ਕੰਪਨੀ ਨੇ ਕਿਹਾ ਹੈ ਕਿ ਉਸ ਦੇ ਪ੍ਰੀਪੇਡ ਗਾਹਕ ਜੋ ਲੌਕਡਾਊਨ ਦੌਰਾਨ ਆਪਣੇ ਫੋਨ ਰੀਚਾਰਜ ਨਹੀਂ ਕਰਾ ਸਕਣਗੇ, ਉਹਨਾਂ ਦੇ ਫੋਨ ‘ਤੇ 5 ਮਈ ਤੱਕ ਇੰਨਕਮਿੰਗ ਕਾਲ ਜਾਰੀ ਰਹਿਣਗੀਆਂ
ਨਵੀਂ ਦਿੱਲੀ: ਜਨਤਕ ਖੇਤਰ ਦੀ ਦੂਰਸੰਚਾਰ ਕੰਪਨੀ ਭਾਰਤ ਸੰਚਾਰ ਨਿਗਮ ਲਿਮਟਡ (ਬੀਐਸਐਨਐਲ) ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਰਿਚਾਰਜ ਨਾ ਹੋਣ ਦੇ ਬਾਵਜੂਦ ਉਸ ਦੇ ਪ੍ਰੀਪੇਡ ਗਾਹਕਾਂ ਦੇ ਕੁਨੈਕਸ਼ਨਾਂ ਦੀ ਮਿਆਦ ਰਿਚਾਰਜ 5 ਮਈ ਤੱਕ ਜਾਰੀ ਰਹੇਗੀ।
ਯਾਨੀ ਉਹਨਾਂ ਦੇ ਫੋਨ ‘ਤੇ ਇੰਨਕਮਿੰਗ ਕਾਲ ਜਾਰੀ ਰਹੇਗੀ। ਕੰਪਨੀ ਨੇ ਇਕ ਬਿਆਨ ਵਿਚ ਕਿਹਾ ਹੈ ਕਿ ਉਸ ਦੇ ਪ੍ਰੀਪੇਡ ਗਾਹਕ ਜੋ ਲੌਕਡਾਊਨ ਦੌਰਾਨ ਆਪਣੇ ਫੋਨ ਰੀਚਾਰਜ ਨਹੀਂ ਕਰਾ ਸਕਣਗੇ, ਉਹਨਾਂ ਦੇ ਫੋਨ ‘ਤੇ 5 ਮਈ ਤੱਕ ਇੰਨਕਮਿੰਗ ਕਾਲ ਜਾਰੀ ਰਹਿਣਗੀਆਂ।
ਕੰਪਨੀ ਨੇ ਬਿਆਨ ਵਿਚ ਕਿਹਾ ਹੈ ਕਿ ਗਾਹਕਾਂ ਦੀਆਂ ਸਮੱਸਿਆਵਾਂ ਨੂੰ ਧਿਆਨ ਵਿਚ ਰੱਖਦੇ ਹੋਏ, ਜਿਨ੍ਹਾਂ ਗਾਹਕਾਂ ਦੀ ਵੈਲਡਿਟੀ ਲੌਕਡਾਊਨ ਦੌਰਾਨ ਖਤਮ ਹੋ ਗਈ ਅਤੇ ਉਹਨਾਂ ਦਾ ਬਕਾਇਆ ਜ਼ੀਰੋ ਰਹਿ ਗਿਆ ਹੈ, ਉਹਨਾਂ ਨੂੰ ਲਾਭ ਦਿੱਤਾ ਜਾਵੇਗਾ। ਇਸ ਦੇ ਲਈ ਉਹਨਾਂ ਨੂੰ ਕੋਈ ਫੀਸ ਨਹੀਂ ਦੇਣੀ ਪਵੇਗੀ।
ਇਸ ਤੋਂ ਇਲ਼ਾਵਾ ਬੀਐਸਐਨਐਲ ਨੇ ਅਪਣੇ ਗਾਹਕਾਂ ਲਈ ਰਿਚਾਰਜ ਹੈਲਪਲਾਈਨ ਵੀ ਸ਼ੁਰੂ ਕੀਤੀ ਹੈ। ਇਹ ਸਹੂਲਤ ਮੌਜੂਦਾ ਸਮੇਂ ਵਿਚ ਉੱਤਰੀ ਅਤੇ ਪੱਛਮੀ ਖੇਤਰ ਲਈ ਉਪਲਬਧ ਹੈ, ਜਦਕਿ ਦੱਖਣੀ ਅਤੇ ਪੂਰਬੀ ਖੇਤਰ ਲਈ ਇਹ ਸਹੂਲਤ 22 ਅਪ੍ਰੈਲ 2020 ਤੋਂ ਉਪਲਬਧ ਹੋ ਜਾਵੇਗੀ।
ਬੀਐਸਐਨਐਲ ਦੇ ਸੀਐਮਡੀ ਪੀ ਕੇ ਪੁਰਵਾਰ ਨੇ ਕਿਹਾ ਕਿ ਸੰਕਟ ਦੇ ਇਸ ਸਮੇਂ ਵਿਚ ਬੀਐਸਐਨਐਲ ਆਪਣੇ ਗਾਹਕਾਂ ਦੇ ਨਾਲ ਦ੍ਰਿੜਤਾ ਨਾਲ ਖੜ੍ਹੀ ਹੈ ਅਤੇ ਅਸੀਂ ਆਪਣੇ ਗ੍ਰਾਹਕਾਂ ਅਪੀਲ ਕਰਦੇ ਹਾਂ ਕਿ ਉਹ ਆਪਣੇ ਖਾਤਿਆਂ ਨੂੰ ਰੀਚਾਰਜ ਕਰਨ ਲਈ ਡਿਜੀਟਲ ਪਲੇਟਫਾਰਮ ਦੀ ਵਰਤੋਂ ਕਰਨ।