ਮਾਈਕਰੋ ਬਲਾਗਿੰਗ ਸਾਈਟ ਟਵਿਟਰ ਨੇ ਅਤਿਵਾਦ ਨੂੰ ਬੜ੍ਹਾਵਾ ਦੇਣ ਵਾਲੇ ਇਕ ਮਿਲੀਅਨ ਖ਼ਾਤਿਆਂ (10 ਲੱਖ) ਨੂੰ ਸਸਪੈਂਡ ਕਰ ਦਿਤਾ ਹੈ। ਵੀਰਵਾਰ ਨੂੰ ਇਸ ਦੀ ਜਾਣਕਾਰੀ...
ਵਾਸ਼ੀਂਗਟਨ: ਮਾਈਕਰੋ ਬਲਾਗਿੰਗ ਸਾਈਟ ਟਵਿਟਰ ਨੇ ਅਤਿਵਾਦ ਨੂੰ ਬੜ੍ਹਾਵਾ ਦੇਣ ਵਾਲੇ ਇਕ ਮਿਲੀਅਨ ਖ਼ਾਤਿਆਂ (10 ਲੱਖ) ਨੂੰ ਸਸਪੈਂਡ ਕਰ ਦਿਤਾ ਹੈ। ਵੀਰਵਾਰ ਨੂੰ ਇਸ ਦੀ ਜਾਣਕਾਰੀ ਦਿੰਦੇ ਹੋਏ ਟਵਿਟਰ ਨੇ ਕਿਹਾ ਕਿ 2015 ਤੋਂ ਲੈ ਕੇ ਹੁਣ ਤਕ ਉਸ ਨੇ 10 ਲੱਖ ਖ਼ਾਤੇ ਸਸਪੈਂਡ ਕੀਤੇ ਹਨ। ਨਾਲ ਹੀ ਉਸ ਨੇ ਕਿਹਾ ਕਿ ਉਸ ਦੇ ਪਲੇਟਫ਼ਾਰਮ 'ਤੇ ਹਿੰਸਾ ਵਰਗੀਆਂ ਗਤੀਵਿਧੀਆਂ ਲਈ ਕੋਈ ਥਾਂ ਨਹੀਂ ਹੈ।
Twitter
ਅਪਣੀ ਹਾਲਿਆ ਰਿਪੋਰਟ 'ਚ ਟਵਿਟਰ ਨੇ ਕਿਹਾ ਕਿ ਉਸ ਨੇ 2017 'ਚ ਜੁਲਾਈ ਤੋਂ ਲੈ ਕੇ ਦਸੰਬਰ 'ਚ ਅਤਿਵਾਦ ਨੂੰ ਬੜ੍ਹਾਵਾ ਦੇਣ ਵਾਲੇ 274,460 ਖ਼ਾਤਿਆਂ ਨੂੰ ਸਸਪੈਂਡ ਕੀਤਾ। ਹਾਲਾਂਕਿ ਪਿਛਲੀ ਰਿਪੋਰਟ ਦੇ ਮੁਕਾਬਲੇ ਇਹ ਗਿਣਤੀ 8.4 ਫ਼ੀ ਸਦੀ ਘੱਟ ਹੈ।
Twitter and Jack Dorsey
ਜਾਰੀ ਕੀਤੇ ਗਏ ਇਕ ਸਟੇਟਮੈਂਟ 'ਚ ਟਵਿਟਰ ਨੇ ਅੱਗੇ ਕਿਹਾ ਕਿ ਸਾਲਾਂ ਦੀ ਕੜੀ ਮਿਹਨਤ ਤੋਂ ਬਾਅਦ ਅਸੀਂ ਅਪਣੇ ਪਲੈਟਫ਼ਾਰਮ ਨੂੰ ਇਕ ਅਜਿਹੀ ਥਾਂ ਬਣਾਉਣ 'ਚ ਕਾਮਯਾਬ ਹੋਏ ਹਾਂ, ਜਿੱਥੇ ਹਿੰਸਾ ਅਤੇ ਅਤਿਵਾਦ ਵਰਗੀ ਚੀਜ਼ਾਂ ਲਈ ਕੋਈ ਥਾਂ ਨਹੀਂ ਹੈ। ਸਾਨੂੰ ਇਹ ਬਦਲਾਅ ਨਜ਼ਰ ਵੀ ਆ ਰਿਹਾ ਹੈ। ਟਵਿਟਰ 'ਤੇ ਹੋਣ ਵਾਲੀ ਅਜਿਹੀ ਗਤੀਵਿਧੀਆਂ 'ਚ ਹੁਣ ਕਮੀ ਆਈ ਹੈ।
Twitter
ਦਸ ਦਈਏ ਕਿ ਟਵਿਟਰ 'ਤੇ ਕਈ ਦੇਸ਼ਾਂ ਦੀਆਂ ਸਰਕਾਰਾਂ ਵੱਲੋਂ ਦਬਾਅ ਸੀ ਕਿ ਉਹ ਉਸ ਦੇ ਪਲੈਟਫ਼ਾਰਮ ਦੇ ਜ਼ਰੀਏ ਧਾਰਮਕ ਲੜਾਈ ਅਤੇ ਹਿੰਸਾ ਫ਼ਲਾਉਣ ਵਾਲੇ ਲੋਕਾਂ ਅਤੇ ਉਨ੍ਹਾਂ ਦੇ ਖ਼ਾਤੇ 'ਤੇ ਨੁਕੇਲ ਕਸੇ ਅਤੇ ਇਕ ਅਜਿਹਾ ਰੰਗ ਮੰਚ ਤਿਆਰ ਕਰੇ ਜਿੱਥੇ ਲੋਕਾਂ ਨੂੰ ਸਮੀਕਰਨ ਦੀ ਆਜ਼ਾਦੀ ਮਿਲੇ।
Twitter and Jack Dorsey
ਅਪਣੀ ਰਿਪੋਰਟ 'ਚ ਟਵਿਟਰ ਨੇ ਕਿਹਾ ਕਿ 93 ਫ਼ੀ ਸਦੀ ਖ਼ਾਤੇ ਉਨ੍ਹਾਂ ਦੇ ਅੰਦਰੂਨੀ ਸੰਦ ਕਾਰਨ ਸਸਪੈਂਡ ਕਰਨ 'ਚ ਕਾਮਯਾਬੀ ਮਿਲੀ, ਜਦਕਿ 74 ਫ਼ੀ ਸਦੀ ਖ਼ਾਤੇ ਉਨ੍ਹਾਂ ਦੇ ਪਹਿਲਾਂ ਤੋਂ ਹੀ ਸਸਪੈਂਡ ਕਰ ਦਿਤੇ ਗਏ।
Twitter
ਰਿਪੋਰਟ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਅਤਿਵਾਦ ਨੂੰ ਬੜ੍ਹਾਵਾ ਦੇਣ ਲਈ ਸਰਕਾਰੀ ਰਿਕਾਰਡ 'ਚ ਜਿੰਨੀ ਵੀ ਰਿਪੋਰਟ ਦਰਜ ਹਨ ਉਹ ਹੁਣ ਤਕ ਸਸਪੈਂਡ ਕੀਤੇ ਗਏ ਖ਼ਾਤੇ ਦੇ 0.2 ਫ਼ੀ ਸਦੀ ਹਿੱਸੇ ਤੋਂ ਵੀ ਘੱਟ ਹੈ।
