ਪਿਛਲੇ ਇਕ ਸਾਲ ਤੋਂ ਕੇਂਦਰ ਦੀ ਮੋਦੀ ਸਰਕਾਰ ਉਤੇ ਲਗਾਤਾਰ ਹਮਲਾ ਕਰਨ ਵਾਲੇ ਅਦਾਕਾਰ ਪ੍ਰਕਾਸ਼ ਰਾਜ......
ਨਵੀਂ ਦਿੱਲੀ : ਪਿਛਲੇ ਇਕ ਸਾਲ ਤੋਂ ਕੇਂਦਰ ਦੀ ਮੋਦੀ ਸਰਕਾਰ ਉਤੇ ਲਗਾਤਾਰ ਹਮਲਾ ਕਰਨ ਵਾਲੇ ਅਦਾਕਾਰ ਪ੍ਰਕਾਸ਼ ਰਾਜ ਨੇ ਨਵੇਂ ਸਾਲ ਦੇ ਮੌਕੇ ਉਤੇ ਰਾਜਨੀਤੀ ਵਿਚ ਆਉਣ ਦਾ ਐਲਾਨ ਕੀਤਾ ਹੈ। ਪ੍ਰਕਾਸ਼ ਦੱਖਣ ਸਿਨੇਮਾ ਤੋਂ ਹਾਲ ਦੇ ਦਿਨਾਂ ਵਿਚ ਰਾਜਨੀਤੀ ਵਿਚ ਸ਼ਾਮਲ ਹੋਣ ਵਾਲੇ ਰਜਨੀਕਾਂਤ ਅਤੇ ਕਮਲ ਹਾਸਨ ਤੋਂ ਬਾਅਦ ਤੀਸਰੇ ਵੱਡੇ ਅਦਾਕਾਰ ਹਨ। ਉਨ੍ਹਾਂ ਨੇ ਐਲਾਨ ਕੀਤਾ ਕਿ ਉਹ ਇਸ ਸਾਲ ਹੋਣ ਵਾਲੇ ਲੋਕਸਭਾ ਚੋਣਾਂ ਵਿਚ ਗੈਰ-ਪਾਰਟੀ ਉਮੀਦਵਾਰ ਦੇ ਰੂਪ ਵਿਚ ਹਿੱਸਾ ਲੈਣਗੇ।
Prakash Raj
ਹਿੰਦੀ ਅਤੇ ਤਾਮਿਲ ਸਮੇਤ ਕਈ ਭਾਸ਼ਾਵਾਂ ਵਿਚ ਕੰਮ ਕਰ ਚੁੱਕੇ ਮਸ਼ਹੂਰ ਅਦਾਕਾਰ ਪ੍ਰਕਾਸ਼ ਨੇ ਲੋਕਸਭਾ ਚੋਣ ਲੜਨ ਦਾ ਐਲਾਨ ਕਰ ਦਿਤਾ ਹੈ, ਪਰ ਇਹ ਸਾਫ਼ ਨਹੀਂ ਹੋ ਸਕਿਆ ਹੈ ਕਿ ਉਹ ਕਿਸ ਪ੍ਰਦੇਸ਼ ਤੋਂ ਚੋਣ ਲੜਣਗੇ। ਹਾਲਾਂਕਿ ਉਨ੍ਹਾਂ ਦੇ ਕਰੀਬੀ ਸੂਤਰਾਂ ਦਾ ਕਹਿਣਾ ਹੈ ਕਿ ਉਹ ਕਰਨਾਟਕ ਤੋਂ ਲੋਕ ਸਭਾ ਚੋਣ ਲੜ ਸਕਦੇ ਹਨ। ਉਹ ਲੰਬੇ ਸਮੇਂ ਤੋਂ ਕੇਂਦਰ ਦੀ ਮੋਦੀ ਸਰਕਾਰ ਅਤੇ ਬੀਜੇਪੀ ਉਤੇ ਕਈ ਮਜ਼ਮੂਨਾਂ ‘ਤੇ ਸਵਾਲ ਉਠਾ ਚੁੱਕੇ ਹਨ ਅਤੇ ਉਨ੍ਹਾਂ ਨੂੰ ਨਿਸ਼ਾਨੇ ਉਤੇ ਲੈਂਦੇ ਰਹੇ ਹਨ। ਪ੍ਰਕਾਸ਼ ਰਾਜ ਨੇ ਟਵੀਟ ਕਰਦੇ ਹੋਏ ਕਿਹਾ, ਸਾਰਿਆਂ ਨੂੰ ਹੈਪੀ ਨਿਊ ਈਅਰ. . . ਇਕ ਨਵੀਂ ਸ਼ੁਰੂਆਤ।
HAPPY NEW YEAR TO EVERYONE..a new beginning .. more responsibility.. with UR support I will be contesting in the coming parliament elections as an INDEPENDENT CANDIDATE. Details of the constituency soon. Ab ki baar Janatha ki SARKAR #citizensvoice #justasking in parliament too..
— Prakash Raj (@prakashraaj) December 31, 2018
ਜ਼ਿਆਦਾ ਜ਼ਿੰਮੇਦਾਰੀ ਅਤੇ ਤੁਹਾਡੇ ਸਮਰਥਨ ਦੇ ਨਾਲ ਮੈਂ ਗੈਰ-ਪਾਰਟੀ ਦੇ ਰੂਪ ਵਿਚ ਅਗਲੀਆਂ ਲੋਕਸਭਾ ਚੋਣਾਂ ਲੜਾਂਗਾ। ਸੰਸਦੀ ਖੇਤਰ ਦੇ ਬਾਰੇ ਵਿਚ ਛੇਤੀ ਹੀ ਦਸਾਗਾਂ। ਇਸ ਵਾਰ ਜਨਤਾ ਦੀ ਸਰਕਾਰ # citizensvoice ਸੰਸਦ ਵਿਚ ਵੀ # justasking। ਪ੍ਰਕਾਸ਼ ਰਾਜ ਨੇ ਪ੍ਰਧਾਨ ਮੰਤਰੀ ਮੋਦੀ ਦੀ ਕਈ ਮੌਕਿਆਂ ਉਤੇ ਆਲੋਚਨਾ ਕਰਕੇ ਜੱਮ ਕੇ ਸੁਰਖੀਆਂ ਬਟੋਰੀਆਂ ਸਨ।
