ਕਈ ਇਸ ਨੂੰ ਨਸ਼ਾ ਕਹਿੰਦੇ ਹਨ ਤੇ ਕਈ ਇਸ ਨੂੰ ਜੀਵਨ ਦੀ ਖੁਰਾਕ ਕਹਿੰਦੇ ਹਨ।

Black Tea Side Effects:  ਇਕ ਚੀਜ਼ ਜੋ ਪੂਰੀ ਦੁਨੀਆਂ ਵਿਚ ਬਹੁਤ ਆਮ ਮੰਨੀ ਜਾਂਦੀ ਹੈ, ਉਹ ਹੈ ਭਾਰਤੀਆਂ ਵਿਚ ਚਾਹ ਪੀਣ ਦੀ ਆਦਤ। ਜੇਕਰ ਤੁਸੀਂ ਬਹੁਤ ਜ਼ਿਆਦਾ ਕਾਲੀ ਚਾਹ ਪੀਂਦੇ ਹੋ ਤਾਂ ਸਾਵਧਾਨ ਰਹੋ, ਨਹੀਂ ਤਾਂ ਇਹ ਤੁਹਾਡੀ ਸਿਹਤ ਨੂੰ ਗੰਭੀਰ ਨੁਕਸਾਨ ਪਹੁੰਚਾ ਸਕਦੀ ਹੈ। ਚਾਹ ਪੀਣ ਨੂੰ ਲੈ ਕੇ ਕਈ ਖੋਜਾਂ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਜੇਕਰ ਚਾਹ ਨੂੰ ਸਹੀ ਮਾਤਰਾ ’ਚ ਪੀਤਾ ਜਾਵੇ ਤਾਂ ਇਸ ਦੇ ਫ਼ਾਇਦੇ ਹੋ ਸਕਦੇ ਹਨ

ਪਰ ਜੇਕਰ ਇਸ ਦਾ ਜ਼ਿਆਦਾ ਸੇਵਨ ਕੀਤਾ ਜਾਵੇ ਤਾਂ ਇਹ ਗੰਭੀਰ ਨੁਕਸਾਨ ਵੀ ਕਰ ਸਕਦੀ ਹੈ। ਕਈ ਇਸ ਨੂੰ ਨਸ਼ਾ ਕਹਿੰਦੇ ਹਨ ਤੇ ਕਈ ਇਸ ਨੂੰ ਜੀਵਨ ਦੀ ਖੁਰਾਕ ਕਹਿੰਦੇ ਹਨ। ਪਰ ਸ਼ਾਇਦ ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਪਰਾਹੁਣਚਾਰੀ ਦਾ ਪ੍ਰਤੀਕ ਬਣੀ ਇਸ ਚਾਹ ਦਾ ਵੀ ਅਪਣਾ ਖ਼ਾਸ ਦਿਨ ਹੈ। ਜੀ ਹਾਂ, 21 ਮਈ ਨੂੰ ਅੰਤਰਰਾਸ਼ਟਰੀ ਚਾਹ ਦਿਵਸ ਮਨਾਇਆ ਜਾਂਦਾ ਹੈ।

ਇਸ ਦਿਨ ਚਾਹ ਪੂਰੀ ਦੁਨੀਆਂ ਵਿਚ ਚਰਚਾ ’ਚ ਰਹਿੰਦੀ ਹੈ। ਪਰ ਤੁਸੀਂ ਸ਼ਾਇਦ ਹੀ ਜਾਣਦੇ ਹੋਵੋਗੇ ਕਿ ਪਹਿਲਾ ਅੰਤਰਰਾਸ਼ਟਰੀ ਚਾਹ ਦਿਵਸ 15 ਦਸੰਬਰ ਨੂੰ ਪੂਰੀ ਦੁਨੀਆਂ ਵਿਚ ਮਨਾਇਆ ਜਾਂਦਾ ਸੀ ਅਤੇ ਹੁਣ ਇਹ 21 ਮਈ ਨੂੰ ਮਨਾਇਆ ਜਾਂਦਾ ਹੈ। ਤੁਸੀ ਹੈਰਾਨ ਹੋ ਕਿ ਆਖ਼ਰ ਮਾਮਲਾ ਕੀ ਹੈ? ਤਾਂ ਦੱਸ ਦੇਈਏ ਕਿ ਇਸ ਪਿੱਛੇ ਭਾਰਤ ਦੀ ਅਹਿਮ ਭੂਮਿਕਾ ਹੈ। ਕਿਉਂਕਿ ਭਾਰਤ ਨੇ ਚਾਹ ਉਤੇ ਅਪਣਾ ਹੱਕ ਜਤਾਇਆ ਹੈ। 

ਦਰਅਸਲ, ਦੁਨੀਆਂ ਭਰ ਦੇ ਚਾਹ ਉਤਪਾਦਕ ਦੇਸ਼ 2005 ਤੋਂ ਹਰ ਸਾਲ 15 ਦਸੰਬਰ ਨੂੰ ਅੰਤਰਰਾਸ਼ਟਰੀ ਚਾਹ ਦਿਵਸ ਮਨਾ ਰਹੇ ਸਨ। ਕਿਉਂਕਿ ਉਦੋਂ ਤਕ ਇਸ ਨੂੰ ਸੰਯੁਕਤ ਰਾਸ਼ਟਰ ਵਲੋਂ ਮਾਨਤਾ ਨਹੀਂ ਦਿਤੀ ਗਈ ਸੀ। ਭਾਰਤ ਸਰਕਾਰ ਨੇ ਇਸ ਸਬੰਧੀ ਇਕ ਵੱਡੀ ਪਹਿਲਕਦਮੀ ਕੀਤੀ ਅਤੇ 2015 ਵਿਚ ਸੰਯੁਕਤ ਰਾਸ਼ਟਰ ਦੇ ਖੁਰਾਕ ਅਤੇ ਖੇਤੀਬਾੜੀ ਸੰਗਠਨ ਰਾਹੀਂ ਅਧਿਕਾਰਤ ਤੌਰ ’ਤੇ ਅੰਤਰਰਾਸ਼ਟਰੀ ‘ਚਾਹ ਦਿਵਸ’ ਮਨਾਉਣ ਦਾ ਪ੍ਰਸਤਾਵ ਰਖਿਆ, ਜਿਸ ਨੂੰ ਸਵੀਕਾਰ ਕਰ ਲਿਆ ਗਿਆ।

ਇਸ ਤੋਂ ਬਾਅਦ, ਸੰਯੁਕਤ ਰਾਸ਼ਟਰ ਨੇ 21 ਦਸੰਬਰ, 2019 ਨੂੰ ਇਕ ਮਤਾ ਪਾਸ ਕੀਤਾ ਤੇ 21 ਮਈ ਨੂੰ ‘ਅੰਤਰਰਾਸ਼ਟਰੀ ਚਾਹ ਦਿਵਸ’ ਘੋਸ਼ਤ ਕੀਤਾ। ਚਾਹ ਦਾ ਉਤਪਾਦਨ ਕਈ ਦੇਸ਼ ਕਰਦੇ ਹਨ ਪਰ ਭਾਰਤ ਇਸ ਮਾਮਲੇ ’ਚ ਦੂਜੇ ਨੰਬਰ ’ਤੇ ਹੈ ਪਰ ਚਾਹ ਦੀ ਖਪਤ ਦੇ ਮਾਮਲੇ ਵਿਚ ਭਾਰਤ ਪਹਿਲੇ ਨੰਬਰ ’ਤੇ ਹੈ। ਭਾਰਤ ਵਿਚ ਚਾਹ ਦੀ ਲੋਕਪਿ੍ਰਅਤਾ ਦਾ ਅੰਦਾਜ਼ਾ ਇਸ ਤੱਥ ਤੋਂ ਆਸਾਨੀ ਨਾਲ ਲਗਾਇਆ ਜਾ ਸਕਦਾ ਹੈ ਕਿ ਵਿਸ਼ਵ ਦੇ ਕੁੱਲ ਉਤਪਾਦਨ ਦਾ ਲਗਭਗ 30 ਫ਼ੀ ਸਦੀ ਭਾਰਤ ਵਿਚ ਖਪਤ ਹੁੰਦਾ ਹੈ ਹਾਲਾਂਕਿ ਚਾਹ ਦੇ ਵੀ ਕਈ ਰੂਪ ਹਨ।

ਇਸ ਦਾ ਸਵਾਦ ਵੀ ਹਰ ਰੂਪ ਵਿਚ ਵਖਰਾ ਹੁੰਦਾ ਹੈ। ਹਰ ਵਿਅਕਤੀ ਇਕ ਖ਼ਾਸ ਤਰੀਕੇ ਨਾਲ ਇਕ ਵਖਰੇ ਸਵਾਦ ਨਾਲ ਚਾਹ ਪੀਂਦਾ ਹੈ। ਵੱਖ-ਵੱਖ ਖੇਤਰਾਂ ਵਿਚ ਚਾਹ ਬਣਾਉਣ ਦੇ ਤਰੀਕਿਆਂ ਵਿਚ ਵੀ ਅੰਤਰ ਹਨ। ਜੇਕਰ ਤੁਸੀ ਸਿਰਦਰਦ ਜਾਂ ਵਾਇਰਲ ਬੁਖ਼ਾਰ ਤੋਂ ਪੀੜਤ ਹੋ ਤਾਂ ਘਰ ਦੇ ਬਜ਼ੁਰਗ ਇਮਿਊਨਿਟੀ ਵਧਾਉਣ ਲਈ ਅਦਰਕ, ਲੌਂਗ ਅਤੇ ਕਾਲੀ ਮਿਰਚ ਦੀ ਚਾਹ ਪੀਣ ਦੀ ਸਲਾਹ ਦਿੰਦੇ ਹਨ।

ਕੱੁਝ ਇਸ ਨੂੰ ਇਮਿਊਨਿਟੀ ਬੂਸਟਰ ਕਹਿੰਦੇ ਹਨ ਤੇ ਕਈ ਅਦਰਕ ਦੀ ਚਾਹ ਕਹਿੰਦੇ ਹਨ ਤੇ ਕਈ ਮਸਾਲਾ ਚਾਹ। ਕਿਸੇ ਨੂੰ ਬਲੈਕ ਟੀ ਪਸੰਦ ਹੈ ਅਤੇ ਕੁੱਝ ਨੂੰ ਗਰੀਨ ਟੀ। ਹਾਲਾਂਕਿ ਜ਼ਿਆਦਾਤਰ ਲੋਕ ਚਾਹ ਦੀਆਂ ਪੱਤੀਆਂ ਨੂੰ ਦੁੱਧ ਅਤੇ ਚੀਨੀ ਨਾਲ ਉਬਾਲ ਕੇ ਬਣਾਈ ਗਈ ਮਜ਼ਬੂਤ ਕੜਕ ਚਾਹ ਪੀਂਦੇ ਹਨ।
ਦੁਨੀਆਂ ਦੀ ਜ਼ਿਆਦਾਤਰ ਚਾਹ ਏਸੀਆ ਮਹਾਂਦੀਪ ਵਿਚ ਪੈਦਾ ਹੁੰਦੀ ਹੈ। ਜਿਸ ਵਿਚ ਭਾਰਤ, ਚੀਨ, ਨੇਪਾਲ, ਸ੍ਰੀਲੰਕਾ ਅਤੇ ਕੀਨੀਆ ਵਰਗੇ ਦੇਸ਼ ਸ਼ਾਮਲ ਹਨ। ਇਨ੍ਹਾਂ ਦੇਸ਼ਾਂ ਵਿਚ ਚਾਹ ਪੀਣਾ ਰੋਜ਼ਮਰਾ ਤੋਂ ਲੈ ਕੇ ਜਸ਼ਨਾਂ ਤਕ ਆਮ ਵਰਤਾਰਾ ਹੈ। ਇਸ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਹ ਹੈ ਕਿ ਇਹ ਆਸਾਨੀ ਨਾਲ ਅਤੇ ਬਹੁਤ ਘੱਟ ਕੀਮਤ ’ਤੇ ਉਪਲਬਧ ਹੈ।

ਉੱਤਰ-ਪੂਰਬੀ ਭਾਰਤ ਵਿਚ ਵੀ ਹਜ਼ਾਰਾਂ ਲੋਕ ਚਾਹ ਦੇ ਬਾਗ਼ਾਂ ਵਿਚ ਕੰਮ ਕਰਦੇ ਹਨ। ਉਨ੍ਹਾਂ ਦੀ ਰੋਜ਼ੀ-ਰੋਟੀ ਚਾਹ ’ਤੇ ਨਿਰਭਰ ਹੈ। ਇਸ ਦੇ ਲਈ ਕਾਰੋਬਾਰ ਦਾ ਸੁਚਾਰੂ ਪ੍ਰਬੰਧਨ ਹੋਣਾ ਬਹੁਤ ਜ਼ਰੂਰੀ ਹੈ। ਦੁਨੀਆਂ ਭਰ ਵਿਚ ਗਰਮ ਚਾਹ ਦੇ ਸ਼ੌਕੀਨ ਲੋਕਾਂ ਦੀ ਕੋਈ ਕਮੀ ਨਹੀਂ। ਜ਼ਿਆਦਾਤਰ ਲੋਕ ਅਪਣੇ ਦਿਨ ਦੀ ਸ਼ੁਰੂਆਤ ਚਾਹ ਨਾਲ ਕਰਦੇ ਹਨ। ਤਾਂ ਆਉ ਜਾਣਦੇ ਹਾਂ ਚਾਹ ਬਾਰੇ ਕੁੱਝ ਦਿਲਚਸਪ ਤੱਥ -

- ਭਾਰਤ ਵਿਚ ਚਾਹ ਪੀਣ ਦੀ ਸ਼ੁਰੂਆਤ 1835 ਤੋਂ ਹੋਈ ਸੀ।
- ਚਾਹ ਅਫ਼ਗਾਨਿਸਤਾਨ ਅਤੇ ਈਰਾਨ ਦਾ ਰਾਸ਼ਟਰੀ ‘ਡ੍ਰਿੰਕ’ (ਪੀਣ) ਹੈ।
- ਚਾਹ ਦੇ ਉਤਪਾਦਨ ਵਿਚ ਚੀਨ ਪਹਿਲੇ ਨੰਬਰ ’ਤੇ ਹੈ ਅਤੇ ਭਾਰਤ 1350 ਮਿਲੀਅਨ ਕਿਲੋਗ੍ਰਾਮ ਦੇ ਉਤਪਾਦਨ ਨਾਲ ਦੂਜਾ ਸਭ ਤੋਂ ਵੱਡਾ ਚਾਹ ਉਤਪਾਦਕ ਦੇਸ਼ ਹੈ। 

- ਪਾਣੀ ਤੋਂ ਬਾਅਦ, ਚਾਹ ਦੁਨੀਆਂ ਵਿਚ ਸਭ ਤੋਂ ਵੱਧ ਖਪਤ ਕੀਤੀ ਜਾਣ ਵਾਲੀ ਪੀਣ ਵਾਲੀ ਚੀਜ਼ ਹੈ।
- ਸ਼ੁਰੂ-ਸ਼ੁਰੂ ਵਿਚ ਚਾਹ ਸਰਦੀਆਂ ਵਿਚ ਹੀ ਦਵਾਈ ਵਜੋਂ ਪੀਤੀ ਜਾਂਦੀ ਸੀ। ਇਸ ਨੂੰ ਰੋਜ਼ਾਨਾ ਪੀਣ ਦੀ ਪਰੰਪਰਾ ਭਾਰਤ ਵਿਚ ਹੀ ਸ਼ੁਰੂ ਹੋਈ।
ਚੀਨ ਦੇ ਲੋਕਾਂ ਨੇ ਸਭ ਤੋਂ ਪਹਿਲਾਂ ਚਾਹ ਪੀਣੀ ਸ਼ੁਰੂ ਕੀਤੀ। ਕਿਹਾ ਜਾਂਦਾ ਹੈ ਕਿ ਚੀਨ ਦੇ ਇਕ ਰਾਜੇ ‘ਸੈਨ ਨੰਗ’ ਦੇ ਸਾਹਮਣੇ ਗਰਮ ਪਾਣੀ ਦਾ ਪਿਆਲਾ ਰਖਿਆ ਗਿਆ ਸੀ।

ਅਚਾਨਕ ਉਸ ਵਿਚ ਸੁੱਕੀ ਚਾਹ ਦੀ ਪੱਤੀ ਡਿੱਗ ਪਈ ਤੇ ਉਸ ਪਾਣੀ ਦਾ ਰੰਗ ਬਦਲ ਗਿਆ। ਜਦੋਂ ਰਾਜੇ ਨੇ ਇਹ ਪਾਣੀ ਪੀਤਾ ਤਾਂ ਉਸ ਨੂੰ ਇਹ ਨਵਾਂ ਸਵਾਦ ਬਹੁਤ ਪਸੰਦ ਆਇਆ ਅਤੇ ਉਦੋਂ ਤੋਂ ਹੀ ਚਾਹ ਪੀਣ ਦੀ ਸ਼ੁਰੂਆਤ ਹੋਈ। ਕਿਹਾ ਜਾਂਦਾ ਹੈ ਕਿ ਚਾਹ ਦੀਆਂ ਕਈ ਕਿਸਮਾਂ ਹਨ ਜਿਨ੍ਹਾਂ ਵਿਚ ਬਲੈਕ ਟੀ, ਗਰੀਨ ਟੀ ਬਹੁਤ ਮਸ਼ਹੂਰ ਹੈ।

ਚਾਹ ਦੀਆਂ ਪੱਤੀਆਂ ਨੂੰ ਪਾਣੀ ਵਿਚ ਥੋੜੀ ਦੇਰ ਲਈ ਭਿਉਂ ਕੇ ਰਖਿਆ ਜਾਵੇ ਤੇ ਇਸ ਦੀ ਮਹਿਕ ਘਰ ਵਿਚ ਫੈਲ ਜਾਵੇ ਤਾਂ ਇਹ ਕੁਦਰਤੀ ‘ਮੱਛਰ ਭਜਾਉਣ ਵਾਲਾ’ ਪਦਾਰਥ ਦਾ ਕੰਮ ਕਰਦੀ ਹੈ ਅਤੇ ਮੱਛਰਾਂ ਨੂੰ ਭਜਾਉਂਦੀ ਹੈ। ਅੰਕੜਿਆਂ ਅਨੁਸਾਰ ਇੰਗਲੈਂਡ ਦੇ ਲੋਕ ਰੋਜ਼ਾਨਾ 160 ਮਿਲੀਅਨ ਕੱਪ ਚਾਹ ਪੀਂਦੇ ਹਨ। ਇਸ ਹਿਸਾਬ ਨਾਲ ਇਕ ਸਾਲ ਵਿਚ 60 ਅਰਬ ਕੱਪ ਚਾਹ ਦਾ ਸੇਵਨ ਕੀਤਾ ਜਾਂਦਾ ਹੈ। ਬਲੈਕ ਟੀ ਦੀ ਵਰਤੋਂ ਕੁੱਲ ਚਾਹ ਦਾ 75% ਹੁੰਦੀ ਹੈ। ਭਾਰਤ ਵਿਚ ਚਾਹ ਦਾ ਉਤਪਾਦਨ ਮੁੱਖ ਤੌਰ ’ਤੇ ਅਸਾਮ ਵਿਚ ਹੁੰਦਾ ਹੈ ਅਤੇ ਚਾਹ ਅਸਾਮ ਰਾਜ ਦਾ ਮੁੱਖ ਪੀਣ ਵਾਲਾ ਪਦਾਰਥ ਵੀ ਹੈ। ਭਾਰਤ ਵਿਚ ‘ਬਲੈਕ ਟੀ’ ਦੀ ਸਭ ਤੋਂ ਵੱਧ ਖਪਤ ਹੈ। ਭਾਰਤ ਕਾਲੀ ਚਾਹ ਦਾ ਸਭ ਤੋਂ ਵੱਡਾ ਖਪਤਕਾਰ ਵੀ ਹੈ ਅਤੇ ਵਿਸ਼ਵ ਦੀ ਕੁੱਲ ਚਾਹ ਦੀ ਖਪਤ ਦਾ ਲਗਭਗ 18 ਫ਼ੀ ਸਦੀ ਖਪਤ ਕਰਤਾ ਹੈ।

- ਅਮਰੀਕਾ ਵਿਚ 80% ਚਾਹ ‘ਆਈਸਡ ਟੀ’ ਦੇ ਰੂਪ ਵਿਚ ਖਪਤ ਹੁੰਦੀ ਹੈ।
- ਤੁਰਕੀ ਵਿਚ ਹਰ ਵਿਅਕਤੀ ਰੋਜ਼ਾਨਾ ਲਗਭਗ 10 ਕੱਪ ਚਾਹ ਪੀਂਦਾ ਹੈ।
- ਚਾਹ ਵਿਚ ਐਂਟੀਆਕਸੀਡੈਂਟ ਹੁੰਦੇ ਹਨ ਜੋ ਤੁਹਾਨੂੰ ਬੁਢਾਪੇ ਤੋਂ ਬਚਾਉਂਦੇ ਹਨ।

ਉਪਲਭਧ ਡਾਟਾ ਅਨੁਸਾਰ ਆਸਟ੍ਰੇਲੀਆ ’ਚ ਹੋਈ ਇਕ ਖੋਜ ਮੁਤਾਬਕ ਚਾਹ ਪੀਣ ਨਾਲ ਹੱਡੀਆਂ ਮਜ਼ਬੂਤ ਹੁੰਦੀਆਂ ਹਨ। ਚਾਹ ਵਿਚ ਮੌਜੂਦ ਕੈਟੇਚਿਨ ਨਵੀਂ ਹੱਡੀ ਬਣਾਉਣ ਵਿਚ ਮਦਦ ਕਰਦੇ ਹਨ। ਚਾਹ ਵਿਚ ਕੈਫ਼ੀਨ ਅਤੇ ਟੈਨਿਨ ਹੁੰਦੇ ਹਨ ਜੋ ਉਤੇਜਕ ਹੁੰਦੇ ਹਨ। ਇਸ ਕਾਰਨ ਸਰੀਰ ਵਿਚ ਚੁਸਤੀ ਦਾ ਅਹਿਸਾਸ ਹੁੰਦਾ ਹੈ। ਚਾਹ ਵਿਚ ਮੌਜੂਦ ਐਲਥੀਨਾਇਨ  ਨਾਮਕ ਅਮੀਨੋ ਐਸਿਡ ਦਿਮਾਗ਼ ਨੂੰ ਵਧੇਰੇ ਚੌਕਸ ਪਰ ਸ਼ਾਂਤ ਰੱਖਦਾ ਹੈ। ਚਾਹ ’ਚ ਐਂਟੀਜੇਨਸ ਹੁੰਦੇ ਹਨ ਜੋ ਇਸ ਨੂੰ ਐਂਟੀ-ਬੈਕਟੀਰੀਅਲ ਸਮਰੱਥਾ ਦਿੰਦੇ ਹਨ।

ਚਾਹ ’ਚ ਐਲਥੀਨਾਇਨ ‘L-theanine’ ਨਾਂ ਦਾ ਤੱਤ ਹੁੰਦਾ ਹੈ ਜੋ ਤੁਹਾਡੀ ਦਿਮਾਗ਼ੀ ਸ਼ਕਤੀ ਵਧਾਉਣ, ਤਣਾਅ ਘਟਾਉਣ, ਬੁੱਧੀ ਦੇ ਵਿਕਾਸ ’ਚ ਮਦਦ ਕਰਦਾ ਹੈ ਅਤੇ ਤੁਹਾਨੂੰ ਕੁਝ ਸਮੇਂ ਲਈ ਸੌਣ ਨਹੀਂ ਦਿੰਦਾ। ਜਿੱਥੇ ਚਾਹ ਪੀਣ ਦੇ ਇੰਨੇ ਫ਼ਾਇਦੇ ਹਨ ਉਥੇ ਚਾਹ ਪੀਣ ਦੇ ਕੱੁਝ ਨੁਕਸਾਨ ਵੀ ਹਨ। ਖ਼ਾਲੀ ਪੇਟ ਕਾਲੀ ਚਾਹ ਪੀਣ ਨਾਲ ਪੇਟ ਫੁੱਲਣ ਅਤੇ ਐਸੀਡਿਟੀ ਅਤੇ ਬਦਹਜ਼ਮੀ ਹੋ ਸਕਦੀ ਹੈ। ਖ਼ਾਲੀ ਪੇਟ ਚਾਹ ਪੀਣ ਨਾਲ ਤੁਹਾਡੀ ਭੁੱਖ ਪ੍ਰਭਾਵਤ ਹੁੰਦੀ ਹੈ ਜਾਂ ਭੁੱਖ ਲੱਗਣੀ ਵੀ ਬੰਦ ਹੋ ਜਾਂਦੀ ਹੈ। ਜਦੋਂ ਅਜਿਹਾ ਹੁੰਦਾ ਹੈ ਤਾਂ ਤੁਸੀਂ ਜ਼ਰੂਰੀ ਪੋਸ਼ਣ ਤੋਂ ਵਾਂਝੇ ਰਹਿ ਸਕਦੇ ਹੋ।

ਚਾਹ ਜ਼ਿਆਦਾ ਨੁਕਸਾਨਦੇਹ ਹੋ ਜਾਂਦੀ ਹੈ ਜੇਕਰ ਇਸ ਨੂੰ ਬਹੁਤ ਜ਼ਿਆਦਾ ਉਬਾਲਿਆ ਜਾਵੇ। ਮਜ਼ਬੂਤ ਚਾਹ ਪੀਣ ਨਾਲ ਅਲਸਰ ਦਾ ਖ਼ਤਰਾ ਵਧ ਜਾਂਦਾ ਹੈ। ਦਿਨ ਵਿਚ 5 ਤੋਂ 10 ਕੱਪ ਚਾਹ ਪੀਣ ਨਾਲ ਆਦਮੀਆਂ ਵਿਚ ਪ੍ਰੋਸਟੇਟ ਕੈਂਸਰ ਦਾ ਖ਼ਤਰਾ ਵੱਧ ਜਾਂਦਾ ਹੈ। ਕਾਲੀ ਚਾਹ ਉਦੋਂ ਤਕ ਹੀ ਫ਼ਾਇਦੇਮੰਦ ਹੁੰਦੀ ਹੈ ਜਦੋਂ ਤਕ ਤੁਸੀ ਇਸ ਨੂੰ ਘੱਟ ਮਾਤਰਾ ਵਿਚ ਪੀਂਦੇ ਹੋ। ਜਦੋਂ ਇਸ ਦੀ ਮਾਤਰਾ ਵੱਧ ਜਾਂਦੀ ਹੈ ਤਾਂ ਇਹ ਨੁਕਸਾਨਦੇਹ ਹੋ ਜਾਂਦੀ ਹੈ। ਇਸ ਦਾ ਸਭ ਤੋਂ ਬੁਰਾ ਪ੍ਰਭਾਵ ਗੁਰਦਿਆਂ ਦੀ ਸਿਹਤ ਉੱਤੇ ਪੈਂਦਾ ਹੈ।

ਜੇਕਰ ਤੁਸੀ ਬਹੁਤ ਜ਼ਿਆਦਾ ਕਾਲੀ ਚਾਹ ਪੀਂਦੇ ਹੋ ਤਾਂ ਸਾਵਧਾਨ ਰਹੋ, ਨਹੀਂ ਤਾਂ ਇਹ ਤੁਹਾਡੀ ਸਿਹਤ ਨੂੰ ਗੰਭੀਰ ਨੁਕਸਾਨ ਪਹੁੰਚਾ ਸਕਦੀ ਹੈ। ਚਾਹ ਪੀਣ ਨੂੰ ਲੈ ਕੇ ਕਈ ਖੋਜਾਂ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਜੇਕਰ ਚਾਹ ਨੂੰ ਸਹੀ ਮਾਤਰਾ ’ਚ ਪੀਤਾ ਜਾਵੇ ਤਾਂ ਇਸ ਦੇ ਫ਼ਾਇਦੇ ਹੋ ਸਕਦੇ ਹਨ ਪਰ ਜੇਕਰ ਇਸ ਦਾ ਜ਼ਿਆਦਾ ਸੇਵਨ ਕੀਤਾ ਜਾਵੇ ਤਾਂ ਇਹ ਗੰਭੀਰ ਨੁਕਸਾਨ ਵੀ ਕਰ ਸਕਦੀ ਹੈ। ਕੱੁਝ ਤਾਜ਼ਾ ਰੀਪੋਰਟਾਂ ਵਿਚ ਬਹੁਤ ਜ਼ਿਆਦਾ ਕਾਲੀ ਚਾਹ ਪੀਣ ਪ੍ਰਤੀ ਸਾਵਧਾਨ ਕੀਤਾ ਗਿਆ ਹੈ। ਇਸ ਨਾਲ ਕਿਡਨੀ ਨੂੰ ਗੰਭੀਰ ਨੁਕਸਾਨ ਹੋ ਸਕਦਾ ਹੈ।

ਕੁਝ ਅਧਿਐਨਾਂ ਨੇ ਪਾਇਆ ਹੈ ਕਿ ਕੈਫ਼ੀਨ ਦੀ ਬਹੁਤ ਜ਼ਿਆਦਾ ਮਾਤਰਾ ਸਿਸਟੋਲਿਕ ਅਤੇ ਡਾਇਸਟੋਲਿਕ ਬਲੱਡ ਪ੍ਰੈਸ਼ਰ ਨੂੰ ਵਧਾ ਸਕਦੀ ਹੈ। ਹਾਈ ਬਲੱਡ ਪ੍ਰੈਸ਼ਰ ਗੁਰਦੇ ਦੀ ਬੀਮਾਰੀ ਦਾ ਸਭ ਤੋਂ ਵੱਡਾ ਖ਼ਤਰਾ ਹੈ। ਇਸ ਲਈ ਕੈਫ਼ੀਨ ਵਾਲੀਆਂ ਚੀਜ਼ਾਂ ਗੁਰਦਿਆਂ ਲਈ ਨੁਕਸਾਨਦੇਹ ਹੋ ਸਕਦੀਆਂ ਹਨ। ਕਾਲੀ ਚਾਹ ਵਿਚ ਮੌਜੂਦ ਆਕਸਲੇਟ ਕਿਡਨੀ ਨੂੰ ਸਭ ਤੋਂ ਵੱਧ ਨੁਕਸਾਨ ਪਹੁੰਚਾਉਂਦਾ ਹੈ। ਉੱਚ ਗਾੜ੍ਹਾਪਣ ਹਾਈ ਕੰਸੈਂਟ੍ਰੇਸ਼ਨ ਦੇ ਕਾਰਨ ਘੁਲਣਸ਼ੀਲ ਆਕਸੀਲੇਟ ਕੈਲਸ਼ੀਅਮ ਨਾਲ ਜੁੜ ਜਾਂਦੇ ਹਨ ਅਤੇ ਕਿ੍ਰਸਟਲ ਬਣਾ ਲੈਂਦੇ ਹਨ। ਇਸ ਨਾਲ ਗੁਰਦੇ ਦੀ ਪੱਥਰੀ ਵੀ ਹੋ ਸਕਦੀ ਹੈ। ਇਸ ਲਈ ਕਿਡਨੀ ਦਾ ਧਿਆਨ ਰੱਖਣ ਲਈ ਕਾਲੀ ਚਾਹ ਜ਼ਿਆਦਾ ਨਹੀਂ ਪੀਣੀ ਚਾਹੀਦੀ।