ਫਿਲਮ ਦਾ ਟ੍ਰੇਲਰ ਕੱਲ ਰਿਲੀਜ਼ ਹੋ ਗਿਆ ਹੈ

ਪੰਜਾਬੀ ਗਾਇਕ ਦਿਲਜੀਤ ਦੁਸਾਂਝ ਅਤੇ ਅਦਾਕਾਰ ਨੀਰੂ ਬਾਜਵਾ ਨੇ ਆਪਣੀ ਆਉਣ ਵਾਲੀ ਫ਼ਿਲਮ 'ਛੜਾ' ਦਾ ਪਹਿਲਾ ਪੋਸਟਰ 18 ਮਈ ਨੂੰ ਰਿਲੀਜ਼ ਕੀਤਾ ਸੀ ਅਤੇ ਨਾਲ ਹੀ ਉਹਨਾਂ ਨੇ ਫਿਲਮ ਦੇ ਟ੍ਰੇਲਰ ਨੂੰ ਰਿਲੀਜ਼ ਕਰਨ ਦੀ ਮਿਤੀ ਵੀ ਐਲਾਨ ਕੀਤੀ ਸੀ ਜੋ ਕਿ 20 ਮਈ ਸੀ। ਹੁਣ ਫਿਲਮ ਦਾ ਟ੍ਰੇਲਰ ਕੱਲ ਰਿਲੀਜ਼ ਹੋ ਗਿਆ ਹੈ। 'ਛੜਾ' ਫ਼ਿਲਮ ਦਾ ਟ੍ਰੇਲਰ ਕਮੇਡੀ ਭਰਪੂਰ ਹੈ ਅਤੇ ਟ੍ਰੇਲਰ ਵਿਚ ਦਿਲਜੀਤ ਦੁਸਾਂਝ ਤੇ ਨੀਰੂ ਬਾਜਵਾ ਦੀ ਨੋਕ-ਝੋਕ ਦੇਖਣ ਨੂੰ ਮਿਲ ਰਹੀ ਹੈ।

Shadaa Movie By Diljit Dosanjh

ਫ਼ਿਲਮ ਦਾ ਟ੍ਰੇਲਰ ਵਾਕਏ ਹੀ ਢਿੱਡੀ ਪੀੜਾਂ ਪਾਉਣ ਵਾਲਾ ਹੈ ਟ੍ਰੇਲਰ ਦੇਖ ਕੇ ਦਰਸ਼ਕਾਂ ਦਾ ਹਾਸਾ ਕੰਟਰੋਲ ਨਹੀਂ ਹੋਵੇਗਾ। ਇਸ ਫ਼ਿਲਮ ਦੇ ਟ੍ਰੇਲਰ ਵਿਚ ਨੌਜਵਾਨਾਂ ਵੱਲੋਂ ਵਿਆਹ ਨਾ ਕਰਵਾਉਣ ਦੇ ਫੈਸਲੇ ਨੂੰ ਬਹੁਤ ਸ਼ਾਨਦਾਰ ਤਰੀਕੇ ਨਾਲ ਦਰਸਾਇਆ ਗਿਆ ਹੈ। ਟ੍ਰੇਲਰ ਤਿੰਨ ਮਿੰਟ 22 ਸੈਕਿੰਡ ਦਾ ਹੈ ਜਿਸ ਵਿਚ ਇਕੱਲੇਪਣ, ਪਿਆਰ, ਵਿਆਹ ਦੇ ਸਾਰੇ ਰੰਗ ਪੇਸ਼ ਕੀਤੇ ਗਏ ਹਨ।

https://t.co/Vd0fv4vumo

SHADI - Budi Di Life ch Bande di Uni hee Zarurat aa Jini Machi ? Nu Cycle ? Di..

SHADAA - Bande Di Life ch V Budi Di Oni Hee Zarurat aa Jini Daddu ? Nu Rajai Di..

P.S - Dekho Japani Viah Kion Ni Kara Rahe ?
TRAILER OUT NOW ? SHARE , LIKE , LAUGH

— DILJIT DOSANJH (@diljitdosanjh) May 21, 2019

ਇਸ ਤੋਂ ਇਲਾਵਾ ਇਸ ਫ਼ਿਲਮ ਦੀ ਟੈਗ ਲਾਈਨ ਬਹੁਤ ਢੁੱਕਵੀ ਅਤੇ ਮਜ਼ੇਦਾਰ ਹੈ ''ਕੁੱਤਾ ਹੋਵੇਗਾ ਜਿਹੜਾ ਵਿਆਹ ਕਰਾਵੇਗਾ''। ''ਜੱਟ ਐਂਡ ਜੂਲੀਅਟ'' ਫ਼ਿਲਮ ਤੋਂ ਬਾਅਦ ਨੀਰੂ ਬਾਜਵਾ ਅਤੇ ਦਿਲਜੀਤ ਫ਼ਿਲਮ 'ਛੜਾ' ਦੌਰਾਨ 4 ਸਾਲ ਬਾਅਦ ਇਕੱਠੇ ਨਜ਼ਰ ਆਉਣਗੇ। ਇਸ ਫ਼ਿਲਮ ਨੂੰ ਜਗਦੀਪ ਸਿੱਧੂ ਨੇ ਲਿਖਿਆ ਤੇ ਡਾਇਰੈਕਟ ਕੀਤਾ ਹੈ। ਅਤੁਲ ਭੱਲਾ, ਅਮਿਤ ਭੱਲਾ, ਅਨੁਰਾਗ ਸਿੰਘ, ਅਮਨ ਗਿੱਲ ਤੇ ਪਵਨ ਗਿੱਲ ਨੇ ਫ਼ਿਲਮ ਨੂੰ ਪ੍ਰੋਡਿਊਸ ਕੀਤਾ ਹੈ। 'ਛੜਾ' ਫ਼ਿਲਮ 21 ਜੂਨ ਨੂੰ ਰਿਲੀਜ਼ ਹੋਵੇਗੀ।