ਜਰਮਨੀ ਹੁਣ ਦੁਨੀਆ ਦੀ ਤੀਜੀ ਸੱਭ ਤੋਂ ਵੱਡੀ ਅਰਥਵਿਵਸਥਾ
Japan recession News: ਜਾਪਾਨ ਦੀ ਅਰਥਵਿਵਸਥਾ ਲਗਾਤਾਰ ਦੋ ਤਿਮਾਹੀਆਂ ਤਕ ਗਿਰਾਵਟ ਤੋਂ ਬਾਅਦ ਮੰਦੀ ਦੀ ਲਪੇਟ ਵਿਚ ਆ ਗਈ ਹੈ। ਜਾਪਾਨ ਦੀ ਅਰਥਵਿਵਸਥਾ ਹੁਣ ਦੁਨੀਆਂ 'ਚ ਤੀਜੇ ਤੋਂ ਚੌਥੇ ਸਥਾਨ 'ਤੇ ਆ ਗਈ ਹੈ। ਇਸ ਦੇ ਨਾਲ ਹੀ ਜਰਮਨੀ ਹੁਣ ਦੁਨੀਆ ਦੀ ਤੀਜੀ ਸੱਭ ਤੋਂ ਵੱਡੀ ਅਰਥਵਿਵਸਥਾ ਹੈ।
ਜਾਪਾਨ ਇਸ ਸਮੇਂ ਕਮਜ਼ੋਰ ਮੁਦਰਾ, ਵਧਦੀ ਉਮਰ ਅਤੇ ਘਟਦੀ ਆਬਾਦੀ ਨਾਲ ਜੂਝ ਰਿਹਾ ਹੈ। ਇਸ ਤੋਂ ਪਹਿਲਾਂ 2010 'ਚ ਚੀਨ ਦੀ ਅਰਥਵਿਵਸਥਾ ਦੇ ਵਾਧੇ ਕਾਰਨ ਜਾਪਾਨ ਦੂਜੇ ਤੋਂ ਤੀਜੇ ਸਥਾਨ 'ਤੇ ਆ ਗਿਆ ਸੀ। ਅਮਰੀਕਾ ਦੀ ਅਰਥਵਿਵਸਥਾ ਦੁਨੀਆਂ 'ਚ ਪਹਿਲੇ ਨੰਬਰ 'ਤੇ ਹੈ।
ਜਾਪਾਨ ਦੇ ਕੈਬਨਿਟ ਦਫ਼ਤਰ ਦੁਆਰਾ ਜਾਰੀ ਕੀਤੇ ਗਏ ਅੰਕੜਿਆਂ ਅਨੁਸਾਰ, ਦੇਸ਼ ਦੀ ਜੀਡੀਪੀ ਵਿਚ ਇਕ ਸਾਲ ਪਹਿਲਾਂ ਦੇ ਮੁਕਾਬਲੇ 2023 ਦੇ ਆਖਰੀ ਤਿੰਨ ਮਹੀਨਿਆਂ ਵਿਚ ਉਮੀਦ ਨਾਲੋਂ 0.4% ਵੱਧ ਗਿਰਾਵਟ ਆਈ ਹੈ। ਪਿਛਲੀ ਤਿਮਾਹੀ ਵਿਚ ਆਰਥਿਕਤਾ ਵਿਚ 3.3% ਗਿਰਾਵਟ ਆਈ ਸੀ। ਜੇਕਰ ਕਿਸੇ ਵੀ ਦੇਸ਼ ਦੀ ਅਰਥਵਿਵਸਥਾ ਲਗਾਤਾਰ ਦੋ ਤਿਮਾਹੀਆਂ ਤਕ ਸੁੰਗੜਦੀ ਹੈ ਤਾਂ ਉਸ ਨੂੰ ਤਕਨੀਕੀ ਤੌਰ 'ਤੇ ਮੰਦੀ ਮੰਨਿਆ ਜਾਂਦਾ ਹੈ। ਅਕਤੂਬਰ ਵਿਚ, ਅੰਤਰਰਾਸ਼ਟਰੀ ਮੁਦਰਾ ਫੰਡ ਨੇ ਭਵਿੱਖਬਾਣੀ ਕੀਤੀ ਸੀ ਕਿ ਜਰਮਨੀ ਦੁਨੀਆਂ ਦੀ ਤੀਜੀ ਸੱਭ ਤੋਂ ਵੱਡੀ ਅਰਥਵਿਵਸਥਾ ਬਣ ਸਕਦਾ ਹੈ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਅਰਥਸ਼ਾਸਤਰੀ ਨੀਲ ਨਿਊਮੈਨ ਦੇ ਅਨੁਸਾਰ, ਨਵੇਂ ਅੰਕੜੇ ਦਰਸਾਉਂਦੇ ਹਨ ਕਿ ਜਾਪਾਨ ਦੀ ਆਰਥਿਕਤਾ 2023 ਵਿਚ ਲਗਭਗ 4.2 ਟ੍ਰਿਲੀਅਨ ਡਾਲਰ ਰਹੀ, ਜਦਕਿ ਜਰਮਨੀ ਦੀ ਆਰਥਿਕਤਾ 4.5 ਟ੍ਰਿਲੀਅਨ ਡਾਲਰ ਰਹੀ ਹੈ।
ਜਾਪਾਨ ਦੀ ਅਰਥਵਿਵਸਥਾ ਵਿਚ ਗਿਰਾਵਟ ਦੇ ਮੁੱਖ ਤਿੰਨ ਕਾਰਨ ਮੰਨੇ ਜਾ ਰਹੇ ਹਨ। ਇਨ੍ਹਾਂ ਵਿਚ ਡਾਲਰ ਦੇ ਮੁਕਾਬਲੇ ਜਾਪਾਨ ਦੀ ਕਰੰਸੀ ਯੇਨ ਵਿਚ ਲਗਾਤਾਰ ਕਮਜ਼ੋਰੀ, ਨਿਰਯਾਤ ਮੁਨਾਫੇ ਵਿਚ ਕਮੀ ਅਤੇ ਘੱਟ ਜਨਮ ਦਰ ਸ਼ਾਮਲ ਹਨ। ਹਾਲਾਂਕਿ, ਯੇਨ ਦੀ ਕਮਜ਼ੋਰੀ ਨੇ ਜਾਪਾਨ ਦੀਆਂ ਕੁੱਝ ਵੱਡੀਆਂ ਕੰਪਨੀਆਂ ਦੇ ਸ਼ੇਅਰ ਕੀਮਤਾਂ ਨੂੰ ਵਧਾਉਣ ਵਿਚ ਮਦਦ ਕੀਤੀ ਹੈ ਕਿਉਂਕਿ ਇਹ ਵਿਦੇਸ਼ੀ ਬਾਜ਼ਾਰਾਂ ਵਿਚ ਦੇਸ਼ ਦੇ ਨਿਰਯਾਤ ਨੂੰ ਸਸਤਾ ਬਣਾਉਂਦਾ ਹੈ।
(For more Punjabi news apart from Japan slips into recession, loses spot as world's 3rd-largest economy, stay tuned to Rozana Spokesman)
