ਮਸ਼ਹੂਰ ਗਾਇਕ ਸਿੱਧੂ ਮੂਸੇਵਾਲਾ ਦੇ ਪਿੰਡ ਮੂਸਾ 'ਚ ਡਾਕ ਰਾਹੀਂ ਆਇਆ ਪ੍ਰਸ਼ਾਦ ਖਾਣ ਨਾਲ ਕਈ ਲੋਕ ਬਿਮਾਰ ਹੋ ਗਏ। ਇਹ ਪ੍ਰਸ਼ਾਦ ਕਿੱਥੋਂ
ਮਾਨਸਾ : ਮਸ਼ਹੂਰ ਗਾਇਕ ਸਿੱਧੂ ਮੂਸੇਵਾਲਾ ਦੇ ਪਿੰਡ ਮੂਸਾ 'ਚ ਡਾਕ ਰਾਹੀਂ ਆਇਆ ਪ੍ਰਸ਼ਾਦ ਖਾਣ ਨਾਲ ਕਈ ਲੋਕ ਬਿਮਾਰ ਹੋ ਗਏ। ਇਹ ਪ੍ਰਸ਼ਾਦ ਕਿੱਥੋਂ ਆਇਆ ਅਤੇ ਕਿਸ ਨੇ ਭੇਜਿਆ, ਇਸ ਦਾ ਪਤਾ ਨਹੀਂ ਲੱਗ ਸਕਿਆ ਹੈ। ਮਾਨਸਾ ਦੇ ਥਾਣਾ ਸਦਰ ਦੀ ਪੁਲਿਸ ਨੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਿੰਡ ਮੂਸਾ ਵਿਚ ਮੰਗਲਵਾਰ ਸਵੇਰੇ ਡਾਕੀਏ ਗੁਰਦੀਪ ਸਿੰਘ ਨੇ ਪਿੰਡ ਦੇ ਕੁਝ ਲੋਕਾਂ ਨੂੰ ਡਾਕ ਰਾਹੀਂ ਆਏ ਪ੍ਰਸ਼ਾਦ ਦੇ 15 ਪੈਕਟ ਵੰਡੇ।
Village Musa
ਇਸ ਪੈਕਟ 'ਤੇ ਪ੍ਰਸ਼ਾਦ ਹੋਣ ਦੀ ਸੂਚਨਾ ਵੀ ਲਿਖੀ ਹੋਈ ਸੀ ਅਤੇ ਦੱਸਿਆ ਗਿਆ ਸੀ ਕਿ ਇਸ ਵਿਚਲਾ ਭੋਗ 19 ਨਵੰਬਰ ਨੂੰ ਆਰਤੀ ਕਰ ਕੇ ਵੰਡਿਆ ਜਾਵੇਗਾ।ਇਸ ਲਈ ਜਿਸ ਨੂੰ ਵੀ ਇਹ ਪੈਕਟ ਮਿਲੇ, ਉਹ ਸਵੇਰੇ 7. 20 'ਤੇ ਮੰਗਲਵਾਰ ਨੂੰ ਭੋਗ ਲਾਵੇ ਅਤੇ ਅਰਦਾਸ ਸਮੇਂ ਉਸ ਦਾ ਨਾਮ ਲਿਆ ਜਾਵੇਗਾ। ਡਾਕ ਵਿਚਲੇ ਪੱਤਰ ਉੱਪਰ ਭੇਜਣ ਵਾਲੇ ਦਾ ਨਾਂ 'ਸੰਤ ਹਰ ਕਾ ਦਾਸ, ਸਭ ਕਾ ਦਾਸ' ਲਿਖਿਆ ਹੋਇਆ ਹੈ। ਇਹ ਪ੍ਰਸ਼ਾਦ ਕੁਝ ਵਿਅਕਤੀਆਂ ਨੇ ਖਾ ਲਿਆ ਅਤੇ ਉਨ੍ਹਾਂ ਦਾ ਸਿਰ ਚਕਰਾਉਣ ਲੱਗ ਪਿਆ।
Village Musa
ਪਿੰਡ ਵਾਸੀਆਂ ਮੁਤਾਬਕ ਉਹ ਪ੍ਰਸ਼ਾਦ ਖਾਣ ਮਗਰੋਂ ਬਿਮਾਰ ਹੋ ਗਏ ਅਤੇ ਦਵਾਈ ਲੈਣ ਮਗਰੋਂ ਹੀ ਕੁਝ ਠੀਕ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਇਸ ਪ੍ਰਸ਼ਾਦ ਵਿਚ ਕੋਈ ਜ਼ਹਿਰੀਲੀ ਚੀਜ਼ ਮਿਲੇ ਹੋਣ ਦਾ ਸ਼ੱਕ ਹੈ। ਉਨ੍ਹਾਂ ਅਨੁਸਾਰ ਕਰੀਬ ਛੇ ਪੈਕਟ ਪ੍ਰਸ਼ਾਦ ਵਜੋਂ ਵਰਤੇ ਗਏ ਅਤੇ ਕੁਝ ਪੈਕਟ ਨੇੜਲੇ ਪਿੰਡ ਕਰਮਗੜ੍ਹ, ਔਤਾਂਵਾਲੀ ਅਤੇ ਭੈਣੀਬਾਘਾ ਵਿਚ ਵੀ ਵੰਡੇ ਗਏ ਹਨ। ਮਗਰੋਂ ਪਿੰਡ ਦੇ ਗੁਰਦੁਆਰੇ ਦੇ ਗ੍ਰੰਥੀ ਨੇ ਸਪੀਕਰ ਰਾਹੀਂ ਇਹ ਪ੍ਰਸ਼ਾਦ ਨਾ ਖਾਣ ਸਬੰਧੀ ਅਨਾਊਂਸਮੈਂਟ ਵੀ ਕੀਤੀ।
Village Musa
ਕੀ ਕਹਿਣਾ ਹੈ ਪੈਕਟ ਵੰਡਣ ਵਾਲੇ ਡਾਕੀਏ ਦਾ
ਡਾਕੀਏ ਗੁਰਦੀਪ ਸਿੰਘ ਨੇ ਦੱਸਿਆ ਕਿ ਉਸ ਨੇ ਖ਼ੁਦ ਪ੍ਰਸ਼ਾਦ ਖਾਧਾ ਅਤੇ ਬਿਮਾਰ ਹੋ ਗਿਆ। ਇਹ ਪ੍ਰਸ਼ਾਦ ਕਿਸ ਵੱਲੋਂ ਭੇਜਿਆ ਗਿਆ, ਇਸ ਬਾਰੇ ਉਸ ਨੂੰ ਕੋਈ ਜਾਣਕਾਰੀ ਨਹੀਂ ਹੈ ਅਤੇ ਪੈਕਟਾਂ ਵਿਚ ਪ੍ਰਸ਼ਾਦ ਹੈ, ਇਸ ਦਾ ਪਤਾ ਵੀ ਲੋਕਾਂ ਵੱਲੋਂ ਪੈਕਟ ਖੋਲ੍ਹਣ ਮਗਰੋਂ ਲੱਗਿਆ। ਉਨ੍ਹਾਂ ਕਿਹਾ ਕਿ ਲਿਖੇ ਪਤਿਆਂ ਅਨੁਸਾਰ ਹੀ ਇਹ ਪੈਕਟ ਡਿਊਟੀ ਮੁਤਾਬਕ ਦਿੱਤੇ ਗਏ ਹਨ।
Village Musa
ਕੀ ਕਹਿਣਾ ਹੈ ਐੱਸ. ਐੱਸ. ਪੀ
ਮਾਨਸਾ ਦੇ ਐੱਸ. ਐੱਸ. ਪੀ. ਡਾ. ਨਰਿੰਦਰ ਭਾਰਗਵ ਨੇ ਦੱਸਿਆ ਕਿ ਮਾਨਸਾ ਸਦਰ ਥਾਣਾ ਪੁਲਿਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਦਰਜ ਕਰਕੇ ਪ੍ਰਸ਼ਾਦ ਦੇ ਸਾਰੇ ਪੈਕਟ ਕਬਜ਼ੇ ਵਿਚ ਲੈ ਲਏ ਗਏ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
