ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਜਿਸ ਵਿਅਕਤੀ ਦੀ ਕੁੱਟਮਾਰ ਕੀਤੀ ਗਈ ਹੈ ਉਹ ਭਾਜਪਾ ਨੇਤਾ ਨਹੀਂ ਬਲਕਿ ਦਿੱਲੀ ਦਾ ਰਹਿਣ ਵਾਲਾ ਅਰੁਣ ਕੁਮਾਰ ਹੈ।
ਰੋਜ਼ਾਨਾ ਸਪੋਕਸਮੈਨ (ਮੋਹਾਲੀ ਟੀਮ) - ਸ਼ੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਇਹ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਕਿਸਾਨ ਅੰਦੋਲਨ ਵਿਚ ਪਾਕਿਸਤਾਨ ਜ਼ਿੰਦਾਬਾਦ ਦੇ ਨਾਅਰੇ ਲਗਾਉਣ ਕਰ ਕੇ ਭਾਜਪਾ ਨੇਤਾ ਦੀ ਕਿਸਾਨਾਂ ਵੱਲੋਂ ਕੁੱਟਮਾਰ ਕੀਤੀ ਗਈ।
ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਜਿਸ ਵਿਅਕਤੀ ਦੀ ਕੁੱਟਮਾਰ ਕੀਤੀ ਗਈ ਹੈ ਉਹ ਭਾਜਪਾ ਨੇਤਾ ਨਹੀਂ ਬਲਕਿ ਦਿੱਲੀ ਦਾ ਰਹਿਣ ਵਾਲਾ ਅਰੁਣ ਕੁਮਾਰ ਹੈ।
ਵਾਇਰਲ ਪੋਸਟ ਦਾ ਦਾਅਵਾ
ਟਵਿੱਟਰ ਯੂਜ਼ਰ Tabish Khan ਨੇ ਵਾਇਰਲ ਵੀਡੀਓ 16 ਦਸੰਬਰ ਨੂੰ ਭਾਰਤ ਸਮਾਚਾਰ ਦੀ ਇਕ ਵੀਡੀਓ ਅਪਲੋਡ ਕੀਤੀ ਸੀ ਤੇ ਕੈਪਸ਼ਨ ਵਿਚ ਲਿਖਿਆ ਸੀ #किसान आंदोलन में शामिल होकर #पाकिस्तान #जिन्दाबाद के नारे लगते "#भाजपा नेता #उमेश सिंह" को किसानों ने पकड़कर #जूतों से मारा, किसना आंदोलन को #बदनाम करने की साज़िश कर रही है #भाजपा सरकार'' ਇਸ ਵੀਡੀਓ ਨੂੰ ਹੋਰ ਵੀ ਕਈ ਯੂਜ਼ਰਸ ਨੇ ਫਰਜ਼ੀ ਦਾਅਵੇ ਨਾਲ ਸ਼ੇਅਰ ਕੀਤਾ ਹੈ।
ਸਪੋਕਸਮੈਨ ਵੱਲੋਂ ਕੀਤੀ ਪੜਤਾਲ
ਸਭ ਤੋਂ ਪਹਿਲਾਂ ਅਸੀਂ ਵਾਇਰਲ ਵੀਡੀਓ ਨਾਲ ਦੀਆਂ ਹੋਰ ਵੀ ਵੀਡੀਓਜ਼ ਲੱਭਣ ਦੀ ਕੋਸ਼ਿਸ਼ ਕੀਤੀ ਤਾਂ ਸਾਨੂੰ ਇਹ ਵਾਇਰਲ ਵੀਡੀਓ ਭਾਰਤ ਸਮਾਚਾਰ ਦੇ ਟਵਿੱਟਰ ਹੈਂਡਲ 'ਤੇ 14 ਦਸੰਬਰ ਨੂੰ ਅਪਲੋਡ ਕੀਤੀ ਹੋਈ ਮਿਲੀ ਜਿਸ ਦੀ ਡਿਸਕਰਿਪਸ਼ਨ ਵਿਚ ਲਿਖਿਆ ਸੀ ਕਿ “#Ghaziabad धरने पर आए किसानों ने शख्स को पीटा , मीडिया में इंटरव्यू देने पर की गई पिटाई , दिल्ली निवासी शख्स को किसानों ने पीटा , अरूण नाम के शख्स की जमकर पिटाई, पिटाई का वीडियो हो रहा जमकर वायरल, दिल्ली यूपी बॉर्डर पर किसानों ने की पिटाई.।
#Ghaziabad ||
— भारत समाचार (@bstvlive) December 14, 2020
➡धरने पर आए किसानों ने शख्स को पीटा
➡मीडिया में इंटरव्यू देने पर की गई पिटाई
➡दिल्ली निवासी शख्स को किसानों ने पीटा
➡अरूण नाम के शख्स की जमकर पिटाई
➡पिटाई का वीडियो हो रहा जमकर वायरल
➡दिल्ली यूपी बॉर्डर पर किसानों ने की पिटाई.@ghaziabadpolice pic.twitter.com/RCFvYRxvif
ਇਸ ਵਾਇਰਲ ਵੀਡੀਓ ਬਾਰੇ ਅਸੀਂ ਭਾਜਪਾ ਦੇ ਬੁਲਾਰੇ ਤੇਜਿੰਦਰ ਪਾਲ ਸਿੰਘ ਨਾਲ ਗੱਲਬਾਤ ਕੀਤੀ ਤਾਂ ਉਹਨਾਂ ਦੱਸਿਆ ਕਿ ਉਮੇਸ਼ ਸਿੰਘ ਨਾਮ ਦਾ ਕੋਈ ਵੀ ਲੀਡਰ ਭਾਜਪਾ ਨਾਲ ਸਬੰਧ ਨਹੀਂ ਰੱਖਦਾ ਤੇ ਹਾਲ ਹੀ ਵਿਚ ਕਿਸੇ ਵੀ ਭਾਜਪਾ ਲੀਡਰ ਨੇ ਕਿਸਾਨ ਅੰਦੋਲਨ ਵਿਚ ਸ਼ਿਰਕਤ ਨਹੀਂ ਕੀਤੀ ਤੇ ਨਾ ਹੀ ਕਿਸੇ ਵੀ ਲੀਡਰ ਨਾਲ ਅਜਿਹੀ ਕੋਈ ਕੁੱਟਮਾਰ ਦੀ ਘਟਨਾ ਵਾਪਰੀ ਹੈ।
ਵੀਡੀਓ ਦੀ ਡਿਸਕਰਿਪਸ਼ਨ ਮੁਤਾਬਿਕ ਇਹ ਵੀਡੀਓ ਦਿੱਲੀ ਯੂਪੀ ਬਾਰਡਰ ਦੀ ਹੈ ਅਤੇ ਜਿਸ ਵਿਅਕਤੀ ਦੀ ਕੁੱਟਮਾਰ ਹੋਈ ਹੈ ਉਸ ਦਾ ਨਾਮ ਅਰੁਣ ਹੈ ਤੇ ਉਹ ਦਿੱਲੀ ਦਾ ਰਹਿਣ ਵਾਲਾ ਹੈ ਨਾ ਕਿ ਉਮੇਸ਼ ਸਿੰਘ। ਉਸ ਵਿਅਕਤੀ ਦੀ ਕੁੱਟਮਾਰ ਮੀਡੀਆ ਨੂੰ ਇੰਟਰਵਿਊ ਦੇਣ ਕਰ ਕੇ ਕੀਤੀ ਗਈ ਸੀ। ਇਸ ਤੋਂ ਬਾਅਦ ਅਸੀਂ ਵਾਇਰਲ ਵੀਡੀਓ ਦੇ ਦਾਅਵੇ ਮੁਤਾਬਿਕ ਉਮੇਸ਼ ਸਿੰਘ ਨਾਮ ਦੇ ਭਾਜਪਾ ਨੇਤਾ ਬਾਰੇ ਸਰਚ ਕਰਨ ਦੀ ਕੋਸ਼ਿਸ਼ ਕੀਤੀ। ਅਸੀਂ Myneta.info 'ਤੇ Umesh Singh BJP ਸਰਚ ਕੀਤਾ ਤਾਂ ਸਾਨੂੰ ਉਮੇਸ਼ ਸਿੰਘ ਨਾਮ ਦਾ ਕੋਈ ਵੀ ਭਾਜਪਾ ਨੇਤਾ ਨਹੀਂ ਮਿਲਿਆ।
ਨਤੀਜਾ - ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਵੀਡੀਓਵਿਚ ਕੀਤਾ ਗਿਆ ਦਾਅਵਾ ਗਲਤ ਹੈ ਵੀਡੀਓ ਵਿਚ ਜਿਸ ਵਿਅਕਤੀ ਦੀ ਕੁੱਟਮਾਰ ਕੀਤੀ ਗਈ ਹੈ ਉਸ ਦਾ ਭਾਜਪਾ ਨਾਲ ਕੋਈ ਸਬੰਧ ਨਹੀਂ ਹੈ ਤੇ ਉਸ ਵਿਅਕਤੀ ਦੀ ਕੁੱਟਮਾਰ ਮੀਡੀਆ ਨੂੰ ਗਲਤ ਸਟੇਟਮੈਂਟ ਦੇਣ ਕਰ ਕੇ ਕੀਤੀ ਗਈ ਸੀ ਨਾ ਕਿ ਪਾਕਿਸਤਾਨ ਜ਼ਿੰਦਾਬਦ ਬੋਲਣ ਕਰ ਕੇ।
Claimed By - Tabish Khan
Claim - ਫਰਜ਼ੀ
