ਵਿਦੇਸ਼ ਵਿਚ ਹੋਏ ਗਗਨ ਕੋਕਰੀ ਦੇ ਚਰਚੇ
ਜਲੰਧਰ: ਗਗਨ ਕੋਕਰੀ ਉਹ ਪੰਜਾਬੀ ਗਾਇਕ ਤੇ ਅਦਾਕਾਰ ਹੈ ਜੋ ਰਾਤੋ ਰਾਤ ਸਟਾਰ ਨਹੀਂ ਬਣਿਆ ਬਲਕਿ ਉਸ ਨੂੰ ਮਨੋਰੰਜਨ ਜਗਤ ਵਿਚ ਦਾਖਲ ਹੋਣ ਲਈ ਹੀ ਕਈ ਤਰ੍ਹਾਂ ਦੇ ਪਾਪੜ ਵੇਲਣੇ ਪਏ। ਉਸ ਦੇ ਟੈਕਸੀ ਡਰਾਈਵਰ ਗਗਨ ਸੰਧੂ ਤੋਂ ਗਾਇਕ ਗਗਨ ਕੋਕਰੀ ਬਣਨ ਤਕ ਦਾ ਸਫ਼ਰ ਦਿਲਚਸਪ ਹੈ। ਉਹ ਇਸ ਵੇਲੇ ਪੰਜਾਬੀ ਦਾ ਸਫਲ ਗਾਇਕ, ਅਦਾਕਾਰ ਤੇ ਬਿਜ਼ਨਸਮੈਨ ਹੈ।
Gagan Kokri ਪੰਜਾਬੀ ਸਟਾਰਸ ਦੁਨੀਆਂ ਦੇ ਜਿਹੜੇ ਵੀ ਕੋਨੇ 'ਚ ਚਲੇ ਜਾਣ ਪਰ ਆਪਣੀ ਸਾਦਗੀ ਅਤੇ ਪੰਜਾਬੀ ਸਹਿਜ ਸੁਭਾਅ ਹਮੇਸ਼ਾ ਨਾਲ ਰੱਖਦੇ ਹਨ। ਗਗਨ ਕੋਕਰੀ ਸਾਦਗੀ ਪਸੰਦ ਗਾਇਕ ਹੈ, ਜਿੰਨ੍ਹਾਂ ਦੇ ਗੀਤਾਂ ਅਤੇ ਫਿਲਮਾਂ 'ਚ ਵੀ ਆਮ ਪੰਜਾਬੀ ਗੱਭਰੂ ਮੁਟਿਆਰਾਂ ਦੀ ਗੱਲ ਹੁੰਦੀ ਸੁਣਾਈ ਦਿੰਦੀ ਹੈ। ਖੁਦ ਵੀ ਗਗਨ ਕੋਕਰੀ ਜ਼ਮੀਨ ਨਾਲ ਜੁੜੇ ਹੋਏ ਇਨਸਾਨ ਹਨ, ਜਿਸ ਦਾ ਸਬੂਤ ਦਿੰਦਾ ਹੈ ਹਾਲ ਹੀ 'ਚ ਸਾਹਮਣੇ ਆਇਆ ਉਨ੍ਹਾਂ ਦਾ ਵੀਡੀਓ।
ਇਸ ਵੀਡੀਓ 'ਚ ਗਗਨ ਕੋਕਰੀ ਜਲੇਬੀਆਂ ਕੱਢਦੇ ਹੋਏ ਨਜ਼ਰ ਆ ਰਹੇ ਹਨ। ਵੀਡੀਓ ਪੰਜਾਬ ਦਾ ਨਹੀਂ ਸਗੋਂ ਵਿਨੀਪੈੱਗ ਦਾ ਹੈ, ਜਿੱਥੇ ਗਗਨ ਕੋਕਰੀ ਇਹ ਕੰਮ ਕਰ ਰਹੇ ਹਨ। ਗਗਨ ਕੋਕਰੀ ਜ਼ਮੀਨ 'ਤੇ ਬੈਠ ਕਿਸੇ ਹਲਵਾਈ ਦੀ ਹੀ ਤਰ੍ਹਾਂ ਜਲੇਬੀਆਂ ਬਣਾ ਰਹੇ ਹਨ। ਵੀਡੀਓ ਬਣਾ ਰਿਹਾ ਵਿਅਕਤੀ ਕਹਿੰਦਾ ਸੁਣਾਈ ਦੇ ਰਿਹਾ ਹੈ ਕਿ ਇਹ ਕੋਕਰੀ ਦਾ ਹਲਵਾਈ ਉਨ੍ਹਾਂ ਨੇ 5000 ਹਜ਼ਾਰ 'ਤੇ ਰੱਖਿਆ ਹੈ।
Gagan Kokri ਗਗਨ ਕੋਕਰੀ ਜਿਹੜੇ ਆਪਣੇ ਗੀਤਾਂ ਦੇ ਚਲਦੇ ਨੌਜਵਾਨਾਂ ਦੀ ਪਹਿਲੀ ਪਸੰਦ ਬਣੇ ਹੋਏ ਹਨ। ਗਗਨ ਕੋਕਰੀ 'ਗੱਲਬਾਤ', 'ਬਲੈਸਿੰਗ ਆਫ ਰੱਬ', 'ਬਲੈਸਿੰਗ ਆਫ ਬੇਬੇ', 'ਬਲੈਸਿੰਗ ਆਫ ਬਾਪੂ', 'ਜ਼ਿਮੀਦਾਰ ਜੱਟੀਆਂ' ਆਦਿ ਵਰਗੇ ਕਈ ਹਿੱਟ ਗੀਤ ਦੇ ਚੁੱਕੇ ਹਨ। ਗੀਤਾਂ ਤੋਂ ਇਲਾਵਾ ਗਗਨ 'ਲਾਟੂ' ਅਤੇ 'ਯਾਰਾ ਵੇ' ਵਰਗੀਆਂ ਪੰਜਾਬੀਆਂ ਫਿਲਮਾਂ 'ਚ ਅਦਾਕਾਰੀ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤ ਚੁੱਕੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
