ਅਮਰੀਕਾ ਸਮੇਤ ਜੀ 7 ਸਮੂਹ ਦੇਸ਼ਾਂ ਦੇ ਆਗੂਆਂ ਦੀ ਇਥੇ ਹੋਈ ਦੋ ਦਿਨਾ ਬੈਠਕ ਮਗਰੋਂ ਜਾਰੀ ਸਾਂਝੇ ਬਿਆਨ ਵਿਚ ਬਚਾਅਵਾਦ ਦਾ ਮੁਕਾਬਲਾ ਕਰਨ
ਚਿੰਗਦਾਓ, 10 ਜੂਨ, ਅਮਰੀਕਾ ਸਮੇਤ ਜੀ 7 ਸਮੂਹ ਦੇਸ਼ਾਂ ਦੇ ਆਗੂਆਂ ਦੀ ਇਥੇ ਹੋਈ ਦੋ ਦਿਨਾ ਬੈਠਕ ਮਗਰੋਂ ਜਾਰੀ ਸਾਂਝੇ ਬਿਆਨ ਵਿਚ ਬਚਾਅਵਾਦ ਦਾ ਮੁਕਾਬਲਾ ਕਰਨ ਅਤੇ ਵਪਾਰ ਦੇ ਰਾਹ ਵਿਚ ਅੜਿੱਕੇ ਘਟਾਉਣ ਦਾ ਅਹਿਦ ਲਿਆ ਗਿਆ। ਇਹ ਬੈਠਕ ਅਜਿਹੇ ਸਮੇਂ ਹੋਈ ਹੈ ਜਦ ਦੁਨੀਆਂ ਭਰ ਦੇ ਕਈ ਦੇਸ਼ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਵਪਾਰ ਨੀਤੀ ਤੋਂ ਖ਼ਫ਼ਾ ਹਨ।
G7 Countriesਟਰੰਪ ਨੇ ਯੂਰਪੀ ਸੰਘ, ਕੈਨੇਡਾ ਅਤੇ ਚੀਨ ਸਮੇਤ ਉਸ ਦੇ ਵੱਡੇ ਵਪਾਰਕ ਭਾਈਵਾਲਾਂ ਨੇ ਅਮਰੀਕਾ ਦੀ ਉਦਾਰਤਾ ਦਾ ਫ਼ਾਇਦਾ ਚੁਕਿਆ ਅਤੇ ਅਪਣੇ ਬਾਜ਼ਾਰਾਂ ਨੂੰ ਸੁਰੱਖਿਅਤ ਰਖਿਆ ਹੈ। ਉਹ ਇਨ੍ਹਾਂ ਦੇਸ਼ਾਂ 'ਤੇ ਬਾਜ਼ਾਰ ਅੜਿੱਕੇ ਖ਼ਤਮ ਕਰਨ ਦਾ ਦਬਾਅ ਪਾ ਰਹੇ ਹਨ। ਜੀ 7 ਦੇ ਐਲਾਨ ਵਿਚ ਸੰਗਠਨ ਅੰਦਰ ਤਿੱਖੇ ਮਤਭੇਦਾਂ 'ਤੇ ਪਰਦਾ ਪਾਉਣ ਦਾ ਯਤਨ ਦਿਸਦਾ ਹੈ। ਰੀਪੋਰਟਾਂ ਮੁਤਾਬਕ ਦੋ ਦਿਨ ਦੀ ਰਚਾ ਵਿਚ ਅਮਰੀਕਾ ਅਤੇ ਮੇਜ਼ਬਾਨ ਕੈਨੇਡਾ ਤੇ ਯੂਰਪੀ ਸੰਘ ਦੇ ਆਗੂਆਂ ਵਿਚਕਾਰ ਤਿੱਖੀ ਬਹਿਸ ਹੋਈ।
ਏਕਤਾ ਦਾ ਹੋਕਾ ਦੇਣ ਦੇ ਬਾਵਜੂਦ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਹੈ ਕਿ ਉਹ ਇਸਪਾਤ ਅਤੇ ਐਲੂਮੀਨੀਅਮ 'ਤੇ ਅਮਰੀਕੀ ਟੈਕਸਾਂ ਦੇ ਜਵਾਬ ਵਿਚ ਅਮਰੀਕੀ ਸਮਾਨ 'ਤੇ ਟੈਕਸ ਲਾਉਣ ਦੇ ਅਪਣੇ ਐਲਾਨ ਬਾਰੇ ਕਦਮ ਵਧਾਉਣਗੇ। ਅੱਠ ਪੰਨਿਆਂ ਦੇ ਐਲਾਨ ਪੱਤਰ ਵਿਚ ਈਰਾਨ ਦੇ ਪਰਮਾਣੂ ਪ੍ਰੋਗਰਾਮ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ ਅਤੇ ਜੀ 7 ਨੇ ਸੰਕਲਪ ਕੀਤਾ ਹੈ ਕਿ ਉਹ ਮਿਲ ਕੇ ਇਹ ਯਕੀਨੀ ਕਰਨਗੇ ਕਿ ਸਾਂਝਾ ਈਰਾਨ ਕਦੇ ਵੀ ਪਰਮਾਣੂ ਹਥਿਆਰ ਦੀ ਭਾਲ, ਵਿਕਾਸ ਅਤੇ ਉਸ ਦੀ ਪ੍ਰਾਪਤੀ ਨਾ ਕਰ ਸਕੇ।
G7 Countriesਸਮੂਹ ਨੇ ਰੂਸ ਕੋਲੋਂ ਮੰਗ ਕੀਤੀ ਹੈ ਕਿ ਉਹ ਪੱਛਮ ਤੋਂ ਜਮਹੂਰੀ ਦੇਸ਼ਾਂ ਦੀ ਜੜ੍ਹ ਵੱਢਣ ਦੇ ਯਤਨ ਬੰਦ ਕਰੇ। ਜੀ 7 ਦੇਸ਼ਾਂ ਨੇ ਮੰਨਿਆ ਹੈ ਕਿ ਜਲਵਾਯੂ ਤਬਦੀਲੀ ਅਤੇ ਇਯ ਨਾਲ ਸਿੱਝਣ ਦੇ ਮਸਲੇ 'ਤੇ ਸਮੂਹ ਅੰਦਰ ਮਤਭੇਦ ਹਨ। ਜ਼ਿਕਰਯੋਗ ਹੈ ਕਿ ਟਰੰਪ ਨੇ ਅਮਰੀਕਾ ਨੂੰ ਪੈਰਿਸ ਸਮਝੌਤੇ ਤੋਂ ਵੱਖ ਕਰ ਲਿਆ ਹੈ। ਬੈਠਕ ਵਿਚ ਅਮਰੀਕੀ ਰਾਸ਼ਟਰਪਤੀ ਟਰੰਪ 'ਤੇ ਉਂਗਲਾਂ ਚੁਕੀਆਂ ਗਈਆਂ ਅਤੇ ਕਿਹਾ ਗਿਆ ਕਿ ਉਹ ਇਕਤਰਫ਼ਾ ਕਾਰਵਾਈ ਕਰ ਕੇ ਨਿਯਮ ਆਧਾਰਤ ਵਿਸ਼ਵ ਵਪਾਰ ਪ੍ਰਣਾਲੀ ਨੂੰ ਕਮਜ਼ੋਰ ਕਰ ਰਹੇ ਹਨ। (ਏਜੰਸੀ)
