ਪੰਜਾਬ ਦੇ ਜੀਐੱਸਟੀ ਕੁਲੈਕਸ਼ਨ ਵਿਚ 18% ਦਾ ਵਾਧਾ ਹੋਇਆ ਹੈ
GST Collection News: ਵਿੱਤ ਮੰਤਰਾਲੇ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਘਰੇਲੂ ਲੈਣ-ਦੇਣ ਵਧਣ ਕਾਰਨ ਫਰਵਰੀ 'ਚ ਵਸਤੂ ਅਤੇ ਸੇਵਾ ਕਰ (ਜੀਐੱਸਟੀ) ਦੀ ਕੁਲੈਕਸ਼ਨ 12.5 ਫ਼ੀ ਸਦੀ ਵਧ ਕੇ 1.68 ਲੱਖ ਕਰੋੜ ਰੁਪਏ ਤੋਂ ਜ਼ਿਆਦਾ ਹੋ ਗਈ। ਇਸ ਦੌਰਾਨ ਪੰਜਾਬ ਦੇ ਜੀਐੱਸਟੀ ਕੁਲੈਕਸ਼ਨ ਵਿਚ 18% ਦਾ ਵਾਧਾ ਹੋਇਆ ਹੈ, ਜੋ ਕਿ ਫਰਵਰੀ 2023 ਵਿਚ 1651 ਕਰੋੜ ਦੇ ਮੁਕਾਬਲੇ ਫਰਵਰੀ 2024 ਵਿਚ 1955 ਕਰੋੜ ਰੁਪਏ ਰਿਹਾ ਹੈ।
ਇਸ ਨਾਲ ਚਾਲੂ ਵਿੱਤੀ ਸਾਲ ਦੇ ਪਹਿਲੇ 11 ਮਹੀਨਿਆਂ 'ਚ ਕੁੱਲ ਜੀਐੱਸਟੀ ਕੁਲੈਕਸ਼ਨ 18.40 ਲੱਖ ਕਰੋੜ ਰੁਪਏ 'ਤੇ ਪਹੁੰਚ ਗਿਆ ਹੈ। ਇਹ ਪਿਛਲੇ ਵਿੱਤੀ ਸਾਲ ਦੀ ਇਸੇ ਮਿਆਦ ਦੌਰਾਨ ਹੋਈ ਟੈਕਸ ਉਗਰਾਹੀ ਨਾਲੋਂ 11.7 ਫ਼ੀ ਸਦੀ ਜ਼ਿਆਦਾ ਹੈ। ਮੌਜੂਦਾ ਵਿੱਤੀ ਸਾਲ 'ਚ ਔਸਤ ਮਾਸਿਕ ਕੁਲ ਕੁਲੈਕਸ਼ਨ 1.67 ਲੱਖ ਕਰੋੜ ਰੁਪਏ ਰਹੀ ਹੈ, ਜੋ ਪਿਛਲੇ ਵਿੱਤੀ ਸਾਲ ਦੇ 1.5 ਲੱਖ ਕਰੋੜ ਰੁਪਏ ਤੋਂ ਜ਼ਿਆਦਾ ਹੈ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਮੰਤਰਾਲੇ ਨੇ ਇਕ ਬਿਆਨ 'ਚ ਕਿਹਾ ਕਿ ਫਰਵਰੀ 2024 'ਚ ਕੁਲ ਜੀਐੱਸਟੀ ਮਾਲੀਆ 1,68,337 ਕਰੋੜ ਰੁਪਏ ਹੈ, ਜੋ ਕਿ 2023 ਦੇ ਇਸੇ ਮਹੀਨੇ ਦੇ ਮੁਕਾਬਲੇ 12.5 ਫ਼ੀ ਸਦੀ ਜ਼ਿਆਦਾ ਹੈ। ਟੈਕਸ ਕੁਲੈਕਸ਼ਨ 'ਚ ਮਜ਼ਬੂਤ ਵਾਧੇ ਪਿਛੇ ਘਰੇਲੂ ਲੈਣ-ਦੇਣ ਤੋਂ ਟੈਕਸ 'ਚ 13.9 ਫ਼ੀ ਸਦੀ ਅਤੇ ਵਸਤੂਆਂ ਦੀ ਦਰਾਮਦ ਤੋਂ ਜੀਐੱਸਟੀ 'ਚ 8.5 ਫ਼ੀ ਸਦੀ ਵਾਧੇ ਅਹਿਮ ਭੂਮਿਕਾ ਰਹੀ ਹੈ।
(For more Punjabi news apart from GST collection increased by 12.5 percent in February , stay tuned to Rozana Spokesman)
