Advertisement

ਤਿਉਹਾਰਾਂ ਮੌਕੇ SBI ਦਾ ਵੱਡਾ ਆਫ਼ਰ, ਇਕ ਲੱਖ ‘ਤੇ ਇੰਨਾ ਮਿਲੇਗਾ ਵਿਆਜ

ਸਪੋਕਸਮੈਨ ਸਮਾਚਾਰ ਸੇਵਾ | Edited by : ਗੁਰਬਿੰਦਰ ਸਿੰਘ
Published Oct 8, 2019, 4:56 pm IST
Updated Oct 8, 2019, 5:19 pm IST
ਨੌਕਰੀ ਕਰਦੇ ਹੋ ਜਾਂ ਖੁਦ ਦਾ ਬਿਜ਼ਨੈੱਸ ਹੈ ਤੇ ਬਿਨਾਂ ਕੋਈ ਰਿਸਕ ਇਸ ਦੀਵਾਲੀ 'ਤੇ ਮਾਂ-ਪਿਓ ਦੇ ਨਾਂ...
SBI
 SBI

ਨਵੀਂ ਦਿੱਲੀ: ਨੌਕਰੀ ਕਰਦੇ ਹੋ ਜਾਂ ਖੁਦ ਦਾ ਬਿਜ਼ਨੈੱਸ ਹੈ ਤੇ ਬਿਨਾਂ ਕੋਈ ਰਿਸਕ ਇਸ ਦੀਵਾਲੀ 'ਤੇ ਮਾਂ-ਪਿਓ ਦੇ ਨਾਂ 'ਤੇ ਨਿਵੇਸ਼ ਕਰਨਾ ਚਾਹੁੰਦੇ ਹੋ ਤਾਂ ਬੈਂਕ ਐੱਫ. ਡੀ. ਇਸ ਮਾਮਲੇ 'ਚ ਬਿਹਤਰ ਰਿਟਰਨ ਦਿਵਾ ਸਕਦੀ ਹੈ। ਇਸ ਤੋਂ ਇਲਾਵਾ ਡਾਕਖਾਨਾ ਬਚਤ ਯੋਜਨਾਵਾਂ ਵੀ ਕਾਫੀ ਬਿਹਤਰ ਹਨ। ਭਾਰਤੀ ਸਟੇਟ ਬੈਂਕ (SBI) ਵੱਲੋਂ ਮੌਜੂਦਾ ਸਮੇਂ ਇਕ ਸਾਲ ਦੀ ਐੱਫ. ਡੀ. 'ਤੇ ਜਿੱਥੇ ਜਨਰਲ ਪਬਲਿਕ ਨੂੰ 6.50 ਫੀਸਦੀ ਵਿਆਜ ਦਿੱਤਾ ਜਾ ਰਿਹਾ ਹੈ।

SBISBI

Advertisement

ਉੱਥੇ ਹੀ, 60 ਸਾਲ ਤੋਂ ਵੱਧ ਉਮਰ ਦੇ ਮਾਮਲੇ 'ਚ 7 ਫੀਸਦੀ ਵਿਆਜ ਦਿੱਤਾ ਜਾ ਰਿਹਾ ਹੈ ਯਾਨੀ ਮਾਂ ਜਾਂ ਪਿਓ ਦੇ ਨਾਂ 'ਤੇ ਇਕ ਲੱਖ ਰੁਪਏ ਦੀ ਐੱਫ. ਡੀ. 'ਤੇ ਸਾਲ 'ਚ ਤਕਰੀਬਨ 7 ਹਜ਼ਾਰ ਰੁਪਏ ਦੀ ਇੰਟਰਸਟ ਇਨਕਮ ਹੋ ਸਕਦੀ ਹੈ। ਇਸ ਤੋਂ ਇਲਾਵਾ ਪੰਜਾਬ ਨੈਸ਼ਨਲ ਬੈਂਕ (ਪੀ. ਐੱਨ. ਬੀ.) 'ਚ ਵੀ ਜਨਰਲ ਪਬਲਿਕ ਲਈ ਇਕ ਸਾਲ ਦੀ ਐੱਫ. ਡੀ. 'ਤੇ ਵਿਆਜ ਦਰ ਇਸ ਵਕਤ 6.50 ਫੀਸਦੀ, ਜਦੋਂ ਕਿ ਸੀਨੀਅਰ ਸਿਟੀਜ਼ਨ ਲਈ ਇਹ ਦਰ 7 ਫੀਸਦੀ ਹੈ।

Money Money

ਉੱਥੇ ਹੀ, ਪ੍ਰਾਈਵੇਟ ਖੇਤਰ ਦੀ ਐਕਸਿਸ ਬੈਂਕ 'ਚ ਜਨਰਲ ਪਬਲਿਕ ਨੂੰ 6.60 ਫੀਸਦੀ ਅਤੇ ਸੀਨੀਅਰ ਸਿਟੀਜ਼ਨ ਨੂੰ ਇਕ ਸਾਲ ਦੀ ਐੱਫ. ਡੀ. 'ਤੇ 7.25 ਫੀਸਦੀ ਵਿਆਜ ਦਰ ਦਿੱਤੀ ਜਾ ਰਹੀ ਹੈ। ਇਸ ਮਾਮਲੇ 'ਚ ਐੱਚ. ਡੀ. ਐੱਫ. ਸੀ. ਬੈਂਕ ਇਕ ਸਾਲ ਦੀ ਐੱਫ. ਡੀ. 'ਤੇ 6.60 ਫੀਸਦੀ ਅਤੇ ਸੀਨੀਅਰ ਸਿਟੀਜ਼ਨ ਨੂੰ 7.10 ਫੀਸਦੀ ਇੰਟਰਸਟ ਰੇਟ ਦੇ ਰਿਹਾ ਹੈ ਪਰ ਦੋ ਸਾਲ ਦੀ ਐੱਫ. ਡੀ. 'ਤੇ ਇਹ ਬੈਂਕ ਸੀਨੀਅਰ ਸਿਟੀਜ਼ਨ ਨੂੰ 7.50 ਫੀਸਦੀ ਇੰਟਰਸਟ ਦੇ ਰਿਹਾ ਹੈ।

MoneyMoney

ਜ਼ਿਕਰਯੋਗ ਹੈ ਕਿ ਹਾਲ ਹੀ 'ਚ ਬੈਂਕ ਦੋ ਤਿੰਨ ਵਾਰ ਫਿਕਸਡ ਡਿਪਾਜ਼ਿਟ ਦਰਾਂ 'ਚ ਕਟੌਤੀ ਕਰ ਚੁੱਕੇ ਹਨ। ਇਸ ਲਈ ਜੇਕਰ ਇਸ 'ਚ ਨਿਵੇਸ਼ ਦਾ ਪਲਾਨ ਹੈ ਤਾਂ ਦੀਵਾਲੀ ਤੋਂ ਪਹਿਲਾਂ ਜਿੰਨੀ ਜਲਦੀ ਹੋ ਸਕੇ ਇਹ ਕਰਨਾ ਬਿਹਤਰ ਹੋ ਸਕਦਾ ਹੈ ਕਿਉਂਕਿ ਲੋਨ ਸਸਤੇ ਹੋਣ ਵਿਚਕਾਰ ਬੈਂਕ ਐੱਫ. ਡੀ. ਦਰਾਂ 'ਚ ਕਟੌਤੀ ਕਰ ਰਹੇ ਹਨ।

Advertisement

 

Advertisement
Advertisement