ਟਿਕ-ਟੋਕ ਦੇ ਦੁਨੀਆਂ ਭਰ ਵਿਚ 150 ਕਰੋੜ ਯੂਜ਼ਰ ਹੋ ਚੁੱਕੇ ਹਨ
ਨਵੀਂ ਦਿੱਲੀ : ਸੋਸ਼ਲ ਮੀਡੀਆ ਐਪ ਟਿਕ-ਟੋਕ ਦੇ ਦੁਨੀਆਂ ਭਰ ਵਿਚ ਕਰੋੜਾਂ ਯੂਜ਼ਰ ਹਨ। ਇਹ ਐਪ ਮਨੋਰੰਜਨ ਦਾ ਵੀ ਇਕ ਵੱਡਾ ਸਾਧਨ ਬਣਦੀ ਜਾ ਰਹੀ ਹੈ ਪਰ ਇਸ ਐਪ ਦੀ ਸਿਕਊਰਿਟੀ ਨੂੰ ਲੈ ਕੇ ਕਈ ਵਾਰ ਸਵਾਲ ਖੜੇ ਹੋ ਚੁੱਕੇ ਹਨ। ਹੁਣ ਇਕ ਵਾਰ ਫਿਰ ਇਜ਼ਰਾਇਲ ਦੀ ਸਾਈਬਰ ਸਿਕਊਰਿਟੀ ਫਰਮ ਚੈਕ ਪਵਾਇੰਟ ਨੇ ਟਿਕ-ਟੋਕ ਦੇ ਨਾਲ ਫੋਨ ਹੈਕ ਹੋਣ ਦੀ ਗੱਲ ਕਹੀ ਹੈ।
File Photo
ਮੀਡੀਆ ਰਿਪਰੋਟਾ ਮੁਤਾਬਕ ਸਾਈਬਰ ਸਿਕਊਰਿਟੀ ਰਿਸਰਚ ਫਾਰਮ ਨੇ ਟਿਕ-ਟੋਕ ਮੋਬਾਇਲ ਐਪ ਵਿਚ ਛਿਪੇ ਹੋਏ ਖਤਰਿਆਂ ਦੀ ਪਹਿਚਾਣ ਕੀਤੀ ਹੈ। ਐਪ ਵਿਚ ਮੌਜੂਦ ਕਮਜ਼ੋਰੀਆ ਦੇ ਚੱਲਦੇ ਹੈਕਰ ਯੂਜ਼ਰਾ ਦਾ ਅਕਾਊਂਟਰ ਹੈਕ ਕਰ ਉਨ੍ਹਾਂ ਦੀ ਨਿੱਜੀ ਜਾਣਕਾਰੀ ਨੂੰ ਚੋਰੀ ਕਰ ਸਕਦੇ ਹਨ। ਫਰਮ ਦਾ ਕਹਿਣਾ ਹੈ ਕਿ ਇਸ ਬਾਰੇ ਟਿਕ-ਟੋਕ ਅਥਾਰਿਟੀਜ਼ ਨੂੰ ਜਾਣਕਾਰੀ ਵੀ ਦਿੱਤੀ ਹੈ ਅਤੇ ਇਸ ਨਾਲ ਨਿਪਟਨ ਲਈ ਹੱਲ ਵੀ ਦੱਸ ਦਿੱਤਾ ਹੈ।
File Photo
ਰਿਪੋਰਟਾ ਅਨੁਸਾਰ ਚੈਕ ਪਵਾਇੰਟ ਰਿਸਰਚ ਨੇ ਦੱਸਿਆ ਕਿ ਹੈਕਰ ਮੈਸੇਜ ਦੇ ਜਰੀਏ ਟਿਕ-ਟੋਕ ਅਕਾਊਂਟ ਨੂੰ ਹੈਕ ਕਰ ਸਕਦੇ ਹਨ। ਜੇਕਰ ਯੂਜ਼ਰ ਉਸ ਲਿੰਕ 'ਤੇ ਕਲਿੱਕ ਕਰਦਾ ਹੈ ਜੋ ਕਿ ਹੈਕਰ ਦੁਆਰਾ ਭੇਜਿਆ ਜਾਂਦਾ ਹੈ ਤਾਂ ਹੈਕਰ ਨੂੰ ਉਸ ਦੇ ਟਿਕ-ਟੋਕ ਦਾ ਕੰਟਰੋਲ ਮਿਲ ਜਾਂਦਾ ਹੈ ਜਿਸ ਨਾਲ ਉਹ ਯੂਜ਼ਰ ਦੇ ਅਕਾਊਂਟ 'ਤੇ ਕੁੱਝ ਵੀ ਸ਼ੇਅਰ ਕਰ ਸਕਦਾ ਹੈ। ਇਸ ਦਾ ਮਤਲਬ ਇਹ ਹੈ ਕਿ ਹੈਕਰ ਯੂਜ਼ਰ ਦੇ ਨਿੱਜੀ ਵੀਡੀਓ ਨੂੰ ਪਬਲਿਕ ਕਰ ਸਕਦਾ ਹੈ ਅਤੇ ਦੂਜੇ ਵੀਡੀਓ ਡਿਲੀਟ ਕਰ ਸਕਦਾ ਹੈ।
File Photo
ਚੈਕ ਪਵਾਇੰਟ ਦਾ ਕਹਿਣਾ ਹੈ ਕਿ ਇਸ ਕਮੀ ਦੀ ਵਜ੍ਹਾ ਕਰਕੇ ਯੂਜ਼ਰ ਦੀ ਪਰਸਨਲ ਜਾਣਕਾਰੀ ਲਿਕ ਹੋ ਸਕਦੀ ਹੈ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਟਿਕ-ਟੋਕ ਦਾ ਸਬ-ਡੋਮੇਨ ਇਸ ਤਰ੍ਹਾਂ ਦੇ ਹਮਲੇ ਦਾ ਕਾਰਨ ਹੈ।ਟਿਕ-ਟੋਕ ਦੇ ਦੁਨੀਆਂ ਭਰ ਵਿਚ 150 ਕਰੋੜ ਯੂਜ਼ਰ ਹੋ ਚੁੱਕੇ ਹਨ। ਪਿਛਲੇ ਸਾਲ 68 ਕਰੋੜ ਯੂਜ਼ਰ ਇਸ ਐਪ ਨਾਲ ਜੁੜੇ ਸਨ। ਜੇਕਰ ਭਾਰਤ ਦੀ ਗੱਲ ਕਰੀਏ ਤਾਂ ਇਸ ਵੇਲੇ ਲਗਭਗ 30 ਕਰੋੜ ਤੋਂ ਵੱਧ ਐਕਟੀਵ ਯੂਜ਼ਰ ਹਨ।
