ਅਨੰਤ ਅੰਬਾਨੀ-ਰਾਧਿਕਾ ਮਰਚੈਂਟ ਦੀ ਪ੍ਰੀ-ਵੈਡਿੰਗ ਵਿਚ ਲਗਭਗ ਹਰ ਬਾਲੀਵੁੱਡ ਸਿਤਾਰੇ ਨੇ ਸ਼ਿਰਕਤ ਕੀਤੀ ਅਤੇ ਜੋ ਸ਼ਾਮਲ ਨਹੀਂ ਹੋ ਸਕੇ, ਉਨ੍ਹਾਂ ਨੇ ਜੋੜੇ ਲਈ ਤੋਹਫ਼ੇ ਭੇਜੇ।
Anant Ambani Pre-Wedding: ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਦੀ ਪੂਰੀ ਦੁਨੀਆਂ ਵਿਚ ਚਰਚਾ ਹੋਈ। ਸ਼ਾਹਰੁਖ ਖਾਨ, ਆਮਿਰ ਖਾਨ ਅਤੇ ਸਲਮਾਨ ਖਾਨ ਦੇ ਡਾਂਸ ਤੋਂ ਲੈ ਕੇ ਵਿਦੇਸ਼ੀ ਮਹਿਮਾਨਾਂ ਦੀ ਆਮਦ ਤਕ ਲਗਭਗ ਹਰ ਚੀਜ਼ ਨੇ ਲੋਕਾਂ ਦਾ ਧਿਆਨ ਖਿੱਚਿਆ। ਸੋਸ਼ਲ ਮੀਡੀਆ 'ਤੇ ਵੀ ਅੰਬਾਨੀ ਦੀ ਪਾਰਟੀ ਚਰਚਾ ਵਿਚ ਹੈ। ਹੁਣ ਇਸ ਜੋੜੇ ਨੂੰ ਪ੍ਰੀ-ਵੈਡਿੰਗ 'ਚ ਮਿਲਣ ਵਾਲੇ ਤੋਹਫ਼ਿਆਂ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਦੇਸ਼ ਦੇ ਸੱਭ ਤੋਂ ਵੱਡੇ ਉਦਯੋਗਪਤੀ ਮੁਕੇਸ਼ ਅੰਬਾਨੀ ਨੇ ਅਪਣੇ ਛੋਟੇ ਬੇਟੇ ਅਨੰਤ ਅੰਬਾਨੀ ਦੇ ਵਿਆਹ ਤੋਂ ਪਹਿਲਾਂ ਇਕ ਪ੍ਰੀ-ਵੈਡਿੰਗ ਪਾਰਟੀ ਦੀ ਮੇਜ਼ਬਾਨੀ ਕੀਤੀ। ਜਿਥੇ ਬਾਲੀਵੁੱਡ ਸਿਤਾਰਿਆਂ ਦਾ ਮੇਲਾ ਲੱਗਿਆ ਹੋਇਆ ਸੀ। ਇਸ ਤੋਂ ਇਲਾਵਾ ਦੇਸ਼-ਵਿਦੇਸ਼ ਦੀਆਂ ਕਈ ਮਸ਼ਹੂਰ ਹਸਤੀਆਂ ਨੇ ਵੀ ਇਸ ਸਮਾਗਮ ਵਿਚ ਸ਼ਿਰਕਤ ਕੀਤੀ।
ਅੰਬਾਨੀ ਦੀ ਪ੍ਰੀ-ਵੈਡਿੰਗ ਪਾਰਟੀ ਖਤਮ ਹੋ ਗਈ ਹੈ, ਪਰ ਚਰਚਾ ਅਜੇ ਵੀ ਬਰਕਰਾਰ ਹੈ। ਇਸ ਦੌਰਾਨ ਹੁਣ ਅਨੰਤ ਅੰਬਾਨੀ ਅਤੇ ਉਨ੍ਹਾਂ ਦੀ ਹੋਣ ਵਾਲੀ ਦੁਲਹਨ ਰਾਧਿਕਾ ਮਰਚੈਂਟ ਨੂੰ ਪਾਰਟੀ 'ਚ ਮਿਲੇ ਮਹਿੰਗੇ ਤੋਹਫ਼ਿਆਂ ਦੀ ਜਾਣਕਾਰੀ ਸਾਹਮਣੇ ਆਈ ਹੈ। ਅਨੰਤ ਅੰਬਾਨੀ-ਰਾਧਿਕਾ ਮਰਚੈਂਟ ਦੀ ਪ੍ਰੀ-ਵੈਡਿੰਗ ਵਿਚ ਲਗਭਗ ਹਰ ਬਾਲੀਵੁੱਡ ਸਿਤਾਰੇ ਨੇ ਸ਼ਿਰਕਤ ਕੀਤੀ ਅਤੇ ਜੋ ਸ਼ਾਮਲ ਨਹੀਂ ਹੋ ਸਕੇ, ਉਨ੍ਹਾਂ ਨੇ ਜੋੜੇ ਲਈ ਤੋਹਫ਼ੇ ਭੇਜੇ।
ਸ਼ਾਹਰੁਖ ਖ਼ਾਨ ਅਤੇ ਗੌਰੀ
ਬਾਲੀਵੁੱਡ ਦੇ ਕਿੰਗ ਸ਼ਾਹਰੁਖ ਖਾਨ ਗਿਫਟ ਦੇਣ ਦੇ ਮਾਮਲੇ 'ਚ ਵੀ ਬਾਦਸ਼ਾਹ ਸਾਬਤ ਹੋਏ ਹਨ। ਉਨ੍ਹਾਂ ਨੇ ਅਨੰਤ ਅਤੇ ਰਾਧਿਕਾ ਨੂੰ ਸੱਭ ਤੋਂ ਮਹਿੰਗਾ ਤੋਹਫਾ ਦਿਤਾ। ਕਿੰਗ ਖਾਨ ਨੇ ਵਿਆਹ ਤੋਂ ਪਹਿਲਾਂ ਜੋੜੇ ਨੂੰ ਇਕ ਲਗਜ਼ਰੀ ਸਪੋਰਟਸ ਕਾਰ ਦਿਤੀ ਸੀ, ਜਿਸ ਦੀ ਕੀਮਤ 5 ਕਰੋੜ ਰੁਪਏ ਦੱਸੀ ਜਾਂਦੀ ਹੈ।
ਸਲਮਾਨ ਖ਼ਾਨ
ਸਲਮਾਨ ਖਾਨ ਨੇ ਪ੍ਰੀ-ਵੈਡਿੰਗ 'ਚ ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਨਾਲ ਖੂਬ ਮਸਤੀ ਕੀਤੀ। ਪਾਰਟੀ ਵਿਚ ਅਭਿਨੇਤਾ ਨੇ ਲਾੜੇ ਨੂੰ ਫਿਲਿਪ ਬ੍ਰਾਂਡ ਦੀ ਇਕ ਮਹਿੰਗੀ ਕਸਟਮਾਈਜ਼ਡ ਘੜੀ ਅਤੇ ਲਾੜੀ ਨੂੰ ਡਾਇਮੰਡ ਈਅਰ ਰਿੰਗ ਤੋਹਫ਼ੇ ਵਿਚ ਦਿਤੇ।
ਰਣਬੀਰ ਕਪੂਰ- ਆਲੀਆ ਭੱਟ
ਅਨੰਤ ਅੰਬਾਨੀ-ਰਾਧਿਕਾ ਮਰਚੈਂਟ ਦੀ ਪ੍ਰੀ-ਵੈਡਿੰਗ ਪਾਰਟੀ 'ਚ ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਧੀ ਰਾਹਾ ਕਪੂਰ ਨਾਲ ਪਹੁੰਚੇ। ਦੋਵਾਂ ਨੇ ਜੋੜੇ ਨੂੰ ਬਹੁਤ ਮਹਿੰਗਾ ਤੋਹਫਾ ਦਿਤਾ ਹੈ। ਖ਼ਬਰਾਂ ਮੁਤਾਬਕ ਆਲੀਆ ਨੇ ਰਾਧਿਕਾ ਨੂੰ ਗੁਚੀ ਬ੍ਰਾਂਡ ਦਾ ਹੀਰੇ ਨਾਲ ਜੜਿਆ ਪਰਸ ਦਿਤਾ। ਇਸ ਦੌਰਾਨ ਰਣਬੀਰ ਨੇ ਅਨੰਤ ਨੂੰ ਜੌਰਡਨ ਬ੍ਰਾਂਡ ਦੇ ਮਹਿੰਗੇ ਜੁੱਤੇ ਗਿਫਟ ਕੀਤੇ।
ਸਿਧਾਰਥ ਮਲਹੋਤਰਾ-ਕਿਆਰਾ ਅਡਵਾਨੀ
ਕਿਆਰਾ ਅਡਵਾਨੀ ਅਨੰਤ ਅੰਬਾਨੀ ਦੀ ਭੈਣ ਈਸ਼ਾ ਅੰਬਾਨੀ ਦੀ ਬਚਪਨ ਦੀ ਦੋਸਤ ਹੈ। ਅਦਾਕਾਰਾ ਅੰਬਾਨੀ ਪਰਵਾਰ ਦੀ ਲਗਭਗ ਹਰ ਪਾਰਟੀ 'ਚ ਨਜ਼ਰ ਆਉਂਦੀ ਹੈ। ਅਜਿਹੇ 'ਚ ਪ੍ਰੀ-ਵੈਡਿੰਗ 'ਚ ਕੁੱਝ ਖਾਸ ਲਿਆਉਣਾ ਜ਼ਰੂਰੀ ਸੀ। ਖ਼ਬਰਾਂ ਮੁਤਾਬਕ ਕਿਆਰਾ ਅਤੇ ਸਿਧਾਰਥ ਨੇ ਅਨੰਤ ਅਤੇ ਰਾਧਿਕਾ ਨੂੰ ਸੋਨੇ ਅਤੇ ਹੀਰੇ ਦੇ ਬਣੇ ਗਣਪਤੀ-ਲਕਸ਼ਮੀ ਤੋਹਫੇ 'ਚ ਦਿਤੇ।
ਰਣਵੀਰ ਸਿੰਘ-ਦੀਪਿਕਾ ਪਾਦੁਕੋਣ
ਦੀਪਿਕਾ ਪਾਦੂਕੋਣ ਅਤੇ ਰਣਵੀਰ ਸਿੰਘ ਵੀ ਤੋਹਫ਼ੇ ਦੇਣ ਦੇ ਮਾਮਲੇ ਵਿਚ ਪਿੱਛੇ ਨਹੀਂ ਰਹੇ। ਜੇਕਰ ਰੀਪੋਰਟਾਂ ਦੀ ਮੰਨੀਏ ਤਾਂ ਉਨ੍ਹਾਂ ਨੇ ਅਨੰਤ ਅਤੇ ਰਾਧਿਕਾ ਨੂੰ ਲਗਜ਼ਰੀ ਬ੍ਰਾਂਡ ਦਾ ਹੀਰਿਆਂ ਨਾਲ ਜੜੀਆਂ ਘੜੀਆਂ ਦਾ ਸੈੱਟ ਗਿਫਟ ਕੀਤਾ ਹੈ।
ਵਿੱਕੀ ਕੌਸ਼ਲ ਅਤੇ ਕੈਟਰੀਨਾ ਕੈਫ
ਖ਼ਬਰਾਂ ਅਨੁਸਾਰ ਅਦਾਕਾਰ ਵਿੱਕੀ ਕੌਸ਼ਲ ਤੇ ਕੈਟਰੀਨਾ ਕੈਫ ਨੇ ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਨੂੰ ਲਗਜ਼ਰੀ ਬ੍ਰਾਂਡ ਦਾ ਬਰੇਸਲੇਟ ਅਤੇ ਹੀਰੇ ਦਾ ਹਾਰ ਤੋਹਫ਼ੇ 'ਚ ਦਿਤਾ ਹੈ।
ਸ਼ਾਹਿਦ ਕਪੂਰ ਅਤੇ ਮੀਰਾ ਕਪੂਰ
ਇਸ ਸੂਚੀ 'ਚ ਸ਼ਾਹਿਦ ਕਪੂਰ ਅਤੇ ਮੀਰਾ ਕਪੂਰ ਦਾ ਨਾਂਅ ਵੀ ਸ਼ਾਮਲ ਹੈ, ਜਿਨ੍ਹਾਂ ਨੇ ਰਾਧਿਕਾ ਮਰਚੈਂਟ ਨੂੰ ਇਕ ਮਹਿੰਗਾ ਰੂਬੀ ਜੜਿਆ ਹੋਇਆ ਹੀਰੇ ਦਾ ਹਾਰ ਅਤੇ ਅਨੰਤ ਅੰਬਾਨੀ ਨੂੰ ਇਕ ਮਹਿੰਗਾ ਪਰਫਿਊਮ ਗਿਫਟ ਕੀਤਾ ਹੈ।
(For more Punjabi news apart from Anant Ambani Radhika Merchant Expensive Pre Wedding Gifts news, stay tuned to Rozana Spokesman)
