16 ਦਸੰਬਰ ਤੋਂ ਬਦਲੇਗਾ ਬੈਂਕ ਦੇ ਨਿਯਮ
ਨਵੀਂ ਦਿੱਲੀ: ਭਾਰਤੀ ਰਿਜ਼ਰਵ ਬੈਂਕ ਨੇ ਡਿਜਿਟਲ ਲੈਣ ਦੇਣ ਨੂੰ ਵਧਾਵਾ ਦੇਣ ਲਈ ਨੈਸ਼ਨਲ ਇਲੈਕਟ੍ਰਾਨਿਕ ਫੰਡ ਟ੍ਰਾਂਸਫਰ 16 ਦਸੰਬਰ ਤੋਂ 24 ਘੰਟਿਆਂ ਲਈ ਕਰ ਦੇਣ ਦੀ ਐਲਾਨ ਕੀਤਾ ਹੈ। RBI ਨੇ ਇਕ ਬਿਆਨ ਵਿਚ ਕਿਹਾ ਕਿ ਹੁਣ NEFT ਤਹਿਤ ਟ੍ਰਾਂਜੈਕਸ਼ਨ ਦੀ ਸੁਵਿਧਾ ਹਾਲੀਡੇ ਸਮੇਤ ਹਫ਼ਤੇ ਦੇ ਸੱਤ ਦਿਨ ਉਪਲਬਧ ਹੋਵੇਗੀ।
NEFT ਟ੍ਰਾਂਜੈਕਸ਼ਨ ਦਾ ਨਿਪਟਾਰਾ ਆਮ ਦਿਨਾਂ ਵਿਚ ਸਵੇਰੇ 8 ਵਜੇ ਤੋਂ ਸ਼ਾਮ 7 ਵਜੇ ਦੌਰਾਨ ਅਤੇ ਪਹਿਲੇ ਅਤੇ ਤੀਜੇ ਸ਼ਨੀਵਾਰ ਨੂੰ ਸਵੇਰੇ 8 ਵਜੇ ਤੋਂ ਦੁਪਹਿਰ 1 ਵਜੇ ਤਕ ਘੰਟਿਆਂ ਦੇ ਆਧਾਰ ਤੇ ਕੀਤਾ ਜਾਂਦਾ ਹੈ। ਰਿਜ਼ਰਵ ਬੈਂਕ ਨੇ ਇਕ ਸੂਚਨਾ ਵਿਚ ਕਿਹਾ ਕਿ NEFT ਟ੍ਰਾਂਜੈਕਸ਼ਨ ਨੂੰ 24 ਘੰਟੇ, ਸੱਤਾਂ ਦਿਨ ਸ਼ੁਰੂ ਕਰਨ ਦਾ ਫ਼ੈਸਲਾ ਲਿਆ ਗਿਆ ਹੈ। ਰਿਜ਼ਰਵ ਬੈਂਕ ਨੇ ਸਾਰੇ ਮੈਂਬਰ ਬੈਂਕਾਂ ਨੂੰ ਰੈਗੁਲੈਟਰੀ ਕੋਲ ਚਾਲੂ ਖਾਤੇ ਵਿਚ ਹਰ ਸਮੇਂ ਲੋੜੀਂਦਾ ਫੰਡ ਰੱਖਣ ਨੂੰ ਕਿਹਾ ਹੈ ਤਾਂ ਕਿ NEFT ਟ੍ਰਾਂਜੈਕਸ਼ਨ ਵਿਚ ਕੋਈ ਸਮੱਸਿਆ ਨਾ ਹੋਵੇ।
ਕੇਂਦਰੀ ਬੈਂਕ ਨੇ ਕਿਹਾ ਕਿ ਸਾਰੇ ਬੈਂਕਾਂ ਨੂੰ ਸੁਚਾਰੂ ਤਰੀਕੇ ਨਾਲ NEFT ਟ੍ਰਾਂਜੈਕਸ਼ਨ ਨਿਸ਼ਚਿਤ ਕਰਨ ਲਈ ਸਾਰੇ ਜ਼ਰੂਰੀ ਬੁਨਿਆਦੀ ਢਾਂਚਿਆਂ ਨੂੰ ਬਣਾਈ ਰੱਖਣ ਦੇ ਨਿਰਦੇਸ਼ ਵੀ ਦਿੱਤੇ ਹਨ। ਉਸ ਨੇ ਕਿਹਾ ਕਿ ਬੈਂਕ NEFT ਵਿਚ ਕੀਤੇ ਗਏ ਬਦਲਾਅ ਬਾਰੇ ਉਪਭੋਗਤਾ ਨੂੰ ਸੂਚਿਤ ਕਰ ਸਕਦੇ ਹਨ। ਦਸ ਦਈਏ ਕਿ ਰਿਜ਼ਰਵ ਬੈਂਕ ਪਹਿਲਾਂ ਹੀ NEFT ਅਤੇ ਆਰਟੀਜੀਐਸ ਟ੍ਰਾਂਜੈਕਸ਼ਨ ਤੇ ਫ਼ੀਸ ਸਮਾਪਤ ਕਰਨ ਦਾ ਫ਼ੈਸਲਾ ਲੈ ਚੁੱਕਿਆ ਹੈ।
ਨੈਸ਼ਨਲ ਇਲੈਕਟ੍ਰਾਨਿਕ ਫੰਡ ਟ੍ਰਾਂਸਫਰ ਦੇਸ਼ ਵਿਚ ਬੈਂਕਾਂ ਦੇ ਜ਼ਰੀਏ ਫੰਡ ਟ੍ਰਾਂਸਫਰ ਕਰਨ ਯਾਨੀ ਇਕ ਤੋਂ ਦੂਜੀ ਜਗ੍ਹਾ ਭੇਜਣ ਦਾ ਤਰੀਕਾ ਹੈ। ਇਸ ਤਰੀਕੇ ਦਾ ਫਾਇਦਾ ਆਮ ਗਾਹਕਾਂ ਜਾਂ ਕੰਪਨੀਆਂ ਉਠਾ ਕੇ ਕਿਸੇ ਦੂਜੀ ਬ੍ਰਾਂਚ ਜਾਂ ਕਿਸੇ ਦੂਜੇ ਸ਼ਹਿਰ ਦੀ ਸ਼ਾਖਾ ਵਿਚ ਕਿਸੇ ਵੀ ਵਿਅਕਤੀ ਜਾਂ ਸੰਗਠਨ ਤੇ ਕੰਪਨੀਆਂ ਨੂੰ ਭੇਜ ਸਕਦੇ ਹਨ।
ਅੱਜ ਦੀ ਤਰੀਕ ਵਿਚ ਲਗਭਗ ਹਰ ਬੈਂਕ ਨੇ ਐਨਈਐਫਟੀ ਤਕਨੀਕੀ ਨੂੰ ਅਪਣਾ ਲਿਆ ਹੈ। ਇਸ ਦੁਆਰਾ ਫੰਡ ਭੇਜਣ ਲਈ ਗਾਹਕਾਂ ਨੂੰ ਸਾਰੇ ਤਰ੍ਹਾਂ ਦੀ ਜਾਣਕਾਰੀ ਭੇਜਣੀ ਹੁੰਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।