ਸਮਾਰਟ ਤਰੀਕੇ ਨਾਲ ਕਰੋ ਘਰ ਦੀ ਸਫ਼ਾਈ
Published : Aug 20, 2020, 3:29 pm IST
Updated : Aug 20, 2020, 3:29 pm IST
SHARE ARTICLE
File Photo
File Photo

ਕੋਰੋਨਾ ਵਾਇਰਸ ਦੇ ਵਧਦੇ ਕੇਸ ਲੋਕਾਂ ਦੇ ਦਿਲ 'ਚ ਡਰ ਵਧਾ ਰਹੇ ਹਨ ਜਦਕਿ ਸਰਕਾਰ ਲੋਕਾਂ ਨੂੰ ਇਸ ਤੋਂ ਬਚਣ ਲਈ ਘਰ 'ਚ ਹੀ ਰਹਿਣ ਦੀ ਸਲਾਹ ਦੇ ਰਹੀ ਹੈ

ਕੋਰੋਨਾ ਵਾਇਰਸ ਦੇ ਵਧਦੇ ਕੇਸ ਲੋਕਾਂ ਦੇ ਦਿਲ 'ਚ ਡਰ ਵਧਾ ਰਹੇ ਹਨ ਜਦਕਿ ਸਰਕਾਰ ਲੋਕਾਂ ਨੂੰ ਇਸ ਤੋਂ ਬਚਣ ਲਈ ਘਰ 'ਚ ਹੀ ਰਹਿਣ ਦੀ ਸਲਾਹ ਦੇ ਰਹੀ ਹੈ। ਇਸ ਸੂਰਤ 'ਚ ਘਰ ਦੀ ਸਾਫ਼-ਸਫ਼ਾਈ ਹੋਰ ਜ਼ਰੂਰੀ ਹੋ ਗਈ ਹੈ। ਇਸ ਲਈ ਅਸੀਂ ਤੁਹਾਨੂੰ ਘਰ ਨੂੰ ਜਰਮ ਫਰੀ ਕਲੀਨਿੰਗ ਤੇ ਕੋਰੋਨਾਵਾਇਰਸ ਤੋਂ ਬਚਾਉਣ ਲਈ ਕੁਝ ਟਿਪਸ ਦੱਸਾਂਗੇ। ਘਰ 'ਚ ਫਰਸ਼, ਕੰਧਾਂ, ਸਿਰੈਮਿਕ ਟਾਈਲ ਫਲੋਰਸ, ਪੌੜ੍ਹੀਆਂ ਤੇ ਇਨ੍ਹਾਂ ਦੀ ਰੇਲਿੰਗ, ਫਰਨੀਚਰ ਆਦਿ 'ਤੇ ਜਾਣੇ-ਅਣਜਾਣੇ 'ਚ ਦਾਗ਼-ਧੱਬੇ ਪੈ ਹੀ ਜਾਂਦੇ ਹਨ ਪਰ ਇਨ੍ਹਾਂ ਲਈ ਪਰੇਸ਼ਾਨ ਹੋਣ ਦੀ ਜ਼ਰੂਰਤ ਨਹੀਂ। ਬਾਜ਼ਾਰ ਤੇ ਘਰ 'ਚ ਵੀ ਅਜਿਹਾ ਬਹੁਤ ਸਾਰਾ ਸਾਮਾਨ ਮੁਹੱਈਆ ਰਹਿੰਦਾ ਹੈ, ਜਿਸ ਨਾਲ ਇਨ੍ਹਾਂ ਦਾਗ਼-ਧੱਬਿਆਂ ਤੋਂ ਛੁਟਕਾਰਾ ਪਾਇਆ ਜਾ ਸਕਦਾ ਹੈ। ਜਾਂਚੇ-ਪਰਖੇ ਤੇ ਅਜ਼ਮਾਏ ਗਏ ਇਨ੍ਹਾਂ ਨੁਸਖਿਆਂ ਰਾਹੀਂ ਤੁਸੀਂ ਵੀ ਆਪਣੇ ਘਰ 'ਚ ਕਿਤੇ ਵੀ ਪਏ ਦਾਗ਼-ਧੱਬਿਆਂ ਨੂੰ ਆਸਾਨੀ ਨਾਲ ਛੁਡਾ ਸਕਦੇ ਹੋ।

File PhotoFile Photo

ਮਿੰਟਾਂ 'ਚ ਗ਼ਾਇਬ ਹੋਣਗੇ ਦਾਗ਼ ਧੱਬੇ- ਜੇ ਤੁਹਾਡੇ ਘਰ 'ਚ ਸਿਰੈਮਿਕ ਫਲੋਰ ਹੈ ਅਤੇ ਇਸ 'ਤੇ ਦਾਗ਼-ਧੱਬੇ ਪੈ ਗਏ ਹਨ ਤਾਂ ਸਪੰਜ 'ਤੇ ਬੇਕਿੰਗ ਸੋਡਾ ਲਾ ਕੇ ਹਲਕੇ ਗਿੱਲੇ ਕੀਤੇ ਗਏ ਧੱਬਿਆਂ 'ਤੇ ਉਦੋਂ ਤਕ ਰਗੜੋ ਜਦੋਂ ਤਕ ਕਿ ਧੱਬਾ ਮਿਟ ਨਾ ਜਾਵੇ। ਇਸ ਤਰ੍ਹਾਂ ਸੋਡੀਅਮ ਬਾਈਕਾਰਬੋਨੇਟ ਦੀ ਵਰਤੋਂ ਨਾਲ ਸਿਰਫ਼ ਦਾਗ਼-ਧੱਬੇ ਦੂਰ ਹੁੰਦੇ ਹਨ ਸਗੋਂ ਉਸ ਜਗ੍ਹਾ ਦੀ ਚਮਕ ਵੀ ਬਰਕਰਾਰ ਰਹਿੰਦੀ ਹੈ।

File PhotoFile Photo

ਕੰਧਾਂ ਅਤੇ ਪੋੜ੍ਹੀਆਂ ਦੀ ਰੇਲਿੰਗ ਦੀ ਚਮਕ ਨੂੰ ਬਰਕਰਾਰ ਰੱਖਣ ਲਈ ਬਾਜ਼ਾਰ 'ਚ ਮੁਹੱਈਆ ਮਿਸਟਰ ਕਲੀਨ ਮੈਜਿਕ ਇਰੇਜਰ ਨੂੰ ਪਾਣੀ ਨਾਲ ਗਿੱਲਾ ਕਰ ਕੇ ਨਿਸ਼ਾਨ ਵਾਲੇ ਸਥਾਨ 'ਤੇ ਹਲਕੇ ਹੱਥਾਂ ਨਾਲ ਹੌਲੀ-ਹੌਲੀ ਗੋਲਾਈ 'ਚ ਘੁੰਮਾਉਂਦਿਆਂ ਰਗੜਨ ਨਾਲ ਦਾਗ਼-ਧੱਬੇ ਕੁਝ ਹੀ ਮਿੰਟਾਂ 'ਚ ਮਿਟ ਜਾਂਦੇ ਹਨ। ਜੇ ਦਾਗ਼ ਜ਼ਿੱਦੀ ਹਨ ਤਾਂ ਇਸ ਜਗ੍ਹਾ ਨੂੰ ਸੁੱਕਣ ਦਿਓ, ਫਿਰ ਇਹੋ ਪ੍ਰਕਿਰਿਆ ਦੁਹਰਾਓ। ਦਾਗ਼ ਚਲੇ ਜਾਣਗੇ।

File PhotoFile Photo

ਅੱਜ ਵੀ ਕਈ ਘਰਾਂ, ਪੁਰਾਣੇ ਹੋਟਲਾਂ ਜਾਂ ਰੈਸਤਰਾਂ 'ਚ ਲਿਨੋਲੀਅਮ ਦੇ ਫਰਸ਼ ਦਿਖਾਈ ਦਿੰਦੇ ਹਨ। ਜੇ ਇਸ ਫਰਸ਼ 'ਤੇ ਕਿਤੇ ਦਾਗ਼ ਪੈ ਗਏ ਹੋਣ ਤਾਂ ਘਰ 'ਚ ਮੁਹੱਈਆ ਟੁੱਥਪੇਸਟ ਨੂੰ ਕਿਸੇ ਪੁਰਾਣੇ ਕੱਪੜੇ 'ਤੇ ਲਾ ਕੇ ਦਾਗ਼ਾਂ 'ਤੇ ਰਗੜਨ ਨਾਲ ਜ਼ਿੱਦੀ ਦਾਗ਼ਾਂ ਤੋਂ ਛੁਟਕਾਰਾ ਪਾਇਆ ਜਾ ਸਕਦਾ ਹੈ।

ਬਾਜ਼ਾਰ 'ਚ ਮੁਹੱਈਆ ਮਾਈਕ੍ਰੋਫਾਈਬਰ ਕੱਪੜੇ ਨੂੰ ਫਰਨੀਚਰ 'ਤੇ ਲੱਗੇ ਦਾਗ਼ 'ਤੇ ਹੌਲੀ-ਹੌਲੀ ਮਲਣ ਨਾਲ ਦਾਗ਼ ਆਸਾਨੀ ਨਾਲ ਮਿਟਾਏ ਜਾ ਸਕਦੇ ਹਨ ਪਰ ਧਿਆਨ ਰਹੇ ਕਿ ਮਾਈਕ੍ਰੋਫਾਈਬਰ ਕੱਪੜੇ ਨੂੰ ਰਗੜੋ ਨਾ।

File PhotoFile Photo

ਬੜਾ ਗੁਣਕਾਰੀ ਹੈ ਬੇਕਿੰਗ ਸੋਡਾ- ਅਮਰੀਕਾ 'ਚ ਹਾਲੀਡੇ ਕਲੀਨਿੰਗ ਦਾ ਬਹੁਤ ਪ੍ਰਚਲਨ ਹੈ। ਰੋਜ਼ਮੱਰ੍ਹਾ ਦੀ ਭੱਜਦੌੜ 'ਚ ਜਿੱਥੇ ਰੋਜ਼ਾਨਾ ਸਫ਼ਾਈ ਕਰਨ ਦਾ ਨਾ ਤਾਂ ਕਿਸੇ ਕੋਲ ਵਕਤ ਹੁੰਦਾ ਹੈ ਅਤੇ ਨਾ ਹੀ ਜ਼ਰੂਰਤ। ਇਸ ਲਈ ਅਮਰੀਕੀ ਲੋਕ ਵੀਕਐਂਡ ਜਾਂ ਛੁੱਟੀ ਵਾਲੇ ਦਿਨ ਪੂਰੇ ਘਰ ਦੀ ਚੰਗੀ ਤਰ੍ਹਾਂ ਸਫ਼ਾਈ ਕਰਦੇ ਹਨ। ਜਿਸ ਨੂੰ ਡੀਪ ਕਲੀਨਿੰਗ ਦਾ ਨਾਂ ਦਿੱਤਾ ਗਿਆ ਹੈ। ਇਹੋ ਪ੍ਰਚਲਨ ਅੱਜਕੱਲ੍ਹ ਭਾਰਤੀ ਬਹੁਕੌਮੀ ਕੰਪਨੀਆਂ 'ਚ ਕੰਮ ਕਰ ਰਹੇ ਨੌਜਵਾਨ ਜੋੜਿਆਂ 'ਚ ਹੈ। ਉਹ ਕਲੀਨਿੰਗ ਲਈ ਬਾਜ਼ਾਰ 'ਚ ਮੁਹੱਈਆ ਕਲੀਨਿੰਗ ਏਜੰਟ ਨਾਲ ਬੇਕਿੰਗ ਸੋਡਾ ਲਿਆਉਣਾ ਨਹੀਂ ਭੁੱਲਦੇ।

File PhotoFile Photo

ਬਾਥਰੂਮ ਦੀਆਂ ਟਾਈਲਾਂ, ਦੀਵਾਰਾਂ, ਲੌਂਡਰੀ ਰੂਮ, ਲਿਵਿੰਗ ਰੂਮ ਆਦਿ 'ਚ ਲੱਗੇ ਦਾਗ਼-ਧੱਬਿਆਂ ਨੂੰ ਬੇਕਿੰਗ ਸੋਡੇ ਨਾਲ ਆਸਾਨੀ ਨਾਲ ਸਾਫ਼ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਗਲੀਚੇ 'ਤੇ ਥੋੜ੍ਹਾ ਜਿਹਾ ਬੇਕਿੰਗ ਸੋਡਾ ਛਿੜਕ ਕੇ ਗਲੀਚੇ ਨੂੰ ਵੈਕਿਊਮ ਕਰੋ। ਗਲੀਚਾ ਇਕਦਮ ਸਾਫ਼ ਹੋ ਜਾਵੇਗਾ ਅਤੇ ਬਦਬੂ ਵੀ ਦੂਰ ਹੋ ਜਾਵੇਗੀ।
ਬੈੱਡਰੂਮ 'ਚ ਤਾਜ਼ਗੀ- ਬੈੱਡਰੂਮ 'ਚ ਤਾਜ਼ਗੀ ਲਿਆਉਣ ਲਈ ਕੰਬਲ 'ਤੇ ਥੋੜ੍ਹਾ ਜਿਹਾ ਬੇਕਿੰਗ ਸੋਡਾ ਛਿੜਕ ਦਿਓ। ਫਿਰ ਇਸ ਨੂੰ ਜ਼ੋਰ-ਜ਼ੋਰ ਨਾਲ ਝਾੜ ਦਿਓ। ਬਦਬੂ ਵੀ ਦੂਰ ਹੋ ਜਾਵੇਗੀ।

File PhotoFile Photo

ਫਰਿੱਜ 'ਚ ਸਬਜ਼ੀਆਂ ਰਹਿਣਗੀਆਂ ਤਾਜ਼ੀਆਂ- ਫਰਿੱਜ 'ਚ ਰੱਖੀਆਂ ਚੀਜ਼ਾਂ ਦੇਰ ਤਕ ਤਾਜ਼ੀਆਂ ਬਣਾਈ ਰੱਖਣ ਲਈ ਡੱਬੀ 'ਚ ਬੇਕਿੰਗ ਸੋਡਾ ਪਾ ਕੇ ਇਸ ਨੂੰ ਫਰਿੱਜ 'ਚ ਰੱਖ ਦਿਓ। ਇਨ੍ਹਾਂ ਦੀ ਤਾਜ਼ਗੀ ਬਣੀ ਰਹੇਗੀ।

ਇਸੇ ਤਰ੍ਹਾਂ ਕੁਕਿੰਗ ਰੇਂਜ, ਮਾਈਕ੍ਰੋਵੇਵ ਓਵਨ, ਚਿਮਨੀ ਆਦਿ 'ਤੇ ਵੀ ਬੇਕਿੰਗ ਸੋਡਾ ਮਿਲੇ ਪਾਣੀ 'ਚ ਭਿੱਜੇ ਕੱਪੜੇ ਨੂੰ ਇਨ੍ਹਾਂ 'ਤੇ ਮਲਣ ਨਾਲ ਇਨ੍ਹਾਂ ਦੀ ਗੰਦਗੀ ਤੋਂ ਛੁਟਕਾਰਾ ਪਾਇਆ ਜਾ ਸਕਦਾ ਹੈ। ਸਿੰਕ ਨੂੰ ਵੀ ਬੇਕਿੰਗ ਸੋਡੇ ਨਾਲ ਚਮਕਾਇਆ ਜਾ ਸਕਦਾ ਹੈ। ਕੂੜੇਦਾਨ ਦੀ ਚਮਕ ਬਰਕਰਾਰ ਰੱਖਣੀ ਹੈ ਤਾਂ ਵੀ ਇਸ ਨੂੰ ਅਜ਼ਮਾਉਣਾ ਨਾ ਭੁੱਲੋ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

"100 ਰੁਪਏ ਲੁੱਟ ਕੇ 2 ਰੁਪਏ ਦੇ ਕੇ ਆਖੇ ਮੈਂ ਵੱਡਾ ਦਾਨੀ, Sukhbir Badal ਨੂੰ ਸਿੱਧੇ ਹੋਏ Gurdeep Brar | SGPC

13 Sep 2025 1:07 PM

Hoshiarpur Child Muder Case : ਆਹ ਪਿੰਡ ਨਹੀਂ ਰਹਿਣ ਦਵੇਗਾ ਇੱਕ ਵੀ ਪਰਵਾਸੀ, ਜੇ ਰਹਿਣਾ ਪਿੰਡ 'ਚ ਤਾਂ ਸੁਣ ਲਓ ਕੀ.

13 Sep 2025 1:06 PM

ਕਿਸ਼ਤਾਂ 'ਤੇ ਲਿਆ New Phone, ਘਰ ਲਿਜਾਣ ਸਾਰ ਥਾਣੇ 'ਚੋਂ ਆ ਗਈ ਕਾਲ,Video ਦੇਖ ਕੇ ਤੁਹਾਡੇ ਵੀ ਉੱਡ ਜਾਣਗੇ ਹੋਸ਼

12 Sep 2025 3:27 PM

5 year old child killed in hoshiarpur : ਪ੍ਰਵਾਸੀ ਨੇ ਕਿਉਂ ਮਾਰਿਆ ਮਾਸੂਮ ਬੱਚਾ?hoshiarpur Child Muder Case

12 Sep 2025 3:26 PM

Manjinder lalpura usma kand : ਦੇਖੋ ਇਸ ਕੁੜੀ ਨਾਲ MLA lalpura ਨੇ ਕੀ ਕੀਤਾ ਸੀ ! ਕੈਮਰੇ ਸਾਹਮਣੇ ਦੱਸੀ ਗੱਲ

12 Sep 2025 3:26 PM
Advertisement