ਇਸ ਦੀਆਂ ਤਸਵੀਰਾਂ ਸੰਦੀਪ ਤੂਰ ਨੇ ਇਕ ਵੀਡੀਉ ਰਾਹੀਂ...
ਮੋਗਾ: ਟਿਕ ਟੋਕ ਸਟਾਰ ਨੂਰ ਬਾਰੇ ਦੱਸ ਦੇਈਏ ਕਿ ਟਿਕ ਟੋਕ ਨੂਰ ਅੱਜ ਕੱਲ੍ਹ ਸਭ ਥਾਈਂ ਛਾਈ ਹੋਈ ਹੈ। ਉਸ ਨੇ ਅਪਣੀਆਂ ਮਜ਼ਾਕੀਆ ਵੀਡੀਉਜ਼ ਨਾਲ ਲੋਕਾਂ ਨੂੰ ਹਸਾ ਹਸਾ ਕੇ ਲੋਕਾਂ ਦੇ ਦਿਲ ਜਿੱਤ ਲਏ ਹਨ। ਦੱਸ ਦਈਏ ਕਿ ਨੂਰ ਦੇ ਘਰ ਦਾ ਨੀਂਹ ਪੱਥਰ ਰੱਖ ਦਿੱਤਾ ਗਿਆ ਤੇ ਨੂਰ ਦੇ ਸੁਪਨਿਆਂ ਦਾ ਘਰ ਲਗਭਗ ਬਣ ਹੀ ਗਿਆ ਹੈ।
ਇਸ ਦੀਆਂ ਤਸਵੀਰਾਂ ਸੰਦੀਪ ਤੂਰ ਨੇ ਇਕ ਵੀਡੀਉ ਰਾਹੀਂ ਸਾਂਝੀਆਂ ਕੀਤੀਆਂ ਹਨ। ਇਸ ਵੀਡੀਉ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਨੂਰ ਦੇ ਘਰ ਦਾ ਲੈਂਟਰ ਪੈ ਚੁੱਕਾ ਹੈ ਤੇ ਹੁਣ ਬਸ ਥੋੜੀ ਹੀ ਤਿਆਰੀ ਰਹਿ ਗਈ ਹੈ। ਉਹਨਾਂ ਨੇ ਲੋਕਾਂ ਨੂੰ ਵੀ ਅਪੀਲ ਕੀਤੀ ਕਿ ਉਹ ਬਾਬਾ ਜਸਦੀਪ ਸਿੰਘ ਦਾ ਸਾਥ ਦੇਣ ਤਾਂ ਜੋ ਉਹ ਹੋਰ ਲੋਕਾਂ ਦੀ ਮਦਦ ਕਰ ਸਕਣ।
ਇਸ ਤੋਂ ਇਲਾਵਾ ਇਕ ਬੱਚੀ ਜੋ ਕਿ ਦਸਤਾਰ ਸਜਾ ਕੇ ਪਾਪੜ ਵੇਚਦੀ ਸੀ ਉਸ ਦਾ ਘਰ ਬਣਾਉਣ ਦਾ ਵੀ ਫ਼ੈਸਲਾ ਕੀਤਾ ਹੈ। ਉਹ ਜਗਾਦਰੀ ਤੋਂ ਇੰਦਰਜੀਤ ਸਿੰਘ ਸਿੱਧੂ ਜੋ ਕੇ ਯੂਐਸਏ ਵਿਚ ਰਹਿੰਦੇ ਹਨ ਦਾ ਧੰਨਵਾਦ ਕਰਦੇ ਹਨ ਉਹਨਾਂ ਨੇ ਸੰਦੀਪ ਤੂਰ ਤੇ ਵਰੁਣ ਬਿੰਡਰ ਨੂੰ ਆਈਫੋਨ 11 ਪ੍ਰੋ ਮੈਕਸ ਲੈ ਕੇ ਦਿੱਤਾ ਹੈ।
ਪਿੰਡ ਦੇ ਕਬੱਡੀ ਖਿਡਾਰੀ ਸਰਦਾਰ ਬਲਜਿੰਦਰ ਸਿੰਘ ਯੂ ਕੇ ਤੋਂ ਜਿਹਨਾਂ ਨੇ ਨੂਰ ਦੀ ਟੀਮ ਨੂੰ 30 ਹਜ਼ਾਰ ਰੁਪਏ ਭੇਜੇ ਹਨ। ਉਹਨਾਂ ਨੇ ਫੈਨਜ਼ ਦਾ ਵੀ ਧੰਨਵਾਦ ਕੀਤਾ ਕਿ ਉਹਨਾਂ ਦੀ ਸਪੋਰਟ ਨਾਲ ਹੀ ਉਹ ਇੱਥੇ ਤਕ ਪਹੁੰਚੇ ਹਨ ਤੇ ਨੂਰ ਦਾ ਘਰ ਤਿਆਰ ਹੋ ਰਿਹਾ ਹੈ। ਉਹ ਜਿੰਨੇ ਗਰੀਬ ਹਨ ਸ਼ਾਇਦ ਹੀ ਘਰ ਬਣ ਪਾਉਂਦਾ ਪਰ ਲੋਕਾਂ ਦੀ ਸਪੋਰਟ ਸਦਕਾ ਹੀ ਅਜਿਹਾ ਸੰਭਵ ਹੋ ਸਕਿਆ ਹੈ।
ਇਸ ਤੋਂ ਇਲਾਵਾ ਉਹਨਾਂ ਨੇ ਬਾਬ ਜਸਦੀਪ ਸਿੰਘ ਜੀ ਦਾ ਵੀ ਬਹੁਤ ਧੰਨਵਾਦ ਕੀਤਾ ਕਿ ਉਹਨਾਂ ਨੇ ਘਰ ਬਣਾਉਣ ਦਾ ਬੀੜਾ ਚੁੱਕਿਆ। ਉਹਨਾਂ ਵਰਗਾ ਦੁਨੀਆ ਤੇ ਕੋਈ ਬੰਦਾ ਨਹੀਂ ਹੋਣਾ ਜਿਹਨਾਂ ਦੀ ਨੂਰ ਨੂੰ ਬਹੁਤ ਵੱਡੀ ਦੇਣ ਹੈ। ਉਹਨਾਂ ਕਿਹਾ ਕਿ ਪ੍ਰਮੋਸ਼ਨ ਕਰਨ ਲਈ ਪੈਸੇ ਨਹੀਂ ਲੈਂਦੇ ਕਿਉਂ ਕਿ ਚੰਗੀ ਚੀਜ਼ ਨੂੰ ਉਹ ਆਪ ਹੀ ਪ੍ਰਮੋਟ ਕਰਨਗੇ।
ਜੇ ਕਿਸੇ ਨੇ ਮਸ਼ਹੂਰ ਹੋਣਾ ਹੋਵੇ ਤਾਂ ਅਪਣਾ ਟੈਲੇਂਟ ਦਿਖਾਉਣਾ ਪਵੇਗਾ ਤਾਂ ਹੀ ਦੁਨੀਆ ਦਾ ਦਿਲ ਜਿੱਤਿਆ ਜਾ ਸਕਦਾ ਹੈ। ਜੋ ਨੂਰ ਨੂੰ ਮਿਲਣ ਆਉਂਦੇ ਹਨ ਉਹਨਾਂ ਨੂੰ ਸੰਦੀਪ ਤੂਰ ਨੇ ਕਿਹਾ ਕਿ ਉਹ ਇਕ ਸਮਾਂ ਬੰਨ੍ਹ ਲੈਣ ਉਸ ਸਮੇਂ ਹੀ ਮਿਲਣ ਆਇਆ ਕਰਨ। ਕਿਉਂ ਕਿ ਦੁਪਹਿਰ ਵੇਲੇ ਵੀ ਬੱਚਾ ਸੁੱਤਾ ਹੁੰਦਾ ਹੈ। ਇਸ ਲਈ ਇਸ ਗੱਲ ਦਾ ਧਿਆਨ ਰੱਖਿਆ ਜਾਵੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।