ, ਜਾਨਵੀ ਕਪੂਰ , ਕਰੀਨਾ ਕਪੂਰ ਖਾਨ ਅਤੇ ਭੂਮੀ ਪੇਡਨੇਕਰ ਮੁੱਖ ਭੂਮਿਕਾ ਵਿਚ ਹੋਣਗੇ।