ਮਾਰੂਤੀ ਦੀ ਡੀਲਰ ਨੀਲਮ ਬਜਾਜ ਦੱਸਦੀ ਹੈ ਕਿ ਉਨਾਂ ਦੀ ਕੰਪਨੀ ਦੀਆਂ ਗੱਡੀਆਂ 'ਤੇ 35 ਹਜ਼ਾਰ ਤੋਂ ਲੈ ਕੇ ਇਕ ਲੱਖ 12 ਹਜ਼ਾਰ ਰੁਪਏ ਤੱਕ ਦੀ ਛੋਟ ਦਿੱਤੀ ਜਾ ਰਹੀ ਹੈ।
ਨਵੀਂ ਦਿੱਲੀ- ਜੇ ਤੁਸੀਂ ਆਪਣੀ ਕਾਰ ਲੈਣਾ ਚਾਹੁੰਦੇ ਹੋ ਤਾਂ ਇਸ ਤਿਉਹਾਰ ਦੇ ਮੌਸਮ ਤੋਂ ਚੰਗਾ ਮੌਕਾ ਨਹੀਂ ਮਿਲੇਗਾ। ਇਸ ਤਿਉਹਾਰ ਦੇ ਮੌਸਮ ਵਿਚ ਮਾਰੂਤੀ, ਹਾਂਡਾ, ਮਹਿੰਦਰਾ, ਰੇਨੋ ਅਤੇ ਹੋਰ ਕੰਪਨੀਆਂ 40 ਹਜ਼ਾਰ ਤੋਂ ਲੈ ਕੇ 1.25 ਲੱਖ ਤੱਕ ਦੀ ਛੋਟ ਦੇ ਰਹੀਆਂ ਹਨ। ਅਜਿਹੀ ਸਥਿਤੀ ਵਿਚ, ਇਨ੍ਹਾਂ ਵਾਹਨਾਂ ਨੂੰ ਘਰ ਲਿਆਉਣ ਦਾ ਸੁਪਨਾ ਇਸ ਤਿਉਹਾਰ ਦੇ ਮੌਸਮ ਵਿਚ ਪੂਰਾ ਹੋ ਸਕਦਾ ਹੈ।
ਉੱਥੇ ਹੀ 2020 ਤੋਂ ਬੀਐਸ 6 ਦੇ ਨਵੇਂ ਇੰਜਣਾਂ ਦੀਆਂ ਗੱਡੀਆਂ ਦੀ ਵਿਕਰੀ ਸ਼ੁਰੂ ਹੋਵੇਗੀ, ਅਜਿਹੇ ਵਿਚ ਇਹਨਾ ਦੀਆਂ ਕੀਮਤਾਂ ਵਿਚ 10 ਫੀਸਦੀ ਤੱਕ ਵਾਧਾ ਹੋ ਜਾਵੇਗਾ। ਮਹਿੰਦਰਾ ਐਂਡ ਮਹਿੰਦਰਾ ਦੇ ਆਟੋਮੋਟਿਵ ਸੈਕਟਰ ਦੇ ਪ੍ਰਧਾਨ ਰਾਜਨ ਬਢੇਰਾ ਨੇ ਕਿਹਾ ਕਿ ਪ੍ਰਦੇਸ਼ ਵਿਚ ਮਹਿੰਦਰਾ ਵਾਹਨਾਂ ‘ਤੇ 68 ਹਜ਼ਾਰ ਰੁਪਏ ਤੱਕ ਦਾ ਗਾਹਕਾਂ ਨੂੰ ਲਾਭ ਦੇ ਰਹੀ ਹੈ। ਜਿਸ ਵਿਚ ਵਾਹਨ ਵਟਾਂਦਰੇ ਅਤੇ ਅਪਡੇਟੇਸ਼ਨ, ਬੋਨਸ, ਨਕਦ ਛੂਟ, ਮੁਫਤ ਬੀਮਾ ਅਤੇ ਐਕਸੈਸਰੀਜ਼ ਸ਼ਾਮਲ ਹਨ। ਇਸ ਵਿਸ਼ੇਸ਼ ਯੋਜਨਾ ਵਿਚ ਕੰਪਨੀ ਦੀ ਪੈਸੈਂਜਰ ਰੇਂਜ ਦੇ ਨਾਲ ਨਾਲ ਵਪਾਰਕ ਵਾਹਨ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ।
ਮਾਰੂਤੀ ਦੀ ਡੀਲਰ ਨੀਲਮ ਬਜਾਜ ਦੱਸਦੀ ਹੈ ਕਿ ਉਨਾਂ ਦੀ ਕੰਪਨੀ ਦੀਆਂ ਗੱਡੀਆਂ 'ਤੇ 35 ਹਜ਼ਾਰ ਤੋਂ ਲੈ ਕੇ ਇਕ ਲੱਖ 12 ਹਜ਼ਾਰ ਰੁਪਏ ਤੱਕ ਦੀ ਛੋਟ ਦਿੱਤੀ ਜਾ ਰਹੀ ਹੈ। ਉੱਥੇ ਹੀ ਡਟਸਨ ਦੀਆਂ ਗੱਡੀਆਂ 'ਤੇ 62 ਹਜ਼ਾਰ ਰੁਪਏ ਅਤੇ ਹਾਂਡਾ ਕੰਪਨੀ ਦੀਆਂ ਗੱਡੀਆਂ 'ਤੇ 62 ਹਜ਼ਾਰ ਤੋਂ ਲੈ ਕੇ 86 ਹਜ਼ਾਰ ਰੁਪਏ ਤੱਕ ਦੀ ਛੋਟ ਦਿੱਤੀ ਜਾ ਰਹੀ ਹੈ। ਬਜ਼ਾਰ ਦੇ ਜਾਣਕਾਰਾੰ ਦਾ ਮੰਨਣਾ ਹੈ ਕਿ ਅਪ੍ਰੈਲ 2020 ਤੱਕ, BS6 ਦੀਆਂ ਗੱਡੀਆਂ ਮਾਰਕੀਟ ਵਿਚ ਆ ਜਾਣਗੀਆਂ ਅਤੇ ਬੀਐਸ 4 ਦੀ ਵਿਕਰੀ ਬੰਦ ਹੋ ਜਾਵੇਗੀ।
ਉਹਨਾਂ ਦਾ ਕਹਿਣਾ ਹੈ ਕਿ ਵਾਹਨਾਂ ਵਿਚ ਬੀਐਸ 6 ਇੰਜਣ ਦੇ ਨਾਲ, ਬੀਮਾ, ਏਅਰ ਬੈਗ ਵਰਗੀਆਂ ਸਹੂਲਤਾਂ ਵਿਚ ਲਗਭਗ 10 ਪ੍ਰਤੀਸ਼ਤ ਦਾ ਵਾਧਾ ਕੀਤਾ ਜਾਵੇਗਾ। ਜਿਸ ਦਾ ਅਸਰ ਗੱਡੀਆਂ ਦੀਆਂ ਕੀਮਤਾਂ ਤੇ ਪਵੇਗਾ। ਅਜਿਹੀ ਸਥਿਤੀ ਵਿਚ, ਇਸ ਸਮੇਂ ਕਾਰ ਖਰੀਦਣ ਦਾ ਅਰਥ ਇੱਕ ਤਿਉਹਾਰਾਂ ਦੇ ਮੌਸਮ ਦੀ ਛੋਟ ਅਤੇ ਅਪ੍ਰੈਲ ਵਿਚ 10 ਪ੍ਰਤੀਸ਼ਤ ਕੀਮਤ ਵਿਚ ਵਾਧੇ ਦਾ ਦੋਹਰਾ ਲਾਭ ਮਿਲ ਸਕਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
