Chandigarh News : 34 ਲੋਕਾਂ ਤੋਂ ਠੇਕੇਦਾਰ ਨੇ 40-40 ਹਜ਼ਾਰ ਰੁਪਏ ਲਏ, ਲੋਕਾਂ ਨੇ ਥਾਣੇ ਦੇ ਬਾਹਰ ਕੀਤੀ ਨਾਅਰੇਬਾਜ਼ੀ

Chandigarh News : ਚੰਡੀਗੜ੍ਹ 'ਚ ਬੁੱਧਵਾਰ ਸਵੇਰੇ ਡੀਸੀ ਰੇਟ ਲਗਵਾਉਣ ਦੇ ਨਾਂ 'ਤੇ ਲੋਕਾਂ ਤੋਂ ਲੱਖਾਂ ਰੁਪਏ ਦੀ ਠੱਗੀ ਮਾਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਿਸ ਕਾਰਨ ਧੋਖਾਧੜੀ ਦਾ ਸ਼ਿਕਾਰ ਹੋਏ ਲੋਕ ਸਾਰੰਗਪੁਰ ਥਾਣੇ ਦੇ ਬਾਹਰ ਪਹੁੰਚੇ ਅਤੇ ਨਾਅਰੇਬਾਜ਼ੀ ਸ਼ੁਰੂ ਕਰ ਦਿੱਤੀ। ਠੱਗੀ ਦਾ ਸ਼ਿਕਾਰ ਹੋਏ ਲੋਕਾਂ ਨੇ ਪੁਲਿਸ ਨੂੰ ਲਿਖ਼ਤੀ ਸ਼ਿਕਾਇਤ ਵੀ ਦਿੱਤੀ ਹੈ। ਜਿਸ ਤੋਂ ਬਾਅਦ ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਇਹ ਵੀ ਪੜੋ:Amritsar News : ਕੌਮਾਂਤਰੀ ਸਰਹੱਦ ਨੇੜੇ ਖੇਤਾਂ 'ਚੋਂ ਮਿਲੀ ਲਗਭਗ 8 ਕਰੋੜ ਦੀ ਹੈਰੋਇਨ ਬਰਾਮਦ

ਇਸ ਮੌਕੇ ਥਾਣਾ ਸਾਰੰਗਪੁਰ ਨੂੰ ਦਿੱਤੀ ਸ਼ਿਕਾਇਤ 'ਚ ਧਨਾਸ ਦੀ ਰਹਿਣ ਵਾਲੀ ਸੁਨੀਤਾ ਨੇ ਦੱਸਿਆ ਕਿ ਉਸ ਦੀ ਧਨਾਸ 'ਚ ਰਾਜੀਵ ਨਾਂ ਦੇ ਵਿਅਕਤੀ ਨਾਲ ਮੁਲਾਕਾਤ ਹੋਈ ਸੀ। ਜਿਸ ਨੇ ਖੁਦ ਨੂੰ ਠੇਕੇਦਾਰ  ਦੱਸਦੇ ਹੋਏ ਕਿਹਾ ਕਿ ਉਸ ਨੂੰ ਚੰਡੀਗੜ੍ਹ ’ਚ ਡੀਸੀ ਰੇਟ ’ਤੇ ਸਫ਼ਾਈ ਸੇਵਕਾਂ ਨੂੰ ਨੌਕਰੀ ’ਤੇ ਰੱਖਣ ਲਈ ਕੰਟਰੈਕਟ ਮਿਲਿਆ ਹੈ। ਇਸ ਤੋਂ ਬਾਅਦ ਉਹ ਹੋਰ ਲੋਕਾਂ ਨਾਲ ਰਾਜੀਵ ਕੋਲ ਪਹੁੰਚੀ। ਜਿੱਥੇ ਉਸ ਨੇ ਨੌਕਰੀ ਦਿਵਾਉਣ ਦੇ ਨਾਂ 'ਤੇ ਇਕ ਵਿਅਕਤੀ ਤੋਂ 40 ਹਜ਼ਾਰ ਰੁਪਏ ਦੀ ਮੰਗ ਕੀਤੀ। ਜੋ ਉਸ ਨੇ ਉਸ ਨੂੰ ਗੂਗਲ ਪੇ ਰਾਹੀਂ ਦਿੱਤਾ ਸੀ।

ਇਹ ਵੀ ਪੜੋ:Dinanagar News : ਸ਼ਾਰਟ ਸਰਕਟ ਹੋਣ ਨਾਲ ਪਸ਼ੂਆਂ ਦੇ ਵਾੜੇ 'ਚ ਲੱਗੀ ਅੱਗ 

ਜਾਣਕਾਰੀ ਮੁਤਾਬਕ ਇਸ ਮਾਮਲੇ 'ਚ ‘‘ਆਪਕੀ ਆਵਾਜ਼’’ ਪਾਰਟੀ ਦੇ ਪ੍ਰਧਾਨ ਪ੍ਰੇਮਪਾਲ ਚੌਹਾਨ ਵੀ ਧੋਖਾਧੜੀ ਦਾ ਸ਼ਿਕਾਰ ਹੋਏ ਹਨ। ਉਹ ਵੀ ਲੋਕਾਂ ਸਮੇਤ ਥਾਣੇ ਪਹੁੰਚ ਗਿਆ। ਜਿੱਥੇ ਚੌਹਾਨ ਨੇ ਕਿਹਾ ਕਿ ਠੇਕੇਦਾਰ ਇਕੱਲੇ ਇੰਨੇ ਲੋਕਾਂ ਨਾਲ ਲੱਖਾਂ ਰੁਪਏ ਦੀ ਠੱਗੀ ਨਹੀਂ ਕਰ ਸਕਦਾ। ਹੋਰ ਲੋਕਾਂ ਦੀ ਵੀ ਉਸ ਨਾਲ ਮਿਲੀਭੁਗਤ ਹੈ। ਜਿਸ ਦਾ ਪਤਾ ਪੁਲਿਸ ਜਾਂਚ 'ਚ ਲੱਗੇਗਾ।

(For more news apart from Cheating in name of employment on DC rate in Chandigarh News in Punjabi, stay tuned to Rozana Spokesman)