ਗੂਗਲ ਦੇ ਮੇਲਬਾਕਸ ਜੀਮੇਲ ਦੀ ਵਰਤੋਂ ਕਰਨ ਵਾਲਿਆਂ ਲਈ ਜ਼ਰੂਰੀ ਖ਼ਬਰ ਹੈ।
ਨਵੀਂ ਦਿੱਲੀ: ਗੂਗਲ ਦੇ ਮੇਲਬਾਕਸ ਜੀਮੇਲ ਦੀ ਵਰਤੋਂ ਕਰਨ ਵਾਲਿਆਂ ਲਈ ਜ਼ਰੂਰੀ ਖ਼ਬਰ ਹੈ। ਦਰਅਸਲ ਭਾਰਤ, ਆਸਟ੍ਰੇਲੀਆ, ਜਪਾਨ ਅਤੇ ਦੁਨੀਆਂ ਦੇ ਕਈ ਹਿੱਸਿਆਂ ਵਿਚ ਜੀਮੇਲ ਦਾ ਸਰਵਰ ਡਾਊਨ ਹੋ ਗਿਆ ਹੈ। ਵੀਰਵਾਰ ਤੋਂ ਹੀ ਯੂਜ਼ਰਸ ਨੂੰ ਜੀਮੇਲ ਤੋਂ ਈਮੇਲ ਕਰਨ ਅਤੇ ਫਾਈਲ ਅਟੈਚਮੈਂਟ ਵਿਚ ਮੁਸ਼ਕਿਲ ਆ ਰਹੀ ਹੈ।
Gmail
ਇਸ ਤੋਂ ਇਲਾਵਾ ਜੀਮੇਲ ਨਾਲ ਸਬੰਧਤ ਕਈ ਸੇਵਾਵਾਂ ਵਿਚ ਪਰੇਸ਼ਾਨੀ ਆ ਰਹੀ ਹੈ। ਗੂਗਲ ਡਰਾਈਵ ਨੂੰ ਲੈ ਕੇ ਵੀ ਲੋਕ ਸੋਸ਼ਲ ਮੀਡੀਆ ‘ਤੇ ਸ਼ਿਕਾਇਤ ਕਰ ਰਹੇ ਹਨ। ਇਸ ਤੋਂ ਇਲਾਵਾ ਯੂਟਿਊਬ ‘ਤੇ ਵੀ ਵੀਡੀਓ ਅਪਲੋਡ ਕਰਨ ਵਿਚ ਕੁਝ ਤਕਨੀਕੀ ਰੁਕਾਵਟ ਦੱਸੀ ਜਾ ਰਹੀ ਹੈ।
Google
ਕੰਪਨੀ ਨੇ ਕੀਤੀ ਪੁਸ਼ਟੀ
ਇਹਨਾਂ ਸ਼ਿਕਾਇਤਾਂ ਤੋਂ ਬਾਅਦ ਕੰਪਨੀ ਨੇ ਪੁਸ਼ਟੀ ਕੀਤੀ ਹੈ ਕਿ ਕੁਝ ਯੂਜ਼ਰਸ ਲਈ ਜੀਮੇਲ ਡਾਊਨ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਜੀਮੇਲ ‘ਤੇ ਐਕਟਿਵ ਯੂਜ਼ਰਸ ਦੀ ਗਿਣਤੀ ਕਾਫ਼ੀ ਜ਼ਿਆਦਾ ਹੋਣ ਕਾਰਨ ਸਰਵਿਸ ਡਾਊਨ ਹੋ ਗਈ ਹੈ। ਫਿਲਹਾਲ ਕੰਪਨੀ ਇਸ error ਨੂੰ ਠੀਕ ਕਰਨ ਦੀ ਪੂਰੀ ਕੋਸ਼ਿਸ਼ ਕਰ ਰਹੀ ਹੈ।
Gmail
ਅੱਜ ਸਵੇਰੇ 9 ਵਜੇ ਤੋਂ ਹੋ ਰਹੀ ਹੈ ਮੁਸ਼ਕਿਲ
ਇੰਟਰਨੈੱਟ ‘ਤੇ ਨਜ਼ਰ ਰੱਖਣ ਵਾਲੀ ਡਾਊਨਡਿਟੇਕਟਰ ਵੈੱਬਸਾਈਟ ਮੁਤਾਬਕ 20 ਅਗਸਤ ਨੂੰ ਸਵੇਰੇ 9 ਵਜੇ ਇਹ ਸਮੱਸਿਆ ਆਈ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਸਭ ਜ਼ਿਆਦਾ 62 ਫੀਸਦੀ ਸਮੱਸਿਆ ਫਾਈਲ ਅਟੈਚਮੈਂਟ ਦੀ, 27 ਫੀਸਦੀ ਲਾਗਇੰਨ ਦੀ ਅਤੇ 10 ਫੀਸਦੀ ਮੈਜੇਸ ਪ੍ਰਾਪਤ ਨਾ ਹੋਣ ਦੀ ਹੈ। ਜੀਮੇਲ ਜਾਂ ਡਰਾਈਵ ‘ਤੇ ਕੋਈ ਫਾਈਲ ਅਟੈਚ ਕਰਨ ‘ਤੇ ਵਾਰ-ਵਾਰ ਜੰਪ ਹੋ ਰਹੀ ਹੈ ਅਤੇ ਦੁਬਾਰਾ ਅਟੈਚ ਹੋਣ ਲੱਗਦੀ ਹੈ। ਪਿਛਲੇ ਮਹੀਨੇ ਵੀ ਜੀਮੇਲ ਵਿਚ ਸਮੱਸਿਆ ਆਈ ਸੀ। ਕਈ ਯੂਜ਼ਰਸ ਨੇ ਲਾਗਇੰਨ ਨਾ ਹੋਣ ਦੀ ਸ਼ਿਕਾਇਤ ਕੀਤੀ ਸੀ।
#Gmaildown
— Saurabh Omer (@saurabh_omer) August 20, 2020
I'm facing issue from morning and can’t send mails or attach files.
Showing Oops, something went wrong....#Gamil #Google pic.twitter.com/hq3GRC8HjI
ਜਲਦ ਠੀਕ ਹੋ ਜਾਵੇਗੀ ਸਮੱਸਿਆ
ਗੂਗਲ ਜੀਮੇਲ ਵਿਚ ਆਏ ਇਸ error ਦੀ ਜਾਂਚ ਕਰ ਰਿਹਾ ਹੈ। ਗੂਗਲ ਨੇ ਦੱਸਿਆ ਹੈ ਕਿ ਅਸੀਂ ਇਸ ਦੀ ਜਾਂਚ ਕਰ ਰਹੇ ਹਾਂ। ਅਸੀਂ ਉਮੀਦ ਕਰਦੇ ਹਾਂ ਕਿ ਜਲਦ ਹੀ ਇਸ ਨੂੰ ਠੀਕ ਕਰ ਦੇਵਾਂਗੇ। ਇਸ ਤੋਂ ਇਲਾਵਾ ਗੂਗਲ ਡਰਾਇਵ, ਗੂਗਲ ਡਾਕਸ ਅਤੇ ਗੂਗਲ ਸ਼ੀਟ ਆਦਿ ਹੋਰ ਸੇਵਾਵਾਂ ਵੀ ਪ੍ਰਭਾਵਿਤ ਹੋਈਆਂ ਹਨ।
