ਵਟਸਐਪ ਜਲਦ ਹੀ ਇਕ ਜ਼ਰੂਰੀ ਫੀਚਰ ਲਾਂਚ ਕਰਨ ਦੀ ਤਿਆਰੀ ਵਿਚ ਹੈ।
ਨਵੀਂ ਦਿੱਲੀ: ਵਟਸਐਪ ਜਲਦ ਹੀ ਇਕ ਜ਼ਰੂਰੀ ਫੀਚਰ ਲਾਂਚ ਕਰਨ ਦੀ ਤਿਆਰੀ ਵਿਚ ਹੈ। ਇਸ ਫੀਚਰ ਦੇ ਤਹਿਤ ਇਕ ਵਟਸਐਪ ਅਕਾਊਂਟ ਨੂੰ ਮਲਟੀਪਲ ਡਿਵਾਇਸ ਨਾਲ ਲਿੰਕ ਕੀਤਾ ਜਾ ਸਕੇਗਾ। ਮਲਟੀ ਡਿਵਾਇਸ ਸਪੋਰਟ ਦਾ ਫੀਚਰ ਪਿਛਲੇ ਕੁਝ ਸਮੇਂ ਤੋਂ ਟੈਸਟਿੰਗ ਦੌਰ ਵਿਚ ਹੈ।
ਇਕ ਰਿਪੋਰਟ ਮੁਤਾਬਕ Linked Device ਦਾ ਇਕ ਆਪਸ਼ਨ ਵੇਖਿਆ ਗਿਆ ਹੈ ਜਿਸ ਦਾ ਸਕ੍ਰੀਨਸ਼ਾਟ ਵੀ ਸ਼ੇਅਰ ਕੀਤਾ ਗਿਆ ਹੈ। ਵਟਸਐਪ ਦੇ ਤਾਜ਼ਾ ਬੀਟਾ 'ਚ ਲਿੰਕਡ ਡਿਵਾਈਸ ਦੀ ਸਕਰੀਨ ਦਿੱਤੀ ਗਈ ਹੈ। ਦੱਸ ਦਈਏ ਕਿ ਇਹ Android 2.20.143 ਦਾ ਅਪਡੇਟ ਹੈ।
ਮਲਟੀ ਡਿਵਾਈਸ ਸਪੋਰਟ ਤੋਂ ਬਾਅਦ, ਵਟਸਐਪ ਇਕੋ ਸਮੇਂ ਇਕ ਤੋਂ ਵੱਧ ਸਮਾਰਟਫੋਨ ਵਿਚ ਚਲਾਇਆ ਜਾ ਸਕਦਾ ਹੈ। ਇਸ ਸਕਰੀਨ ਸ਼ਾਟ 'ਚ ਲਿਖਿਆ ਹੈ, 'ਹੋਰ ਡਿਵਾਈਸਾਂ 'ਤੇ ਵੀ ਵਟਸਐਪ ਦੀ ਵਰਤੋਂ ਕਰੋ। ਆਪਣੇ ਕੰਪਿਊਟਰ ਜਾਂ ਫੇਸਬੁੱਕ ਪੋਰਟਲ ਤੋਂ ਸੁਨੇਹੇ ਭੇਜੋ ਜਾਂ ਪ੍ਰਾਪਤ ਕਰੋ'।
ਇਸ ਸਕਰੀਨਸ਼ਾਟ ਵਿਚ ਇਕ ਹਰਾ ਬਟਨ ਦਿਖ ਰਿਹਾ ਹੈ, ਜਿੱਥੇ ਲਿੰਕ ਡਿਵਾਇਸ ਲਿਖਿਆ ਹੈ। ਰਿਪੋਰਟ ਮੁਤਾਬਕ ਹਾਲੇ ਵੀ ਇਸ ਫੀਚਰ ਦਾ ਵਿਕਾਸ ਜਾਰੀ ਹੈ ਅਤੇ ਹੁਣ ਤੱਕ ਕੰਪਨੀ ਨੇ ਸਾਫ ਨਹੀਂ ਕੀਤਾ ਹੈ ਕਿ ਇਹ ਕਦੋਂ ਤੱਕ ਜਾਰੀ ਕੀਤਾ ਜਾਵੇਗਾ। ਇਕ ਹੋਰ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਮਲਟੀ ਡਿਵਾਇਸ ਸਪੋਟ ਆਮ ਐਪ ਨਾਲੋਂ ਥੋੜਾ ਵੱਖਰਾ ਹੋਵੇਗਾ, ਇਸ ਦੇ ਲਈ ਵਾਈਫਾਈ ਦੀ ਲੋੜ ਪੈ ਸਕਦੀ ਹੈ।
ਕਿਹਾ ਗਿਆ ਹੈ ਕਿ ਇਸ ਨਾਲ ਮੋਬਾਇਲ ਡਾਟਾ ਦੀ ਜ਼ਿਆਦਾ ਖਪਤ ਹੋ ਸਕਦੀ ਹੈ। ਜ਼ਿਕਰਯੋਗ ਹੈ ਕਿ ਮੌਜੂਦਾ ਸਮੇਂ ਵਿਚ ਤੁਸੀਂ ਇਕ ਮੋਬਾਇਲ 'ਤੇ ਇਕ ਹੀ ਵਟਸਐਪ ਚਲਾ ਸਕਦੇ ਹੋ। ਇਸ ਤੋਂ ਇਲਾਵਾ ਡੇਸਕਟਾਪ ਐਪ ਜਾਂ ਫਿਰ ਵਟਸਐਪ ਵੈੱਬ ਯੂਜ਼ ਕਰ ਸਕਦੇ ਹੋ।