ਪਿਛਲੇ 10 ਮਹੀਨਿਆਂ ਦੌਰਾਨ ਜੀ.ਐਸ.ਟੀ., ਟੈਕਸ, ਐਕਸਾਇਜ਼ ਅਤੇ ਕੇਂਦਰੀ ਟੈਕਸਾਂ ’ਚ ਹਿੱਸੇ ਕਾਰਨ ਸੂਬੇ ਦੇ ਰੈਵੇਨਿਊ ’ਚ ਵਾਧਾ ਵੇਖਣ ਨੂੰ ਮਿਲਿਆ
Punjab News: ਵਿੱਤੀ ਸਾਲ 2023-24 ਦੇ ਪਹਿਲੇ 10 ਮਹੀਨਿਆਂ ’ਚ ਪੰਜਾਬ ਦੇ ਟੈਕਸ ਮਾਲੀਆ ’ਚ 22٪ ਦਾ ਵਾਧਾ ਹੋਇਆ ਹੈ, ਜਿਸ ਨਾਲ ਕੁਲ ਮਾਲੀਆ 53,617 ਕਰੋੜ ਰੁਪਏ ਰਿਹਾ ਹੈ। ਇਹ ਵਾਧਾ ਮੁੱਖ ਤੌਰ ’ਤੇ ਜੀ.ਐਸ.ਟੀ., ਵਿਕਰੀ ਟੈਕਸ, ਆਬਕਾਰੀ ਅਤੇ ਕੇਂਦਰੀ ਟੈਕਸਾਂ ’ਚ ਰਾਜ ਦੇ ਹਿੱਸੇ ਤੋਂ ਬਿਹਤਰ ਸੰਗ੍ਰਹਿ ਕਾਰਨ ਹੋਇਆ ਹੈ।
ਇਕੱਲੇ ਜੀ.ਐਸ.ਟੀ. ਕੁਲੈਕਸ਼ਨ ’ਚ 16٪ ਦਾ ਵਾਧਾ ਹੋਇਆ ਹੈ, ਜੋ 17,295 ਕਰੋੜ ਰੁਪਏ ਹੈ। ਵਿਕਰੀ ਟੈਕਸ ਅਤੇ ਰਾਜ ਆਬਕਾਰੀ ’ਚ ਵੀ ਦੋ ਅੰਕਾਂ ਦਾ ਵਾਧਾ ਹੋਇਆ ਹੈ, ਜਿਸ ਨਾਲ ਟੈਕਸ ਮਾਲੀਆ ’ਚ ਸਮੁੱਚੇ ਵਾਧੇ ’ਚ ਯੋਗਦਾਨ ਪਾਇਆ ਗਿਆ ਹੈ।
ਹਾਲਾਂਕਿ, ਟੈਕਸ ਮਾਲੀਆ ’ਚ ਮਜ਼ਬੂਤ ਵਾਧੇ ਦੇ ਬਾਵਜੂਦ, ਸੂਬੇ ਨੂੰ ਵਧਦੇ ਮਾਲੀਆ ਘਾਟੇ ਨਾਲ ਚੁਨੌਤੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਜੋ ਬਜਟ ਅਨੁਮਾਨ ਨੂੰ 4٪ ਤੋਂ ਪਾਰ ਕਰ ਗਿਆ ਹੈ। ਮਾਲੀਆ ਘਾਟਾ ਦਰਸਾਉਂਦਾ ਹੈ ਕਿ ਸਰਕਾਰ ਦਾ ਮਾਲੀਆ ਖਰਚ ਇਸ ਦੀ ਮਾਲੀਆ ਪ੍ਰਾਪਤੀਆਂ ਤੋਂ ਵੱਧ ਹੈ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
95,068 ਕਰੋੜ ਰੁਪਏ ਦੇ ਕੁਲ ਮਾਲੀਆ ਖ਼ਰਚੇ ’ਚੋਂ 73,258 ਕਰੋੜ ਰੁਪਏ (ਜਾਂ 77٪) ਦੀ ਵਰਤੋਂ ਤਨਖਾਹ, ਪੈਨਸ਼ਨ ਅਤੇ ਸਬਸਿਡੀ ਵਰਗੀਆਂ ਵਚਨਬੱਧ ਦੇਣਦਾਰੀਆਂ ਨੂੰ ਪੂਰਾ ਕਰਨ ਲਈ ਕੀਤੀ ਗਈ ਹੈ। ਸੂਬਾ ਸਰਕਾਰ ਪਹਿਲਾਂ ਹੀ ਪੈਨਸ਼ਨ ਭੁਗਤਾਨ ਲਈ ਅਪਣੇ ਪੂਰੇ ਸਾਲ ਦੇ ਅਲਾਟਮੈਂਟ ਦਾ 91٪ ਇਸਤੇਮਾਲ ਕਰ ਚੁਕੀ ਹੈ।
ਅਪ੍ਰੈਲ-ਜਨਵਰੀ ਦੀ ਪਹਿਲੀ ਮਿਆਦ ’ਚ ਟੈਕਸ ਮਾਲੀਆ 2023-24 ਦੇ ਬਜਟ ਅਨੁਮਾਨਾਂ ਦਾ 76.28٪ ਹੈ, ਜੋ ਸੰਕੇਤ ਦਿੰਦਾ ਹੈ ਕਿ ਇਹ 70,293 ਕਰੋੜ ਰੁਪਏ ਦੇ ਸਾਲਾਨਾ ਟੀਚੇ ਤੋਂ ਘੱਟ ਹੋ ਸਕਦਾ ਹੈ। ਇਸ ਮਿਆਦ ਦੌਰਾਨ ਗੈਰ-ਟੈਕਸ ਮਾਲੀਆ ’ਚ ਸਾਲ-ਦਰ-ਸਾਲ 12٪ ਦਾ ਵਾਧਾ ਹੋਇਆ ਹੈ, ਪਰ ਇਹ ਵਿੱਤੀ ਸਾਲ 2024 ਦੇ ਟੀਚੇ ਤੋਂ ਕਾਫ਼ੀ ਘੱਟ ਹੈ।
(For more Punjabi news apart from Punjab News: Punjab registers 22% jump in tax revenue, stay tuned to Rozana Spokesman)
