ਭਾਰਤੀ ਹਵਾਈ ਫੌਜ (Indian Air Foce) ਦੇ ਪਾਇਲਟ ਅਭਿਨੰਦਨ ਵਰਧਮਾਨ ਨੂੰ ਰਿਹਾਅ ਕਰਨ ‘ਤੇ ਪਾਕਿਸਤਾਨ ਦੇ ਐਲਾਨ ਤੋਂ ਬਾਅਦ ਭਾਰਤ ਨੇ ਪਾਕਿਸਤਾਨ...
ਨਵੀਂ ਦਿੱਲੀ : ਭਾਰਤੀ ਹਵਾਈ ਫੌਜ (Indian Air Foce) ਦੇ ਪਾਇਲਟ ਅਭਿਨੰਦਨ ਵਰਧਮਾਨ ਨੂੰ ਰਿਹਾਅ ਕਰਨ ‘ਤੇ ਪਾਕਿਸਤਾਨ ਦੇ ਐਲਾਨ ਤੋਂ ਬਾਅਦ ਭਾਰਤ ਨੇ ਪਾਕਿਸਤਾਨ ਨੂੰ ਕਿਹਾ ਕਿ ਉਹ ਚਾਹੁੰਦਾ ਹੈ ਕਿ ਪਾਇਲਟ ਨੂੰ ਹਵਾਈ ਰਸਤੇ ਤੋਂ ਵਾਪਸ ਭੇਜਿਆ ਜਾਵੇ ਨਾ ਕਿ ਵਾਹਗਾ ਸਰਹੱਦ ਤੋਂ। ਭਰੋਸੇਯੋਗ ਸੂਤਰਾਂ ਨੇ ਇਹ ਜਾਣਕਾਰੀ ਦਿੱਤੀ ਹਾਲਾਂਕਿ ਦੇਰ ਰਾਤ ਪਾਕਿਸਤਾਨ ਨੇ ਭਾਰਤ ਨੂੰ ਜਵਾਬ ਦਿੱਤਾ ਕਿ ਉਹ ਅਟਾਰੀ-ਵਾਹਗਾ ਸਰਹੱਦ ਤੋਂ ਹੀ ਪਾਇਲਟ ਨੂੰ ਵਾਪਸ ਭੇਜੇਗਾ।
ਭਾਰਤੀ ਰੱਖਿਆ ਸੰਸਥਾਪਕ ਵਿੰਗ ਕਮਾਂਡਰ ਵਰਤਮਾਨ ਨੂੰ ਵਾਪਸ ਲਿਆਉਣ ਲਈ ਇੱਕ ਵਿਸ਼ੇਸ਼ ਜਹਾਜ਼ ਪਾਕਿਸਤਾਨ ਭੇਜਣ ‘ਤੇ ਵਿਚਾਰ ਕਰ ਰਿਹਾ ਸੀ। ਵਰਤਮਾਨ ਹੁਣ ਵਾਹਗਾ ਸਰਹੱਦ ਤੋਂ ਅਪਣੇ ਦੇਸ਼ ਪਰਤਣਗੇ ਜੋ ਪਾਕਿਸਤਾਨ ਲਾਹੌਰ ਤੋਂ ਲਗਪਗ 25 ਕਿਲੋਮੀਟਰ ਦੂਰ ਹੈ। ਧਿਆਨ ਯੋਗ ਹੈ ਕਿ ਪਾਇਲਟ ਨੂੰ ਬੁੱਧਵਾਰ ਨੂੰ ਉਸ ਸਮੇਂ ਫੜਿਆ ਗਿਆ ਸੀ
ਜਦੋਂ ਉਨ੍ਹਾਂ ਦੇ ਮਿਗ 21 ਜਹਾਜ਼ ਨੂੰ ਮਾਰ ਸੁਟਿੱਆ ਗਿਆ ਅਤੇ ਉਹ ਕੰਟਰੋਲ ਰੇਖਾ (ਐਲਓਸੀ) ਦੇ ਪਾਰ ਪਾਕਿਸਤਾਨ ਵਾਲੇ ਕਸ਼ਮੀਰ ‘ਚ ਉਤਰੇ ਸਨ। ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਵੀਰਵਾਰ ਨੂੰ ਸੰਸਦ ਵਿੱਚ ਐਲਾਨ ਕੀਤਾ ਸੀ ਕਿ ਵਰਤਮਾਨ ਨੂੰ ਸ਼ਾਂਤੀ ਤੇ ਦੇਖ-ਰੇਖ ਦੇ ਤੌਰ ‘ਤੇ ਸ਼ੁੱਕਰਵਾਰ ਨੂੰ ਰਿਹਾਅ ਕੀਤਾ ਜਾਵੇਗਾ।