ਕੋਰੋਨਾ ਵਾਇਰਸ ਮਰੀਜਾਂ ਨੂੰ ਟਰੈਕ ਕਰਨ ਲਈ ਭਾਰਤ ਸਰਕਾਰ ਨੇ ਅਰੋਗਿਆ ਸੇਤੂ ਐਪ ਲਾਂਚ ਕੀਤਾ ਸੀ।
ਨਵੀਂ ਦਿੱਲੀ: ਕੋਰੋਨਾ ਵਾਇਰਸ ਮਰੀਜਾਂ ਨੂੰ ਟਰੈਕ ਕਰਨ ਲਈ ਭਾਰਤ ਸਰਕਾਰ ਨੇ ਅਰੋਗਿਆ ਸੇਤੂ ਐਪ ਲਾਂਚ ਕੀਤਾ ਸੀ। ਕੁਝ ਹੀ ਸਮੇਂ ਵਿਚ ਇਸ ਐਪ ਨੇ ਕਾਫੀ ਪ੍ਰਸਿੱਧੀ ਹਾਸਲ ਕਰ ਲਈ ਪਰ ਇਹਨਾਂ ਦਿਨੀਂ ਇਸ ਐਪ ਦੀ ਪ੍ਰਾਇਵੇਸੀ ਪਾਲਿਸੀ 'ਤੇ ਕਈ ਤਰ੍ਹਾਂ ਦੇ ਸਵਾਲ ਚੁੱਕੇ ਜਾ ਰਹੇ ਹਨ।
Aarogya Setu
ਪਰ ਹੁਣ ਸਰਕਾਰ ਨੇ ਇਸ ਐਪ ਨੂੰ ਲੈ ਕੇ ਵੱਡਾ ਐਲਾਨ ਕੀਤਾ ਹੈ, ਇਸ ਐਪ ਵਿਚ ਕਮੀ ਲੱਭਣ ਵਾਲੇ ਨੂੰ 4 ਲੱਖ ਦਾ ਇਨਾਮ ਦਿੱਤਾ ਜਾਵੇਗਾ। ਪਬਲਿਕ ਡਿਮਾਂਡ 'ਤੇ ਇਸ ਐਪ ਦੇ ਸੋਰਸ ਕੋਡ ਨੂੰ ਪਬਲਿਕ ਕਰ ਦਿੱਤਾ ਗਿਆ ਹੈ। ਹਾਲਾਂਕਿ ਹਾਲੇ ਸਿਰਫ ਐਂਡਰਾਇਡ ਵਰਜ਼ਨ ਨੂੰ ਓਪਨ ਸੋਰਸ ਕੀਤਾ ਗਿਆ ਹੈ।
PM Modi
iOS ਅਤੇ KaiOS ਵਰਜ਼ਨ ਦਾ ਸੋਰਸ ਕੋਡ ਬਾਅਦ ਵਿਚ ਜਾਰੀ ਕੀਤਾ ਜਾਵੇਗਾ। ਲਗਾਰਾਤ ਉੱਠਦੇ ਸਵਾਲਾਂ ਦੌਰਾਨ ਕੇਂਦਰ ਸਰਕਾਰ ਨੇ ਅਰੋਗਿਆ ਸੇਤੂ ਐਪ ਵਿਚ ਕਮੀ ਲੱਭਣ ਲਈ ਬਗ ਬਾਊਂਟੀ ਪ੍ਰੋਗਰਾਮ ਲਾਂਚ ਕੀਤਾ ਹੈ। ਇਸ ਦੇ ਤਹਿਤ ਐਪ ਵਿਚ ਕਮੀ ਲੱਭਣ ਵਾਲੇ ਨੂੰ 4 ਲੱਖ ਤੱਕ ਦਾ ਇਨਾਮ ਦਿੱਤਾ ਜਾਵੇਗਾ।
Aarogya Setu
ਇਸ ਇਨਾਮ ਰਾਸ਼ੀ ਨੂੰ ਚਾਰ ਭਾਗਾਂ ਵਿਚ ਰੱਖਿਆ ਗਿਆ ਹੈ। ਅਰੋਗਿਆ ਸੇਤੂ ਵਿਚ ਸੁਰੱਖਿਆ ਦੇ ਤਿੰਨ ਭਾਗਾਂ ਵਿਚ ਇਕ-ਇਕ ਲੱਖ ਰੁਪਏ ਦਾ ਇਨਾਮ ਰੱਖਿਆ ਗਿਆ ਹੈ। ਇਸ ਦੇ ਨਾਲ ਹੀ ਕੋਡ ਵਿਚ ਸੁਧਾਰ ਲਈ ਸੁਝਾਅ ਦੇਣ ਵਾਲੇ ਨੂੰ ਇਕ ਲੱਖ ਦਾ ਇਨਾਮ ਦਿੱਤਾ ਜਾਵੇਗਾ। ਬਾਊਂਟੀ ਪ੍ਰੋਗਰਾਮ ਨੂੰ 27 ਮਈ ਤੋਂ ਲੈ ਕੇ 26 ਜੂਨ ਤੱਕ ਖੋਲ੍ਹਿਆ ਗਿਆ ਹੈ।
Aarogya setu
ਬਾਊਂਟੀ ਪ੍ਰੋਗਰਾਮ ਵਿਚ ਹਿੱਸਾ ਲੈਣ ਵਾਲੇ ਲੋਕਾਂ ਨੂੰ ਐਪ ਦਾ ਓਪਨ ਸੋਰਸ ਰਿਸਰਚ ਕਮਿਊਨਿਟੀ ਲਈ ਮੌਜੂਦ ਕਰਵਾਉਣਾ ਹੋਵੇਗਾ, ਜਿਸ ਦੇ ਤਹਿਤ ਯੂਜ਼ਰਸ ਅਤੇ ਰਿਸਰਚਰ ਐਪ ਦੀ ਪ੍ਰਾਈਵੇਸੀ ਅਤੇ ਸੁਰੱਖਿਆ ਦੀ ਕਮੀ ਦੀ ਜਾਣਕਾਰੀ ਦੇ ਸਕਦੇ ਹਨ। ਇਸ ਵਿਚ ਕਮੀ ਪਾਏ ਜਾਣ 'ਤੇ ਉਸ ਨੂੰ as-bugbounty@nic.in 'ਤੇ ਜਾਣਕਾਰੀ ਦੇਣੀ ਹੋਵੇਗੀ ਅਤੇ Security Vulnerability Report ਦੀ ਸਬਜੇਕਟ ਲਾਈਨ ਦੇ ਨਾਲ ਭੇਜਣਾ ਹੋਵੇਗਾ।
