ਕਿਹਾ- ਬੀਜੇਪੀ ਦੀ ਧਮਕੀ ਭਰੀ ਰਾਜਨੀਤੀ ਅੱਗੇ ਝੁਕਾਂਗੇ ਨਹੀਂ

ਨਵੀਂ ਦਿੱਲੀ : ਮਨੀ ਲਾਂਡਰਿੰਗ ਮਾਮਲੇ ਵਿੱਚ ਇੰਫੋਰਸਮੈਂਟ ਡਾਇਰੈਕਟੋਰੇਟ ਵਲੋਂ ਗ੍ਰਿਫ਼ਤਾਰ ਸ਼ਿਵ ਸੈਨਾ ਦੇ ਸੰਸਦ ਮੈਂਬਰ ਸੰਜੇ ਰਾਉਤ ਦੇ ਹੱਕ ਵਿਚ ਹੁਣ ਇੱਕ ਕਾਂਗਰਸੀ ਨੇਤਾ ਆਏ ਹਨ। ਪਾਤਰਾ ਚਾਲ ਘੁਟਾਲੇ ਦੇ ਦੋਸ਼ੀ ਸੰਜੇ ਰਾਉਤ ਤੋਂ ਬੁੱਧਵਾਰ ਨੂੰ ਕਾਫੀ ਦੇਰ ਤੱਕ ਪੁੱਛਗਿੱਛ ਕੀਤੀ ਗਈ। ਇਸ ਪੁੱਛਗਿੱਛ ਤੋਂ ਬਾਅਦ ਉਸ ਨੂੰ ਐਤਵਾਰ ਰਾਤ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।

Adhir Ranjan

ਸੰਜੇ ਰਾਉਤ ਦੀ ਗ੍ਰਿਫਤਾਰੀ ਤੋਂ ਬਾਅਦ ਕਾਂਗਰਸ ਨੇਤਾ ਅਧੀਰ ਰੰਜਨ ਚੌਧਰੀ ਉਨ੍ਹਾਂ ਦੇ ਸਮਰਥਨ 'ਚ ਆ ਗਏ ਹਨ। ਇੱਕ ਟਵੀਟ ਵਿੱਚ ਅਧੀਰ ਨੇ ਕਿਹਾ ਕਿ ਸੰਜੇ ਰਾਉਤ ਭਾਜਪਾ ਦੀ ਡਰਾਉਣੀ ਰਾਜਨੀਤੀ ਅੱਗੇ ਝੁਕਣ ਵਾਲੇ ਨਹੀਂ ਹਨ। ਅਧੀਰ ਨੇ ਕਿਹਾ, ''ਸੰਜੇ ਰਾਉਤ ਨੇ ਸਿਰਫ ਇਕ ਅਪਰਾਧ ਕੀਤਾ ਹੈ ਕਿ ਉਹ ਭਾਜਪਾ ਦੀ ਧਮਕਾਉਣ ਵਾਲੀ ਰਾਜਨੀਤੀ ਅੱਗੇ ਨਹੀਂ ਝੁਕਿਆ।

Sanjay Raut

ਸੰਜੇ ਰਾਉਤ ਦ੍ਰਿੜ ਅਤੇ ਹਿੰਮਤ ਵਾਲਾ ਵਿਅਕਤੀ ਹੈ। ਅਸੀਂ ਸੰਜੇ ਰਾਉਤ ਦੇ ਨਾਲ ਹਾਂ। ਦੱਸਿਆ ਜਾ ਰਿਹਾ ਹੈ ਕਿ ਈਡੀ ਨੇ ਸੰਜੇ ਰਾਉਤ ਤੋਂ ਕਰੀਬ 11 ਲੱਖ ਰੁਪਏ ਦੀ ਨਕਦੀ ਬਰਾਮਦ ਕੀਤੀ ਹੈ। ਈਡੀ ਨੇ ਪੈਸੇ ਦਾ ਹਿਸਾਬ ਨਾ ਦੇਣ 'ਤੇ ਪੈਸੇ ਜ਼ਬਤ ਕਰ ਲਏ। ਸੰਜੇ ਰਾਉਤ ਦੇ ਭਰਾ ਸੁਨੀਲ ਰਾਉਤ ਨੇ ਕਿਹਾ ਕਿ ਉਸ ਨੂੰ ਗਲਤ ਤਰੀਕੇ ਨਾਲ ਗ੍ਰਿਫਤਾਰ ਕੀਤਾ ਗਿਆ ਹੈ। ਗ੍ਰਿਫਤਾਰੀ ਸਬੰਧੀ ਸਾਨੂੰ ਕੋਈ ਨੋਟਿਸ ਨਹੀਂ ਦਿੱਤਾ ਗਿਆ ਹੈ।